समाचार

खोटाङ, १० कात्तिक । पुर्वको चर्चित ग्रेटर मुन्दुम ट्रेल अन्तरगत लोवर मुन्दुम ट्रेलको एक्स्प्लोरेसन गरिएको छ । सप्तकोसीदेखि सगरमाथा जोड्ने ग्रेटर मुन्दुम ट्रेलको तीन वटा खण्डमध्ये लोवर मुन्दुम ट्रेलको एक्स्प्लोरेसन गरिएको हो । मैयुङ ट्याम्के साल्पा सिलिचुङ पर्यटन प्रवर्द्धन केन्द्रको नेतृत्वमा गत असोज २८ गतेदेखि कात्तिक ४ गतेसम्म लगाएर लोवर मुन्दुम ट्रेलको एक्स्प्लोरेसन गरिएको हो । मैयुङ ट्याम्के साल्पा सिलिचुङ पर्यटन प्रवर्द्धन केन्द्रका अध्यक्ष रमेश राई, कार्यसमिति सदस्य बीरबहादुर राई, साल्पा पोखरी विकास समितिका अध्यक्ष बीरबहादुर राई, युटुबर करिना राई र पत्रकार पवन राईको टोलीले लोवर मुन्दुम ट्रेलको एक्स्प्लोरेसन गरेका हुन् । - (विस्तृत समाचार  Views Of Nepal को पेजमा उपलव्ध छ ।) ...

खोटाङ, ३१ असोज । खोटाङको दिक्तेल रुपाकोट मझुवागढी नगरपालिकाले पुर्व तथा वर्तमान कार्यपालिका सदस्यलाई तीन पुस्ते सम्पत्ती विवरण बुझाउन पत्राचार गरेको छ । राज्यकोषबाट सेवासुविधा लिइरहेका राजनीतिकर्मी तथा जनप्रतिनिधिले आफूलाई पारदर्शी बनाउन नसक्दा नैतिक प्रश्न उठिरहेको भन्दै नगरपालिकाले वर्तमान तथा पुर्व कार्यपालिका सदस्यसहित ५५ जनालाई सम्पत्ती विवरण बुझाउन पत्राचार गरेको हो । १५ वडा रहेको नगरपालिकाका २५ जना वर्तमान कार्यपालिका सदस्य र २५ जना पुर्व कार्यपालिका सदस्यलाई सम्पत्ती विवरण बुझाउनका लागि असोज २९ गते पत्राचार गरिएको निमित्त प्रमुख प्रशासकीय अधिकृत नारायण खवासले बताए । नगरपालिकाले मेयर तीर्थराज भट्टराई, उपमेयर बिसन राई, पुर्वमेयर दिपनारायण रिजाल, पुर्वउपमेयर बिणादेबी राई लगायतलाई आगामी कात्तिक १५ गतेभित्र सम्पति विवरण उपलब्ध गराउन पत्राचार गरेको छ । वर्तमान तथा पुर्व जनप्रतिनिधिसँगै ...

खोटाङ, २६ असोज । असोज १३ गते दिक्तेलबाट यात्रु लिएर धरान जाँदै गरेको प्र १–०२–००१ ज ४६४८ नम्बरको जीपलाई सेखुवा–चखेवाभञ्ज्याङ सडक पार गर्न हम्मे पर्‍यो । वर्षाको पानीले हिलाम्मे बनेको सडक पार गर्न जिपलाई कठिन भएको थियो । पटक–पटक फोर ह्वील लगाउँदा पनि जीपले हिलाम्मे सडक पार गर्न सकेन । यात्रुलाई ओर्‍हालेर रित्तो बनाउँदा पनि जीप ‘घ्याच्च–घ्याच्च’ मात्र भयो । अन्ततः ट्याक्टरले तानेर जीपलाई हिलाम्मे सडक पार गराइयो । त्यहीदिन ना १ ज ५३२१ नम्बरको सुमोलाई पनि ट्याक्टरले तानेर हिलाम्मे खण्ड पार गराइएको थियो । सेखुवा–चखेवा सडक पुष्पलाल मध्यपहाडी लोकमार्गको एक खण्ड हो जुन खोटाङको साकेला गाउँपालिका–१ बाँझेच्यानडाँडामा पर्छ । १० किलोमिटर सेखुवा–चखेवा सडक अन्तरगत बाँझेच्यानडाँडाको बादुङ खण्डमा जीप घण्टौं अड्किनु, यात्रु अलपत्र पर्नु सामान्य जस्तै बनेको छ । सुमो बाटैमा अल्झिएपछि यात्रुको बिचल्नी हुने ग...

खोटाङ, ९ असोज । खोटाङको साकेला गाउँपालिकाले दशैंतिहारको छेको पारेर एक करोडभन्दा बढी सामाजिक सुरक्षाभत्ता वितरण गरेको छ । गाउँपालिकाले सामाजिक सुरक्षाभत्ता वापत जेष्ठ नागरिक तथा अशक्त र अपाङ्गता भएका ५८२ लाभग्राहीहरुलाई एक करोड एक लाख ६३ हजार रुपैयाँ वितरण गरेको हो । ५ वडा रहेको गाउँपालिकाले प्रत्येक वडामा घुम्ती शिविर सञ्चालन गरेर सामाजिक सुरक्षाभत्ता वितरण गरेको जनाएको छ । साकेला गाउँपालिका–१ बाँझेच्यानडाँडाका १७८ जनालाई ३८ लाख २१ हजार, साकेला गाउँपालिका–२ रतन्छाका १२३ जनालाई १८ लाख ५८ हजार, साकेला गाउँपालिका–३ खिदिमाका ८८ जनालाई १३ लाख ३७ हजार वितरण गरिएको छ । यस्तै, साकेला गाउँपालिका–४ मात्तिमका ७९ जनालाई १२ लाख ५९ हजार र साकेला गाउँपालिका–५ मात्तिमविर्ताका ११४ जना लाभग्राहीलाई १८ लाख ८८ हजार वितरण गरिएको गाउँपालिकाको सामाजिक सुरक्षा शाखाका संयोजक डिएम चाम्लिङ राईले बताए । गाउँपालिकाल...

काठमाडौं, ९ असोज । असोजको १३ गतेबाट रिलिजमा आउन लागेको फिल्म ‘माइतीघर’लाई चलचित्र जाँच पास समितिले ‘यूनिभर्सल’ सर्टिफिकेट दिएको छ । यो फिल्मको असोज ८ गते बेलुकी सेन्सर भएको हो । अब, यो फिल्मलाई सबै बर्गका दर्शकले हेर्न पाउनेछन् । दशैंको फूलपातिको अवसर पारेर रिलिजमा आउन लागेको यो फिल्मले व्यापारिक रुपमा सुखद ओपनिङ गर्ने अपेक्षा गरिएको छ । सेन्सर बोर्डमा फिल्म हेरेपछि यसको कथावस्तु, प्रस्तुति र कलाकारहरुको बिषयमा कुराकानी समेत भएको थियो । सेन्सरका अधिकांश कर्मचारीहरुले लामो समयपछि एउटा उत्कृष्ट पारिवारिक फिल्म हेर्न पाएको बताएका थिए । फिल्म कमेडी, पारिवारिक र भावनासँग जोडिएको भन्दै सेन्सरका कर्मचारीहरुले तारिफ गरेको निर्माणपक्षले बताएको छ । फिल्मका निर्माता रोहित अधिकारीले पनि दर्शक यसपटक निराश नहुने बताउँदै आएका छन् । यो फिल्मको बुकिङ समेत खुलिसकेको छ । यो फिल्मले देशभरका हलमा सय बढी शोज ...

खोटाङ, ५ असोज । ७० मेगावाट क्षमताको दुधकोसी दोश्रो अर्धजलासय जलबिद्युत आयोजनाका लागि लगानी जुटेको छ । सोलुखुम्बुको थुलुङ दुधकोशी गाउँपालिकाको देउसा र जुबुको सिमामा बाँध तथा खोटाङको ऐसेलुखर्क गाउँपालिका–४ जलेश्वरीको देम्लीटारमा पावरहाउस रहने दुधकोसी दोश्रोका लागि लगानी जुटाइएको हो । आयोजनाका लागि लक्ष्मी सनराइज बैंकको अगुवाईमा एभरेष्ट बैंक र सानीमा बैंकले साढे १० अर्ब रुपैयाँ ऋण लगानी गर्ने भएका छन् । बैंकका तर्फबाट प्रमुख कार्यकारी अधिकृत (सीइओ) अजयविक्रम शाह र विकासकर्ता दूधकोशी हाइड्रोपावर नेपाल प्रालिका अध्यक्ष कदम केसीले ऋण सम्झौतापत्रमा हस्ताक्षर गरेका छन् । ऋण लगानी जुटेकाले अब आयोजनाको काम अघि बढ्ने कम्पनीका अध्यक्ष केसीले बताए । सो विद्युत उत्पादनको लागि विद्युत विकास विभागबाट २०७७ असोजमा इजाजतपत्र (लाइसेन्स) लिइएको थियो । आयोजनाको कुल अनुमानित लागत १५ अर्ब रुपैयाँ रहेको छ । त्यस...

खोटाङ, ३ असोज । खोटाङको दिक्तेल रुपाकोट मझुवागढी नगरपालिका–८ दोर्पाचिउरीडाँडास्थित अन्नपूर्ण माविको ५८ औं बार्षिकोत्सव मनाइएको छ । विभिन्न खेदकुद, वक्तृत्वकला र नृत्य प्रतियोगीता गर्दै अन्नपूर्ण माविको बार्षिकोत्सव मनाइएको हो । भदौ २४ गते समापन गर्नेगरि भदौ २२ गते उद्घाटन गरिएको बार्षिकोत्सव जेनजीको अन्दोलनका कारण असोज २ गते समापन गरिएको प्रधानाध्यपक पेशल राईले बताए । वार्षिकोत्सव अन्तरगत आयोजना गरिएको महिला भलिबल प्रतियोगीतामा बुवासुङ टोल प्रथम, अन्नपूर्ण टोल समुह दोश्रो र अन्नपूर्ण मावि तेश्रो भएका छन् । यस्तै, पुरुष भलिबलमा रमाइलो लामीडाँडा टोल समुह प्रथम, अन्नपूर्ण टोल समुह दोश्रो र अन्नपूर्ण मावि तेश्रो भएको विद्यालयले जनाएको छ । अन्तर मावि स्तरिय बक्तृत्वकला प्रतियोगीतामा सरस्वती मावि दिक्तेलका बिपासा खनाल प्रथम, शितला मावि खाल्लेका प्रनिशाहाङ्मा राई दोश्रो तथा अन्नपूर्ण माविका निक...

खोटाङ, २६ भदौ । स्थानीय प्रशासनले खोटाङमा निषेधाज्ञा जारी गरेको छ । ‘जेन–जी’को नाममा विभिन्न समुहले सार्वजनिक संरचनामा क्षती पुर्‍याउन सक्ने जोखिम कायम रहेको भन्दै जिल्ला प्रशासन कार्यालयले जिल्लाभर निषेधाज्ञा जारी गरेको हो । भदौ २६ गते बिहान ९ बजेदेखि अर्को आदेश नभएसम्मका लागि पाँच जनाभन्दा बढी व्यक्ती जम्मा हुन नपाउनेगरि निषेधाज्ञा जारी गरिएको प्रमुख जिल्ला अधिकारी कल्पना श्रेष्ठले बताईन् । यस्तै, प्रशासनले कर्फ्यूलाई निरन्तरता दिएको छ । भदौ २६ गते साँझ ५ बजेदेखि भदौ २७ गते बिहान ६ बजेसम्मका लागि कर्फ्यू आदेश जारी गरिएको हो । प्रशासनले भदौ २५ गते साँझ ५ बजेदेखि भदौ २६ गते बिहान ६ बजेसम्म कर्फ्यू लगाएको थियो । उत्तरमा दिक्तेलको मुढे इलाका क्षेत्र, दक्षिणमा सिद्धेश्वर गुफा जाने बाटो र अस्पतालचोकबाट दुई सय मिटर अगाडि लफ्याङ जाने बाटो, पुर्वमा अल्छेढुंगाबाट पाँच सय मिटर अगाडि सोल्मातर्फ र...

खोटाङ, २३ भदौ । खोटाङका ‘जेन जी’ पुस्ताले देशमा बढ्दो भ्रष्टाचार विरुद्ध प्रदर्शन गरेका छन् । भ्रष्टाचार र बेथितिले सिमा नाघ्दा देशमा फ्रष्टेसन निम्त्याएको भन्दै ‘जेन जी’ पुस्ताले भदौ २३ गते दिक्तेलबजारमा विरोध प्रदर्शन गरेका हुन् । काठमाडौं, सुनसरी लगायतका ठाउँमा अप्रिय घटना हुँदा खोटाङका ‘जेन जी’ पुस्ताले भने शान्तिपूर्ण बिरोध प्रदर्शन गरेका छन् । स्थानीय दिक्तेल युवा समाजको नेतृत्वमा त्रिबेणीचोकबाट सुरु भएको ‘जेन जी’को बिरोध र्‍याली हाटडाँडा पुगेर पुःन त्रिबेणीचोक हुँदै रत्नपार्क पुगेर टुंगिएको थियो । र्‍यालीमा मावि तहका विद्यार्थी स्कुलको पोशाकमै सहभागी बनेको देखिएको थियो । भ्रष्टाचार अन्त्या हुनुपर्ने र विदेसिन बाध्य युवालाई स्वदेशमै केही गर्ने वातावरण निर्माण गर्नुपर्ने मागमा बिरोध प्रदर्शन गरिएको दिक्तेल युवा समाजका आजिवन सदस्य समीर दंगालले बताए । (थप समाचार Views Of Nepal को पेजम...

खोटाङ, २० भदौ । मध्यपहाडी लोकमार्ग अन्तरगत खोटाङको चखेवाभञ्ज्याङ–सेखुवा खण्ड मर्मत सुरु गरिएको छ । वर्षाका कारण हिलाम्मे हुँदा सवारी साधन आवत–जावतमा कठिन भइरहेको अवस्थामा साकेला गाउँपालिकाको अगुवाईमा भदौ २० गतेदेखि सडक मर्मत सुरु गरिएको हो । साकेला गाउँपालिका–१ बाँझेच्यानडाँडाभित्र पर्ने चखेवा–सेखुवा खण्ड गाउँपालिका अध्यक्ष रबिप्रकाश राईको नेतृत्वमा मर्मत सुरु गरिएको हो । पहिलो दिन जनप्रतिनिधि, शिक्षक, कर्मचारी, स्थानीयबासी लगायत ७० जनाको सहभागीतामा श्रमदानमार्फत करीव एक किलोमिटर सडक मर्मत गरिएको छ । दशैंतिहार जस्ता चाडवाडमा सहज आवत–जावत गर्ने वातावरण निर्माणका लागि सडक मर्मत सुरु गरिएको गाउँपालिका अध्यक्ष राईले बताए । सो सडकबाट भोजपुरका नागरिक बढी मात्रामा काठमाडौं जाने–आउने गरिरहेका छन् । वर्षा याममा सडक मर्मतमा ध्यान नपुग्दा सयौं यात्रुले सास्ती खेपिरहेका छन् । भदौ १८ गते प्रमुख जिल्ल...