समाज

खोटाङ, २७ असार । खोटाङमा खुकुरी प्रहार गरी हत्यामा संलग्न भएको अभियोगमा थप दुई जना पक्राउ गरेका छन् । दिप्रुङ चुइचुम्मा गाउँपालिका–१ याम्खा मोहोरियाका ३८ वर्षीय ध्रुब भनिने भक्तबहादुर अधिकारीको हत्यामा संलग्न भएको अभियोगमा सोही ठाउँका ५२ वर्षीय भोटीमायाँ सार्की र २२ वर्षीया सिता सार्की पक्राउ परेका हुन् । आपसी लेनदेनको विषयमा झगडा हुँदा ५७ वर्षीया तिलबहादुर सार्कीले खुकुरी प्रहार गर्दा अधिकारीको असार २५ गते घटनास्थलमै मृत्यु भएको थियो । घटना लगत्तै तिलबहादुरलाई प्रहरीले पक्राउ गरिसकेको छ । पक्राउ परेका भोटीमायाँ र सिता तिलबहादुरका श्रीमती र छोरी हुन् । मृतक परिवारले असार २६ गते तिलबहादुरसँगै भोटीमायाँ र सिता विरुद्ध किटानी जाहेरी दिएपछि पक्राउ गरिएको जिल्ला प्रहरी कार्यालय खोटाङका डिएसपी प्रकाश बुढाथोकीले बताए । भोटीमायाँ र सितालाई थप अनुसन्धानका लागि पक्राउ गरिएको प्रहरीको भनाइ छ । विपन...

खोटाङ, २२ असार । झट्ट सुन्दा लाग्छ, लेखपढ नगरेको आमालेभन्दा पढेलेखेको आमाले आफ्नो बच्चालाई पूर्ण स्तनपान गराउँछन् तर तथ्य त्यस्तो छैन । नेपाल जनसांख्यिक तथा स्वास्थ्य सर्वेक्षण (एनडीएचएस) २०२२ का अनुसार धेरै पढेका नेपाली आमालेभन्दा कम पढेका आमाले आफ्नो बच्चालाई पूर्ण स्तनपान गराउने गरेको पाइएको छ । आमाको दुधलाई प्रतिष्थापन पर्ने वस्तु (विक्री वितरण) ऐन, २०४९ तथा नियमावली, २०५१ को सन्दर्भमा स्वास्थ्य कार्यालय खोटाङले आयोजना गरेको कार्यक्रममा समेत यस विषयमा चर्चा भएको छ । असार २२ गते आयोजना गरिएको कार्यक्रममा स्वास्थ्य कार्यालय खोटाङका सूचना अधिकारी सुरेन्द्र बुढाथोकीले देशभरका मावि तह अध्ययन गरेका ५३ प्रतिशत आमाले पूर्ण स्तनपान गराएको जानकारी दिए । यस्तै, आधारभुत शिक्षा अध्ययन गरेका ६१ प्रतिशत र शिक्षा नभएका ५९ प्रतिशत आमाले पूर्णरुपमा स्तनपान गराएको तथ्यांक वारे चर्चा गरिएको छ । वच्चाले ज...

खोटाङ, १५ असार । संखुवासभाको क्यान्सर पीडित महिलाको जीवन बचाउका लागि कतारबाट अभियान चलाइएको छ । संखुवासभा धर्मदेबी नगरपालिका–५ माम्लिङ निवासी २९ वर्षीय टीका कार्कीको सहयोगार्थ दोहाबाट अभियान चलाइएको हो । खोटाङको खोटेहाङ गाउँपालिका–९ लिच्कीराम्चे माइतीघर भएकी टिकाको जीवन रक्षाका लागि हाल कतारमा रहेका दिलीप श्रेष्ठको पहलमा सहयोग अभियान थालिएको हो । टिका वर्षदिन अघिदेखि पाठेघरको क्यान्सरबाट पीडित छिन् । पीडितको हाल बिराटनगरस्थित नोबेल मेडिकल कलेजमा उपचार भइरहेको छ । उनको अपरेसन गरेर पाठेघर फालिसकिएको छ तर क्यान्सरको असर फैलिँदै फोक्सोमा पुगेको स्वास्थ्यकर्मीले बताउने गरेका छन् । क्यान्सर पीडितको सहयोगकालागि हालसम्म स्वदेश तथा विदेशमा रहेका १५५ जना दाताबाट ३ लाख १७ हजार ६३४ रुपैयाँ सहयोग जुटिसकेको अभियान्ता श्रेष्ठले जानकारी दिए । टिकाको उपचारका क्रममा हालसम्म १५ लाख खर्च भइसहेको छ । अझै लामो...

खोटाङ, १३ असार । खोटाङको चर्चित घर्तीभीर काटेर सडक बनाउन खटिएका दुई अपरेटरलाई नगद सहित सम्मान गरिएको छ । आहाले–रेग्मीटार–सगरमाथा राजमार्ग जोड्ने सडक स्तरोन्नती ठेक्का अन्तरगत घर्ती पहरा काटेर सडक बनाउनमा खटिएका अपरेटरद्धय हेटौडाका प्रकाश पाख्रिन र सिन्धुलीका प्रकाश लामालाई नगद सहित सम्मान गरिएको हो । घर्ती पहरा काट्ने अपरेटरलाई दिक्तेल रुपाकोट मझुवागढी नगरपालिका–५ लफ्याङ घर भइ हाल काठमाडौं बसिरहेका नेपाल राष्ट्रिय व्यवसायी महासंघका संस्थापक अध्यक्ष नरेश कटुवाल र लफ्याङकै समाजसेवी डिल्लीराम कटुवालले जनही १०÷१० हजारका दरले सम्मान गरेका हुन् । ज्यान मायाँ मारेर भीर काट्न खटिएका अपरेटरद्धयको प्रोत्साहन र सम्मानमा नरेशले १५ हजार र डिल्लीरामले ५ हजार पठाइदिएका थिए । नेपाल पत्रकार महासंघ शाखा खोटाङका उपाध्यक्ष चिसाङ शेर्पामार्फत प्राप्त प्रोत्साहन रकम कोशी प्रदेशका पुर्व भौतिक पुर्वाधार विकास मन...

खोटाङ, ११ असार । खोटाङको साकेला गाउँपालिकाले अन्य स्थानबाट बसाइ सरी आउने परिवारलाई प्रोत्साहन रकम दिने नीति तथा कार्यक्रम ल्याएको छ । बढ्दो बसाई सराईका कारण जनसंख्या घटिरहेको तथ्यलाई मनन गर्दै गाउँपालिकाले अन्य स्थानबाट बसाई सरेर आउने परिवारलाई प्रोत्साहन तथा सम्मान गर्ने नीति तथा कार्यक्रम पास गरेको हो । असार १० गतेको गाउँसभामा गाउँपालिका उपाध्यक्ष बिर्सीका राईले प्रस्तुत गरेको नीति तथा कार्यक्रममा बसाइ सरेर आउने परिवारलाई प्रोत्साहन स्वरुप पाँच हजार दिने उल्लेख छ । गाउँपालिकाको जनसंख्या सन्तुलन कायम राख्नका लागि बसाइ सरेर आउने परिवारलाई घट्ना दर्ता पश्चात वडा कार्यालयको सिफारिसमा प्रोत्साहन रकम प्रदान गर्ने नीति तथा कार्यक्रममा उल्लेख छ । साकेला गाउँपालिकाले आर्थिक वर्ष २०८२/०८३ देखि नै बसाइ सरी आउने परिवारलाई प्रोत्साहन रकम दिने नीति तथा कार्यक्रम लागू गरेको हो । तिब्र बसाइ सराई गाउँपा...

खोटाङ, ९ असार । खोटाङको दिक्तेल रुपाकोट मझुवागढी नगरपालिकाले बाँदर धपाउने हेरालु राख्नका लागि बजेट बिनियोजन गरेको छ । बाँदरको आतंकबाट पीडित किसानलाई राहत दिलाउने लक्ष्यका साथ नगरपालिकाले बाली हेरालु परिचालनका लागि बजेट बिनियोजन गरेको हो । असार ९ गते सम्पन्न नगरसभामा उपमेयर बिसन राईले बार्षिक बजेट तथा कार्यक्रममार्फत बाँदर लगायतका हानिकारक वन्यजन्तुबाट कृषि बालिमा हुने क्षति न्यूनिकरणका लागि ४५ लाख विनियोजन गरेको जानकारी दिए । नगरसभामा मेयर तीर्थराज भट्टराईले बाँदरको समस्यलाई निराकरण गर्नका लागि बाली हेरालु राख्ने निती तथा कार्यक्रम प्रस्तुत गरे लगत्तै उपमेयर राईले सोका लागि बजेट विनियोजन गरेको जानकारी दिएका हुन् । बाँदरको समस्यलाई हल गर्नका लागि संघीय सरकार एवं छिमेकी पालिकाहरुसँगको समन्वयमा अल्पकालिन र दीर्घकालिन योजना बनाउने बार्षिक नीति तथा कार्यक्रममा उल्लेख छ । बाँदरबाट आजित किसानले...

खोटाङ, ५ असार । खोटाङको साकेला गाउँपालिका–३ खिदिमास्थित मन्दुम ट्रेलको प्रवेशद्धारमा साकेला शिली प्रतियोगीता गरिएको छ । मौलिक संस्कृतिको संरक्षण एवं मुन्दुम पदमार्गको प्रवद्र्धन गर्ने उद्धेश्यका साथ वडा कार्यालय खिदिमाले तावाभञ्ज्याङमा साकेला शिली प्रतियोगीता गरेको हो । तावाभञ्ज्याङलाई मन्दुम ट्रेलको प्रवेशद्धार मानिन्छ । असार ४ र ५ गते आयोजना गरिएको प्रतियोगीतामा किरात राई यायोक्खा पथरी, शनिश्चरे नगर समिति, मोरङले प्रथम स्थान प्राप्त गरेको छ । यस्तै, किरात राई यायोक्खा साकेला गाउँपालिका–२ रतन्छा, पिनालाखा दोश्रो, किरात राई यायोक्खा दोर्पा तृतीय र पारुहँ सेवा समाज रतन्छा, साल्मेले सान्त्वना स्थान प्राप्त गरेको छ । प्रतियोगीतामा प्रथम, दोश्रो, तेश्रो र सान्त्वना स्थान प्राप्त गर्ने टिमले क्रमशः नगद ४० हजार, ३० हजार, २० हजार र १० हजारको साथमा कठुवा र प्रमाण–पत्र प्राप्त गरेका छन् । प्रतियो...

खोटाङ, ४ असार । जिल्ला प्रहरी कार्यालय खोटाङले बैंकिङ कसुरका फरार प्रतिवादीलाई पक्राउ गरेको छ । सामुदायिक लघुवित्त वित्तीय संस्था लिमिटेड, साँगाको कर्जा दुरुपयोग गरेको कसुरमा प्रहरीले हलेसी तुवाचुङ नगरपालिका–२ डिकुवाका २७ वर्षीय सरोज राईलाई पक्राउ गरेको हो । लघुवित्तको रामेछाप खाँडादेबी गाउँपालिका–७ गाल्पास्थित शाखाका तत्कालिन कनिष्ठ सहायक राईसहित तीन जनामाथि कार्यविधि विपरित ७२ लाख ३७ हजार ३३५ कर्जा दुरुपयोग गरेको अभियोग छ । बेलुमायाँ मगरले जिल्ला प्रहरी कार्यालय रामेछापमा दिएको जाहेरीको आधारमा राईलाई असार ३ गते डिकुवाको दाम्लीबाट पक्राउ गरिएको जिल्ला प्रहरी कार्यालय खोटाङका सूचना अधिकारी प्रहरी निरिक्षक निराजन बस्नेतले जानकारी दिए । बैंकिङ कसुर मुद्धामा हालसम्म फरार रहेका प्रतिवादी राईलाई इलाका प्रहरी कार्यालय हलेसीबाट खटिएको प्रहरीको टोलीले पक्राउ गरेको हो । पक्राउ परेका राईलाई थप अनु...

खोटाङ, २३ जेठ । खोटाङमा बाढीका कारण अवरुद्ध दिक्तेल–चखेवा सडक नौ घण्टापछि सुचारु भएको छ । मध्यपहाडी लोकमार्ग अन्तरगत दिक्तेल रुपाकोट मझुवागढी नगरपालिका–८ बुवासुङ र लामीडाँडा जोड्ने पंखु खोलामा आएको बाढीले अवरुद्ध सडक सुचारु भएको हो । भारी वर्षापछि पंखु खोलामा आएको बाढीका कारण जेठ २३ गते बिहान साँढे ५ बजेदेखि सडक अवरुद्ध भएको थियो । अवरुद्ध सडक मर्मतपछि दिउँसो २ बजेदेखि सवारी साधन एकतर्फी वारपार गर्न थालेको जिल्ला प्रहरी कार्यालय खोटाङका सूचना अधिकारी प्रहरी निरिक्षक निराजन बस्नेतले बताए । बाढीका कारण अवरुद्ध बनेको सडक मर्मतका लागि दिक्तेल रुपाकोट मझुवागढी नगरपालिकाले जेसिभि पठाएको थियो । यस्तै, श्रमदानका लागि रणभीम गण मुढे व्यारेकबाट नेपाली सेनाको टोली पनि पंखु खोला पुगेको थियो । (विस्तृत समाचार Views Of Nepal को पेजमा प्रकाशित छ ।) ...

खोटाङ, १२ जेठ । खोटाङमा श्रीमतीको हत्या गरेको अभियोगमा श्रीमानलाई पक्राउ परेका छन् । २७ वर्षीय श्रीमतीलाई कुटपिट गरेर हत्या गरेको अभियोगमा प्रहरीले साकेला गाउँपालिका–१ बाँझेच्यानडाँडा धारिमका ३३ वर्षीय राजकुमार राईलाई पक्राउ गरेको हो । जेठ ८ गते राती श्रीमती शान्ति चर्मकारको कर्तव्य गरि हत्या गरेको अनुसन्धानबाट खुलेपछि राईलाई पक्राउ गरिएको जिल्ला प्रहरी कार्यालय खोटाङका प्रहरी निरिक्षक निराजन बस्नेतले बताए । जिल्ला अदालतबाट हिरासतमा राखेर अनुसन्धान गर्न म्याद थप अनुमति लिएर अनुसन्धान सुरु गरिएको प्रहरीले जनाएको छ ।...