स्थानीय

खोटाङ, ६ मंसिर । खोटाङको हलेसी तुवाचुङ नगरपालिकाको प्रशासकीय भवन शिलान्यास गरिएको छ । हलेसी तुवाचुङ नगरपालिका–५ दुर्छिमको कोटगैरामा निर्माण गर्न लागिएको प्रशासकीय भवन मंसिर ६ गते मेयर बिमला राईले शिलान्यास गरेकी छन् । हाल नगरपालिका सञ्चालन हुँदै आएकै ठाउँमा ५ करोड ८७ लाख १८ हजार १३० रुपैयाँको लागतमा सुविधा सम्पन्न भवन निर्माण गर्न लागिएको हो । आकाश निर्माण सेवा सिन्धुपाल्चोकले १८ महिनामा सम्पन्न गर्नेगरी प्रशासकीय भवन निर्माणको ठेक्का लिएको नगरपालिकाका प्रवक्ता कमल गिरीले बताए । (थप समाचार Views Of Nepal को पेजमा हेर्न सक्नुहुनेछ ।) ...

खोटाङ, ३१ असोज । खोटाङको दिक्तेल रुपाकोट मझुवागढी नगरपालिकाले पुर्व तथा वर्तमान कार्यपालिका सदस्यलाई तीन पुस्ते सम्पत्ती विवरण बुझाउन पत्राचार गरेको छ । राज्यकोषबाट सेवासुविधा लिइरहेका राजनीतिकर्मी तथा जनप्रतिनिधिले आफूलाई पारदर्शी बनाउन नसक्दा नैतिक प्रश्न उठिरहेको भन्दै नगरपालिकाले वर्तमान तथा पुर्व कार्यपालिका सदस्यसहित ५५ जनालाई सम्पत्ती विवरण बुझाउन पत्राचार गरेको हो । १५ वडा रहेको नगरपालिकाका २५ जना वर्तमान कार्यपालिका सदस्य र २५ जना पुर्व कार्यपालिका सदस्यलाई सम्पत्ती विवरण बुझाउनका लागि असोज २९ गते पत्राचार गरिएको निमित्त प्रमुख प्रशासकीय अधिकृत नारायण खवासले बताए । नगरपालिकाले मेयर तीर्थराज भट्टराई, उपमेयर बिसन राई, पुर्वमेयर दिपनारायण रिजाल, पुर्वउपमेयर बिणादेबी राई लगायतलाई आगामी कात्तिक १५ गतेभित्र सम्पति विवरण उपलब्ध गराउन पत्राचार गरेको छ । वर्तमान तथा पुर्व जनप्रतिनिधिसँगै ...

खोटाङ, २० भदौ । मध्यपहाडी लोकमार्ग अन्तरगत खोटाङको चखेवाभञ्ज्याङ–सेखुवा खण्ड मर्मत सुरु गरिएको छ । वर्षाका कारण हिलाम्मे हुँदा सवारी साधन आवत–जावतमा कठिन भइरहेको अवस्थामा साकेला गाउँपालिकाको अगुवाईमा भदौ २० गतेदेखि सडक मर्मत सुरु गरिएको हो । साकेला गाउँपालिका–१ बाँझेच्यानडाँडाभित्र पर्ने चखेवा–सेखुवा खण्ड गाउँपालिका अध्यक्ष रबिप्रकाश राईको नेतृत्वमा मर्मत सुरु गरिएको हो । पहिलो दिन जनप्रतिनिधि, शिक्षक, कर्मचारी, स्थानीयबासी लगायत ७० जनाको सहभागीतामा श्रमदानमार्फत करीव एक किलोमिटर सडक मर्मत गरिएको छ । दशैंतिहार जस्ता चाडवाडमा सहज आवत–जावत गर्ने वातावरण निर्माणका लागि सडक मर्मत सुरु गरिएको गाउँपालिका अध्यक्ष राईले बताए । सो सडकबाट भोजपुरका नागरिक बढी मात्रामा काठमाडौं जाने–आउने गरिरहेका छन् । वर्षा याममा सडक मर्मतमा ध्यान नपुग्दा सयौं यात्रुले सास्ती खेपिरहेका छन् । भदौ १८ गते प्रमुख जिल्ल...

खोटाङ, १८ भदौ । खोटाङको केपिलासगढी गाउँपालिकाले घुम्ती शिबिरमार्फत २०७ लाभग्राहीलाई सेवा दिएको छ । गाउँपालिकाले काठमाडौं र धरानमा घुम्ती शिबिर सञ्चालन गर्दै २०७ लाभग्राहीलाई सेवा दिएको हो । शिविरबाट १२८ लाभग्राहीको सामाजिक सुरक्षा भत्ता नवीकरण, ५५ जनालाई राष्ट्रिय परिचय–पत्र वितरण र २४ जनाबाट मालपोत कर संकलन गरिएको प्रमुख प्रशासकीय अधिकृत सौधन राईले जानकारी दिए । चाहेर पनि वडा कार्यालय वा गाउँपालिका पुगेर सेवा लिन नसकिरहेका नागरिकलाई लक्षित गर्दै काठमाडौं र धरानमा पुगेर शिबिर सञ्चालन गरिएको हो । विशेषगरी बिरामी, वृद्धावस्था र शारीरिक रुपमा अशक्त सेवाग्राहीका लागि तत्तत् स्थानमा सेवा उपलव्ध गराइएको हो । पालिकाको श्रोतलाई मितव्यायी बनाउन निःशुल्क प्राप्त हुने सार्वजनिक, सामुदायिक, संस्थागत तथा निजी व्यवसायिक प्रतिष्ठानको हलमा शिबिर सञ्चालन गरिएको प्रमुख प्रशासकीय अधिकृत राईले बताए । यस्तै,...

खोटाङ, २७ साउन । खोटाङको साकेला गाउँपालिकाले गाडीको भाडादर निर्धारण गरेको छ । साउन २६ गते गाउँपालिका र यातायात व्यवसायीबीच बसेको बैठकले साकेलाबाट छुट्ने छोटो तथा लामो दुरीमा चल्ने बस तथा जीपको भाडा तोकेको हो । गाउँपालिका अध्यक्ष रबिप्रकाश राईको अध्यक्षतामा बसेको बैठकले साकेलाबाट दिक्तेल, गाईघाट, काठमाडौं, धरान, इटहरी लगायतका स्थानमा जाने–आउने जीप तथा वसको भाडा तोकेको हो । बसमा साकेला गाउँपालिकाबाट दिक्तेलसम्मका लागि प्रतिव्यक्ती ४८०, गाईघाटका लागि १५००, इटहरी, धरान र बिराटनगरका लागि १८०० रुपैयाँ भाडा लाग्ने निर्धारण गरिएको छ । यस्तै, जीप तथा सुमोको लागि साकेला गाउँपालिकाबाट दिक्तेलका लागि जनही ६००, साकेलाबाट गाईघाटका लागि १७००, साकेलाबाट काठमाडौंका लागि २५००, साकेलाबाट धरान र इटहरीका लागि २२०० रुपैयाँ तोकिएको छ । (भिडियो समाचार Views Of Nepal को पेजमा उपलव्ध छ ।) ...

खोटाङ, २२ साउन । खोटाङको साकेला गाउँपालिकाले पहिरोका कारण अवरुद्ध सडक सुचारु गराएको छ । वर्षाका कारण साउन १९ गतदेखि अवरुद्ध बनेको बाँझेच्यानडाँडा–रतन्छा–मानेभञ्ज्याङ सडक सुचारु गराइएको हो । साकेला गाउँपालिका–१ बाँझेच्यानडाँडाको लगनेडाँडामा पहिरो खस्दा १७ किलोमिटर सडक अवरुद्ध बनेको थियो । गाउँपालिका र स्थानीयको सहकार्यमा साउन २१ गते साँझ पहिरो पन्छाएर सडक सञ्चालनमा ल्याइएको गाउँपालिका अध्यक्ष रबिप्रकाश राईले बताए । सडकमा माथिबाट ढुङ्गा खसेपछि सवारी साधन आवतजावत बन्द भएको थियो । अवरुद्ध सडक सुचारु गराउनका लागि गाउँपालिकाको जेसिभी तथा स्थानीयको स्काभेटर सहित जनप्रतिनिधि र स्थानीय लगातार दुई दिन खटिएका थिए । (भिडियो समाचार Views Of Nepal को पेजमा उपलव्ध छ ।) ...

खोटाङ, १० साउन । बाँसजन्य उद्योग स्थापनाको सन्दर्भमा सरकारसँग छलफल गर्नका लागि खोटाङको दिक्तेल रुपाकोट मझुवागढी नगरपालिकाले वार्ता टोली गठन गरेको छ । बाँसलाई प्रयोग गरेर आर्थिक आम्दानी लिने नीति निर्माणकालागि दवाव सिर्जना गर्न मेयर तीर्थराज भट्टराई हड्तालमा उत्रिएपछि वन तथा वातावरण मन्त्रालयको आव्हानमा वार्ता टोली गठन गरिएको हो । साउन १० गतेको नगर कार्यपालिकाको बैठकले उपमेयर एवं कार्यवाहक मेयर बिसन राईको संयोजकत्वमा सात सदस्यीय वार्ता टोली गठन गरेको हो । वार्ता टोलीको सदस्यमा पुर्व वन सचिव डा. अन्नपूर्ण दास, वडाध्यक्ष दिनेश घिमिरे, दानबहादुर राई, दिनेश राई, बाँसविज्ञ प्रणव प्रधान र एकजना कानूनविज्ञलाई चयन गरिएको छ । मन्त्रालयले छलफलका लागि साउन ८ गते पत्र पठाएपछि नगरपालिकाले वार्ता टोली गठन गरेको हो । मेयर हड्तालमा बसेको बेला सरकारसँग वार्ता गर्नेगरी वार्ता टोली गठन गरिएको कार्यवाहक मेयर...

खोटाङ, ९ साउन । खोटाङको साकेला गाउँपालिकाले पहिरोले क्षतीग्रस्त सडक मर्मत गरेर सञ्चालनमा ल्याएको छ । गाउँपालिकाले ग्याबिन जाली पहिरोले बगाएपछि अवरुद्ध बनेको बाँझेच्यानडाँडा–रतन्छा–मानेभञ्ज्याङ सडक मर्मत गरेर पुःन सञ्चालनमा ल्याएको हो । बाँझेच्यानडाँडा–रतन्छा–मानेभन्ज्याङ सडकको रुपुवा खोला नजिक लगाईएको ग्याविन जाली गत साउन ६ गते राती पहिरोले बगाएको थियो । गाउँपालिकाको ‘आकस्मिक पूर्वाधार सेवा’ अन्तगत साउन ८ गते गाउँपालिका अध्यक्ष रबिप्रकाश राई नेतृत्वको टोलीले सो सडक मर्मत गरेर सञ्चालनमा ल्याएको हो । (विस्तृत समाचार Views Of Nepal को पेजमा उपलव्ध छ ।) ...

खोटाङ, ३१ असार । खोटाङको दिक्तेल रुपाकोट मझुवागढी नगरपालिकाले विद्यालयमा एआई सम्वन्धी पाठ्यक्रम कार्यान्वयन गर्ने योजना बनाएको छ । १५ वडा रहेको नगरपालिकाले २०८३ सालदेखि प्राथमिक तहबाटै एआई सम्वन्धी पाठ्यक्रम कार्यान्वयन गर्ने लक्ष्य लिएको हो । २०८२ सालभित्र विद्यालयमा एआई तथा आइसिटी बेस्ड लर्निङ, वैज्ञानिक खोज तथा अनुसन्धानमा आधारित प्रोग्रेसिभ एजुकोसनको अभ्यास गर्ने र २०८३ सालमा ‘एक वडा एक रोबोटिक्स तथा एआई ल्याव’ स्थापना सँगै एआई सम्वन्धी पाठ्यक्रम कार्यान्वयन लक्ष्य तय गरेको हो । रोबोटिक्स, एआई तथा इन्जिनियरिङ परामर्श सेवामा प्राविधिक सहकार्यकालागि नगरपालिका र त्रिभुवन विश्वविद्यालय, इन्जिनियरिङ अध्ययन संस्थान, थापाथली क्याम्पसबीच गत असार १२ गते समझदारी कायम गरिसकिएको छ । नगरपालिकाले असार २१ गते आयोजना गरेको वृहत शैक्षिक सम्मेलनले पनि सो समझदारी अनुसार २०८३ सालमा रोबोटिक्स तथा एआई ल्...

खोटाङ, २८ असार । खोटाङको जन्तेढुंगा गाउँपालिकाले करिब ६ हजार केजी आलु उत्पादन गरेको छ । आलु खेती प्रवद्र्धन अन्तरगत कोशी प्रदेश सरकारको उद्योग, कृषि तथा सहकारी मन्त्रालयले आर्थिक वर्ष २०८१/०८२ मा उपलव्ध गराएको सशर्त बजेटबाट गाउँपालिकाले अनुमानित ६ हजार केजी आलु फलाएको हो । जन्तेढुंगा गाउँपालिका–४ डम्बर्खुशिवालयको भञ्ज्याङखर्कमा गत फागुनमा करिब ६१ रोपनी सार्वजनिक जग्गामा आलु खेती लगाइएको थियो । गत असार १२ गतेदेखि असार २७ गतेसम्म लगाएर आलु खनिएको गाउँपालिकाका सूचना अधिकारी प्रवेश निरौलाले बताए । उत्पादित आलुलाई गाउँपालिकाले चिसापानीबजारमा निर्माण गरेको कोसेली घरमा भण्डार गरिएको छ । कोसेलीघरबाटै प्रतिकेजी ५५ रुपैयाँका दरले आलु बिक्री भइरहेको जन्तेढुंगा गाउँपालिकाका उपाध्यक्ष खेम खड्काले बताए । कृषि शाखाबाट कुपन लिएर कुपनको आधारमा आलु किन्ने व्यवस्था मिलाइएको छ । हालसम्म १ हजार १०६ केजी आलु ...