सोनाम सज्जन किरातीलाई तुवाचुङ साप्ताहिक पुरस्कार प्रदान गर्ने घोषणा
खोटाङ, २२ बैसाख । खोटाङबाट प्रकाशन हुँदैआएको तुवाचुङ साप्ताहिकले कवि, लेखक तथा पत्रकार सोनाम सज्जन किरातीलाई पुरस्कार प्रदान गर्ने निर्णय गरेको छ । हलेसी तुवाचुुङ नगरपालिकालाई आधारभूमि बनाएर प्रकाशन हुँदैआएको पत्रिकाले १५ हजार १५ रुपैयाँ राशीको तुवाचुङ साप्ताहिक पुरस्कार कवि, लेखक तथा पत्रकार किरातीलाई प्रदान गर्ने निर्णय गरेको हो ।
तुवाचुङ साप्ताहिक प्रकाशन समितिको वैशाख १७ गते बसेको बैठकबाट कवि, लेखक तथा पत्रकार किरातीलाई तुवाचुङ साप्ताहिक पुरस्कार प्रदान गर्ने निर्णय गरिएको तुवाचुङ साप्ताहिकका प्रकाशक/सम्पादक दिपेन्द्र राईले जानकारी दिए । घोषित पुरस्कार पत्रिकाको वार्षिकोत्सव अर्थात ‘तुवाचुङ डे’को दिन आगामी साउन ४ गते प्रदान गर्ने तयारी गरिएको विज्ञाप्तीमार्फन जानकारी दिइएको छ ।
हलेसी तुवाचुङ नगरपालिका–२ डिकुवा दाम्ली निवासी किरातीका संस्मरणात्मक पुस्तक ‘जनयुद्धमा वितेका पल (२०८०)’ र ...
