शिक्षा

खोटाङ, २७ बैसाख । खोटाङमा शिक्षक छनौटका लागि सञ्चालन गरिएको परीक्षा विवादका कारण अनिर्णीत बनेको छ । दिप्रुङ चुइचुम्मा गाउँपालिका–४ बतासेस्थित राम्चे निकेतन मावि, इजाराको बाली विज्ञान सहायक प्रशिक्षक छनौट परीक्षा विवादका कारण भाँडिएको हो । विद्यालयका लागि एक जना आइएससी एजी शिक्षक छनौटका लागि बैसाख २४ गते गाउँपालिकाको कार्यालयमा परीक्षा सञ्चालन गरिएको थियो । परीक्षामा दिप्रुङ चुइचुम्मा गाउँपालिकाका एक जना र जन्तेढुंगा गाउँपालिकाका एक जना परिक्षार्थी सहभागी भएका थिए तर नतिजा प्रकाशन अगावै परीक्षा विवादित बनेको हो । दुई जना परीक्षार्थी सहभागी भएको परीक्षामा तीन वटा उत्तर पुस्तिका भेटिएकाले परीक्षामा विवाद निस्किएको परीक्षा सञ्चालन समितिका संयोजक एबं विव्यास अध्यक्ष मेघराज दंगालले बताए । दंगालका अनुसार पहिलो पेपरको परीक्षा सकिएपछि उत्तरपुस्तिका संकलन गरेर गाउँपालिकाको शिक्षा शाखालाई बुझाइएको थ...

खोटाङ, १४ बैसाख । खोटाङको खोटेहाङ गाउँपालिकामा सञ्चालित कक्षा १२ को परीक्षामा नौ परिक्षार्थी अनुपस्थित भएका छन् । बैसाख १४ गतेदेखि सुरु भएको परिक्षामा ४ छात्रा र ५ छात्र अनुपस्थित भएका हुन् । भगवती दिनानाथ मावि, खोटाङबजार परीक्षा केन्द्रबाट १४६ छात्रामध्ये १४२ र ७९ छात्रमध्ये ७४ छात्र मात्रै सहभागी भएको गाउँपालिकाका विद्यालय श्रोत निरिक्षक मानबहादुर पौडेलले जानकारी दिए । कक्षा १२ को परीक्षा अन्तरगत पहिलो दिन अंग्रेजी विषयको परीक्षा भएको छ । परीक्षा मर्यादित, अनुशासित, शान्त र भयरहित वातावरणमा सञ्चालन भइरहेको गाउँपालिकाका विद्यालय श्रोत निरिक्षक पौडेलले बताए । भगवती दिनानाथ मावि केन्द्रबाट खोटेहाङ, जन्तेढुंगा र दिप्रुङ चुइचुम्मा गाउँपालिकाको ६ वटा माविका परीक्षार्थीले परिक्षा दिइरहेका छन् । खोटेहाङ गाउँपालिकाको सिमपानी मावि र सावाकाली मावि, जन्तेढुंगा गाउँपालिकाको चिसापानी मावि तथा दिप्रुङ...

खोटाङ, ३० चैत । खोटाङको ऐसेलुखर्क गाउँपालिका–२ बाकाचोलमा विद्यालय सुशासन सम्वन्धी क्षमता अभिवृद्धि तालिम सुरु भएको छ । इको हिमालमार्फत बालबालिकाहरूको लागि समतामूलक र गुणस्तरीय सिकाई परियोजना सञ्चालन भइरहेको क्षेत्रका विद्यालयका व्यवस्थापन समिति र शिक्षक अभिभावक संघलाई लक्षित गर्दै विद्यालय सुशासन सम्बन्धी क्षमता अभिवृद्धि तालिम सुरु गरिएको हो । बैसाख ३ गतेसम्म सञ्चालन हुने विद्यालय सुशासन सम्वन्धी क्षमता अभिवृद्धि तालिम चैत ३० गते कालिका माविका विव्यास अध्यक्ष बीरसिंह सुनारको अध्यक्षता तथा बाकाचोलका वडाध्यक्ष नन्दकुमार तामाङको प्रमुख आतिथ्यतामा उद्घाटन गरिएको छ । विद्यालय सुधार योजना, सामाजिक लेखा परिक्षण र गुणस्तरिय शिक्षा सम्वन्धी जानकारी दिने लक्ष्यका तालिम आयोजना गरिएको इको हिमालको कृषि अधिकृत अभिमन्यु अधिकारीले जानकारी दिए । इको हिमालले को–अपरेड नामक अन्तर्राष्ट्रिय संस्थाको आर्थिक ...

खोटाङ, १० चैत । भ्रष्टाचार मुद्धामा मुछिएका खोटाङका तत्कालिन दुई जिल्ला शिक्षा अधिकारी सहित ६ जनाले विशेष अदालतबाट सफाइ पाएका छन् । दिप्रुङ चुइचुम्मा गाउँपालिका–४ बतासेस्थित जनता माविको भवन निर्माणका क्रममा भ्रष्टाचार गरेको भन्दै अख्तियार दुरुपयोग अनुसन्धान आयोगबाट मुद्धा दायर गरिएका तत्कालिन जिल्ला शिक्षा अधिकारी बालकृष्ण चापागाईं र गणेशप्रसाद भट्टराई, तत्कालिन जिल्ला शिक्षा कार्यालयका लेखा अधिकृत भुवनप्रसाद आचार्य, तत्कालिन लेखापाल सुरेशकुमार श्रेष्ठ, तत्कालिन विव्यास अध्यक्ष चर्चबहादुर विश्वकर्मा र बबेन्द्र राईले सफाइ पाएका हुन् । जनता माविको चार कोठे भवन निर्माणका क्रममा साँढे ३० लाख अनियमितता गरेको भन्दै अख्तियारले गत असोज २६ गते वडाध्यक्ष राई सहित नौ जना विरुद्ध भ्रष्टाचार मुद्धा दायर गरेको थियो । (विस्तृत भिडियो समाचार Views Of Nepal TV पेजमा प्रकाशित छ ।) ...

खोटाङ, २७ माघ । कनककुमारी स्मृति प्रतिष्ठानले खोटाङको रावाबेँसी गाउँपालिकाका ६ जना महिला स्वास्थ्य स्वयंसेविकालाई सम्मान गरेको छ । रावाबेँसी गाउँपालिका–२ खार्पाकी स्वर्गीय कनककुमारी पोखरेल र छोरा डोरमणी पोखरेलको स्मृतिमा स्थापना गरिएको प्रतिष्ठानले गाउँपालिकाको ६ वडाका एक/एक जना उत्कृष्ट महिला स्वास्थ्य स्वयंसेविकालाई ‘कनकुमारी पोखरेल उत्कृष्ट महिला स्वास्थ्य स्वयंसेबिका’ सम्मान प्रदान गरेको हो । दुर्गम ठाउँका सर्वसाधारणको स्वास्थ्य सेवामा पुर्‍याएको योगदानको मूल्यांकन गर्दै प्रतिष्ठानले महिला स्वास्थ्य स्वयंसेविका सम्झना थापा मगर, इन्द्र परियार, लङ्कमायाँ मगर, शिवकुमारी पाण्डे, प्रमिला थापा मगर र निर्मला श्रेष्ठलाई सम्मान गरेको छ । माघ २६ गते शारदा मावि, खार्पामा आयोजना गरिएको कार्यक्रममा उत्कृष्ट महिला स्वास्थ्य स्वयंसेविकाहरुलाई जनही सात हजार सहित सम्मान–पत्र प्रदान गरिएको छ । आर्थिक त...

खोटाङ, २५ माघ । खोटाङको दिक्तेलस्थित सरस्वती माविलाई एक पुर्वविद्यार्थीले सरस्वतीको मुर्ती प्रदान गरेका छन् । दिक्तेल रुपाकोट मझुवागढी नगरपालिका–२ सोल्मा निगाले निवासी पुर्वविद्यार्थी लक्ष्मण थापाले सरस्वती माविलाई सरस्वतीको धातुको मुर्ती प्रदान गरेका हुन् । माघ २५ गते विद्यालयमा आयोजित कार्यक्रममा पुर्वविद्यार्थी थापाले विद्यालयलाई सरस्वतीको एक थान मुर्ती हस्तान्तरण गरेका हुन् । सरस्वतीको मुर्ती हस्तान्तरण कार्यक्रममा दिक्तेल रुपाकोट मझुवागढी नगरपालिका–१ दिक्तेलका वडाध्यक्ष नवराज राई, विव्यास अध्यक्ष इन्दिरा बस्नेत, प्रधानाध्यपक शिवहरी ढकाल, विव्यास सदस्य लगायतको उपस्थिति रहेको थियो । सरस्वतीको मुर्ती प्रदान गर्ने थापा २०४९ सालको एसएलसी ‘व्याच’का विद्यार्थी हुन् । हाल बिराटनगर बस्दैआएका थापाले विद्यालयको प्रगतीको कामना सहित सरस्वतीको मुर्ती प्रदान गरेको बताएका छन् । थापा सरस्वती माविको ...

खोटाङ, २० मंसिर । खोटाङको हलेसी तुवाचुङ नगरपालिकाले शिक्षकलाई स्थानीय भत्ता दिने निर्णय गरेको छ । शिक्षक तथा कर्मचारीको लागि नेपाल सरकारको कार्यक्रम कार्यान्वयन कार्यविधि पुस्तिका अनुसार नगरपालिकाले चालु आर्थिक वर्षदेखि शिक्षकलाई स्थानीय भत्ता दिने निर्णय गरेको हो । मंसिर २० गतेको कार्यपालिका बैठकबाट स्थायी, स्वीकृत दरबन्दीमा कार्यरत अस्थायी/करार र प्राविधिक धारमा कार्यरत प्रशिक्षक तथा सहायक प्रशिक्षकलाई स्थानीय भत्ता दिने निर्णय गरिएको हलेसी तुवाचुङ नगरपालिकाका मेयर बिमला राईले बताईन् । (विस्तृत समाचार Views Of Nepal को पेजमा उपलव्ध छ ।) ...

खोटाङ, २२ कात्तिक । खोटाङको दिक्तेल रुपाकोट मझुवागढी नगरपालिका–१३ नुनथलास्थित जालपा माविले चार वटा कोषबाट छात्रबृत्ति तथा पुरस्कार प्रदान गरेको छ । कात्तिक २१ गते कार्यक्रम गर्दै जालपा माविले बुलुङ तामाङ अक्षयकोषबाट कक्षा ८ मा अध्यानरत छात्रा पूर्णीमा तामाङ, प्रियाङ्का चाम्लिङ र कक्षा ७ मा अध्यानरत दीक्षा राईलाई जनही पाँच हजारका दरले छात्रवृत्ति प्रदान गरेको छ । यस्तै, मनबर्ण राई बाल प्रतिभा सम्मान कोषबाट कक्षा १० की सिर्जना तामाङलाई पुरस्कार स्वरुप १० हजार प्रदान गरिएको विद्यालयका पुर्वप्रधानाध्यपक हेमबिक्रम राईले बताए । जगसेर राई शिक्षक सम्मान कोषबाट जालपा माविकै निरन्तर मूल्यांकन समितिलाई नगद १० हजार प्रदान गरिएको छ । यस्तै, बीरबहादुर राई–कालीशोभा राई अभिभावक सम्मान कोषबाट कक्षा ३ का छात्र रिदम राईलाई ५ हजार प्रदान गर्नुका साथै रिदमका अभिभावक कञ्चन सुनुवार राईलाई उत्कृष्ट अभिभावक सम्मा...

खोटाङ, १४ कात्तिक । खोटाङको दिक्तेल बहुमुखी क्याम्पसले विषय थप गर्ने योजना बनाएको छ । कात्तिक १४ गते सम्पन्न क्याम्पसको सातौं साधारणसभामा क्याम्पस प्रमुख कृष्णबहादुर राईले समयअनुकुल आवश्यक विषय थप गर्ने नीति तथा कार्यक्रम प्रस्तुत गरेका छन् । खोटाङकै ज्येष्ठ क्याम्पसमा हाल मानविकी तथा सामाजिक शास्त्र, शिक्षा शास्त्र र व्यवस्थापन संकायको पठन–पाठन भइरहेको छ । यस्तै, परम्परागत शिक्षण विधि र साधनहरुलाई हटाउँदै आधुनिक विधि र साधनहरुको प्रयोग गरी गुणस्तरीय शिक्षा प्रदान गर्ने, क्याम्पस भर्ना दर बढाउने र ‘ड्रपआउट’ कम गर्ने योजनाहरु बनाउने, विषयविज्ञहरुबाट भौतिक वा भर्चुअल कक्षा सञ्चालनको व्यवस्था गर्ने प्रस्ताव अघि सारिएको छ । यस्तै, कक्षामा उपस्थित हुन नसक्ने विद्यार्थीका लागि क्याम्पसको लर्निङ मेनेजमेन्ट सिस्टमलाई व्यवस्थित गरी भर्चुअल कक्षा सञ्चालन गर्ने, विद्यार्थीको परम्परागत उपलव्धी मापन व...

खोटाङ, ३ असोज । खोटाङको दिक्तेल रुपाकोट मझुवागढी नगरपालिका–८ दोर्पाचिउरीडाँडास्थित अन्नपूर्ण माविको ५८ औं बार्षिकोत्सव मनाइएको छ । विभिन्न खेदकुद, वक्तृत्वकला र नृत्य प्रतियोगीता गर्दै अन्नपूर्ण माविको बार्षिकोत्सव मनाइएको हो । भदौ २४ गते समापन गर्नेगरि भदौ २२ गते उद्घाटन गरिएको बार्षिकोत्सव जेनजीको अन्दोलनका कारण असोज २ गते समापन गरिएको प्रधानाध्यपक पेशल राईले बताए । वार्षिकोत्सव अन्तरगत आयोजना गरिएको महिला भलिबल प्रतियोगीतामा बुवासुङ टोल प्रथम, अन्नपूर्ण टोल समुह दोश्रो र अन्नपूर्ण मावि तेश्रो भएका छन् । यस्तै, पुरुष भलिबलमा रमाइलो लामीडाँडा टोल समुह प्रथम, अन्नपूर्ण टोल समुह दोश्रो र अन्नपूर्ण मावि तेश्रो भएको विद्यालयले जनाएको छ । अन्तर मावि स्तरिय बक्तृत्वकला प्रतियोगीतामा सरस्वती मावि दिक्तेलका बिपासा खनाल प्रथम, शितला मावि खाल्लेका प्रनिशाहाङ्मा राई दोश्रो तथा अन्नपूर्ण माविका निक...