समाचार

खोटाङ, १४ चैत । पैसा कमाउनका लागि भारतको हैदरावाद पुगेकाबेला गाडीको ठक्करबाट ज्यान गुमाएका खोटाङका एक युवाको घरबाट खर्च पठाएर दाहसंस्कार गरिएको छ । रोजगारी खोज्दै हैदरावाद पुगेकाबेला गाडीको ठक्करबाट ज्यान गुमाएका खोटेहाङ गाउँपालिका–७ खोटाङबजार भँडारेका २५ वर्षीय तिलक परियारको हैदरावादमै दाहसंस्कार गरिएको हो । रोजगारीका लागि हैदरावाद पुगेको हप्ता दिन नवित्दै गाडीले ठक्कर दिँदा गम्भीर घाइते भएका परियारको चैत ११ गते मृत्यु भएको थियो । घरबाट दुई पटकगरि २८ हजार खर्च पठाएपछि परियारको विद्युतीय शवगृहमा दाहसंस्कार गरिएको स्थानीय अगुवा अमरसिं बस्नेतले बताए । हैदरावादमै रहेका आफन्तहरु भेला भएर १६ हजार भारतीय रुपैयाँ खर्च गरेर परियारको दाहसंस्कार गरेका हुन् । चैत ५ गते हैदरावाद पुगेका तिलक चैत ६ गते गाडीको ठक्करबाट गम्भीर घाइते भएका थिए । गान्धी अस्पताल, सेकन्दरावादमा उपचारका क्रममा तिलकको मृत्यु भ...

खोटाङ, ११ चैत । रोजगारीका लागि भारतको हैदरावाद पुगेका खोटाङका एक युवाले गाडीको ठक्करबाट ज्यान गुमाएका छन् । होटलमा काम गर्नका लागि साथीहरुसँगै हैदरावाद पुगेका खोटेहाङ गाउँपालिका–७ खोटाङबजार भँडारेका २५ वर्षीय तिलक परियारको मृत्यु भएको हो । पैसा कमाउने सपना बोकेर हैदरावाद पुगेको हप्ता दिन नबित्दै परियारले ज्यान गुमाएको स्थानीय अगुवा अमरसिं बस्नेतले बताए । होटलमा काम गर्ने भन्दै तिलक गाउँकै सन्तोष परियार र कृष्ण परियारको साथमा चैत २ गते हैदरावादतर्फ हिँडेका थिए । चैत ५ गते हैदरावाद पुगेका तिलक चैत ६ गते गाडीको ठक्करबाट गम्भीर घाइते भएका थिए । उनलाई सडक पार गर्नेक्रममा गाडीले ठक्कर दिएको थियो । गान्धी अस्पताल, सेकन्दरावादमा उपचारका क्रममा चैत ११ गते बिहान तिलकको मृत्यु भएको हैदरावादमा रहेका आफन्तले जानकारी दिएका छन् । विपन्न आर्थिक अवस्थाका तिलक र सन्तोष निर्वाचन प्रहरीको रुपमा काम गरेर फर्...

खोटाङ, १० चैत । भ्रष्टाचार मुद्धामा मुछिएका खोटाङका तत्कालिन दुई जिल्ला शिक्षा अधिकारी सहित ६ जनाले विशेष अदालतबाट सफाइ पाएका छन् । दिप्रुङ चुइचुम्मा गाउँपालिका–४ बतासेस्थित जनता माविको भवन निर्माणका क्रममा भ्रष्टाचार गरेको भन्दै अख्तियार दुरुपयोग अनुसन्धान आयोगबाट मुद्धा दायर गरिएका तत्कालिन जिल्ला शिक्षा अधिकारी बालकृष्ण चापागाईं र गणेशप्रसाद भट्टराई, तत्कालिन जिल्ला शिक्षा कार्यालयका लेखा अधिकृत भुवनप्रसाद आचार्य, तत्कालिन लेखापाल सुरेशकुमार श्रेष्ठ, तत्कालिन विव्यास अध्यक्ष चर्चबहादुर विश्वकर्मा र बबेन्द्र राईले सफाइ पाएका हुन् । जनता माविको चार कोठे भवन निर्माणका क्रममा साँढे ३० लाख अनियमितता गरेको भन्दै अख्तियारले गत असोज २६ गते वडाध्यक्ष राई सहित नौ जना विरुद्ध भ्रष्टाचार मुद्धा दायर गरेको थियो । (विस्तृत भिडियो समाचार Views Of Nepal TV पेजमा प्रकाशित छ ।) ...

खोटाङ, ९ चैत । खोटाङको हलेसी तुवाचुङ नगरपालिकाले आधारभुत अस्पतालको भवन अलपत्र पार्ने ठेकेदारको गाडी नियन्त्रणमा लिएको छ । हलेसी तुवाचुङ नगरपालिका–७ महादेवस्थान (हलेसी)मा निर्माणाधिन आधारभुत अस्पतालको भवन अलपत्र पार्ने निर्माण कम्पनी नमुना/हिमालयन जेभी विराटनगरका ठेकेदार रमेश बस्नेतको बागमती प्रदेश १६ च ६८०२ नम्बरको गाडी नियन्त्रणमा लिएको हो । आवश्यक निर्माण सामाग्री तथा जनशक्तिको व्यवस्थापन गरेर ठेक्का बमोजिमको काम सुरु नभएसम्मका लागि चैत ८ गतेदेखि गाडी, गाडीको चाँबी र सवारी साधन दर्ता प्रमाण–पत्र नियन्त्रणमा राखिएको हलेसी तुवाचुङ नगरपालिकाका मेयर बिमला राईले बताईन् । (विस्तृत समाचार Views Of Nepal TV पेजमा मा प्रकाशित छ ।) ...

खोटाङ, ४ चैत । महिना दिनअघि युकेमा खोटाङको केपिलासगढी गाउँपालिका–२ खार्ताम्छा बालाबेँसीकी मनलक्षी राईको मृत्यु भयो । मनलक्षीको शवलाई युकेबाट गाउँमा लैजाने र सदगद गर्ने पारिवारिक योजना बन्यो । चैत ३ गते शवलाई काठमाडौं ल्याइयो र चैत ४ गते हेलीकोप्टरमार्फत गाउँ लैजाने तयारी गरिए तर हेलीकोप्टरमा कफन बक्स अटेन । चार्टर गरिएको हेलीकोप्टरमा नअटेको कफनलाई एम्बूलेन्समार्फत गाउँ पुर्‍याउने व्यवस्था मिलाइयो । त्यसपछि मृतक परिवार सहित पाँच जनाको टोली हेलीकोप्टरमा चढे । शवलाई काठमाडौंमै छाडेर उँडेको तिनै एयर डाइनेष्टि हेलीकोप्टर बिहान ११ बजेर ५१ मिनेटमा बालाबेँसीमा दुर्घटनामा परेको छ । हेलीकोप्टरमा सवार मनलक्षीका श्रीमान डाकमणी राई, छोरा बालकुमार राई, छोरी लक्ष्मी राई र आफन्त समला राई सशुकल रहेको खार्ताम्छाका वडाध्यक्ष मिलन राईले बताए । पाइलट सविन थापा पनि सकुशल छन् । डाकमणी पुर्व यूके लाहुरे हुन् । ...

खोटाङ, ४ चैत । खोटाङको केपिलासगढी गाउँपालिका–२ खार्ताम्छाको बालाबेसीमा हेलीकोप्टर दुर्घटना भएको छ । चैत ४ गते काठमाडौंबाट बालाबेँसी पुगेर ल्याण्ड गर्नेक्रममा एयर डाइनेष्टिक हेलीकोप्टर दुर्घटनामा परेको हो । सुरुमा बारीको डिलमा बसेको हेलीकोप्टरलाई पुःन उठाएर अलि बिचमा सार्न खोज्दा हेलीकोप्टर जमिनमा जोतिदै उछिट्टिएर माथिल्लो गर्‍हामा पुगेको जानकारी आएको केपिलासगढी गाउँपालिका अध्यक्ष समिर राईले बताए । उछिट्टएको हेलीकोप्टर क्षतविक्षत भएको देखिन्छ । युकेमा फागुन ५ गते मृत्यु भएका मनलक्षी राईको शवलाई दाहसंस्कार गर्न गाउँ आएका मृतक परिवार चढेको हेलीकोप्टर दुर्घटनामा परेको खार्ताम्छाका वडाध्यक्ष मिलन राईले बताए । शव प्याक गरिएको बाकस हेलीकोप्टरमा नअटेपछि मृतक परिवार मात्रै गाउँ आएका थिए । शवलाई भने गाडीमार्फत गाउँ पु¥याउने व्यवस्था मिलाइएको वडाध्यक्ष राईले बताए । दुर्घटनामा पाइलट तथा डाकमणी राई, ...

खोटाङ, ३ चैत । हावाहुरीले खोटाङको हलेसी एफमए १०२.४ मेगाहर्जको रिपिटर टार भाँचिएको छ । चैत २ गते साँझ सामान्य वर्षासँगै आएको हावाहुरीले एफएमको रिपिटर टावर भाँचिएको हो । दिक्तेल रुपाकोट मझुवागढी नगरपालिका–३ बाम्राङको मुढेमा रहेको टावर भाँचिएपछि रेडियोको प्रशारण रोकिएको छ । हावाहुरी सुरु हुने वित्तिकैदेखि प्रशारण बन्द गरिएको हलेसी एफएमका सञ्चालक समिति अध्यक्ष बिष्णुकुमार राईले बताए । तिव्र गतिको हावाहुरीले रेडियोको टावर भाँचिएर भुइँमा थुप्रिएको छ । यस्तै एफएमको टावर सँगै रहेको दुई भवनमध्ये एक भवनको जस्ताको छाना पनि हावाहरीले उडाएको छ । हावाहुरीले टावर नजिकै रहेको विद्युतको दुई वटा पोल पनि ढालेको छ । हावाहुरीले खोटाङका विभिन्न ठाउँमा दर्जनौं घर र विद्यालयको छाना उढाएको छ । क्षतीको विस्तृत विवरण आउन बाँकी रहेको जिल्ला प्रहरी कार्यालय खोटाङका डिएसपी प्रकाश बुढाथोकीले बताए ।...

काठमाडौं, २ चैत । पारिजात स्मृति केन्द्रले पारिजात सम्मान २०८२ बाट सम्मानित हुने प्रतिभाको नाम घोषणा गरेको छ । साहित्यकार पारिजातको ९२ औं जन्मजयन्तीको अवशरमा फागुन ३० गते पारिजात सम्मानबाट सम्मानित हुने चार जना प्रतिभाको नाम घोषणा गरिएको हो । पारिजात स्मृति केन्द्रका अनुसार बालसाहित्यकार रामबाबु सुवेदीलाई पारिजात बालसाहित्य सम्मान, गीतकार तथा सङ्गीतकार शरद पौडेललाई पारिजात कला सम्मान, नवीन विभासलाई पारिजात सृजन सम्मान र देवी खड्कालाई पारिजात सङ्घर्षशील महिला सम्मान प्रदान गर्ने घोषणा गरिएको छ । जनही २५ हजार राशी सहितको सम्मान पारिजातको स्मृति दिवसको अवसरमा आगामी बैसाख ५ गते प्रदान गर्ने पारिजात स्मति केन्द्रका महासचिव दिलसुन्दर श्रेठले जानकारी दिए । पारिजातको जन्मजयन्तीको दिन ‘प्राध्यपक डाक्टर वासुदेव त्रिपाठीसँग महेश मास्के पारिजात परिसंवाद’ गरिएको छ । पारिजात स्मृति केन्द्रले पारिजातको...

काठमाडौं, २७ फागुन । काठमाडौंमा साहित्यकार पारिजातको ९२ औं जन्मजयन्ती मनाउने तयारी गरिएको छ । पारिजात स्मति केन्द्रको आयोजनामा फागुन ३० गते पारिजात स्मृति भवन, म्हेपी, नयाँबजारमा पारिजातको जन्मजयन्ती मनाउने तयारी गरिएको हो । पारिजातको जन्मजयन्तीको अवशसरमा पारिजातको प्रतिमामा माल्यार्पणसँगै पारिजात सम्मान पाउने व्यक्तिहरुको नाम घोषणा गरिने पारिजात स्मृति केन्द्रका कोषाध्यक्ष तथा रत्न राज्य क्याम्पसका उप–प्राध्यापक डा. विन्दु शर्माले बताए । सोही अवसरमा प्राध्यपक डा. वासुदेव त्रिपाठी र डा. महेश मास्केबीचमा पारिजात परिसंवाद सँगै पारिजात स्मारिका लोकार्पण गर्ने कार्यक्रम छ । पारिजात स्मृति केन्द्रले फागुन ३० गतेको दिनलाई ‘पारिजात जन्मजयन्ती’को रुपमा मनाउँदै आएको छ । वास्तविक नाम बिष्णुकुमारी वाइवा भए पनि उनी साहित्यमा पारिजातको नामले परिचित छन् । विक्रम संवत १९९० साल फागुन ३० गते जन्मिएका पार...

खोटाङ, २६ फागुन । गोरखाको गोरखा नगरपालिका–७ का सुजन उपरकोटीले कोरिया पठाउने वाहनामा एक लाख ठगी गरेका छन् । धार्मिक सेमीनारकालागि भिजिट भिसामा कोरिया पठाउने वाहनामा उपरकोटीले धरान उपमहानगरपालिका–१५ निवासी अनुशा तामाङलाई ठगेका हुन् । खोटाङको केपिलासगढी गाउँपालिका–४ बाक्सिला पुर्खौली थलो भएका अनुशाबाट उपरकोटीले कोरिया पठाइदिने भन्दै गत साउनमा एक लाख लिएका थिए । हाल मनमैजु बस्दैआएका उपरकोटीले भिजिट भिषामा महिना दिनभित्र कोरिया पठाउने भन्दै पैसा मागेको तर कोरिया नपठाएको तथा पैसा पनि फिर्ता नदिएको अनुशाले गुनासो गरिन् । कोरिया जान तत्काल एक लाख जम्मा गर्न भनेपछि अनुशाले ऋण खोजेर उपरकोटीको खातामा क्यूआर गरिदिएकी थिईन् । कोरिया पुग्ने सपनामा अनुशाले उपरकोटीलाई गत साउन १४ गते ५० हजार र साउन १९ गते ५० हजार पठाइदिएको स्टेटमेन्टमा देखिन्छ । अनुशाको खाताबाट साउन १४ गते २५/२५ हजारका दरले दुई पटक र साउन...