मुख्य खबर

खोटाङ, २० भदौ । मध्यपहाडी लोकमार्ग अन्तरगत खोटाङको चखेवाभञ्ज्याङ–सेखुवा खण्ड मर्मत सुरु गरिएको छ । वर्षाका कारण हिलाम्मे हुँदा सवारी साधन आवत–जावतमा कठिन भइरहेको अवस्थामा साकेला गाउँपालिकाको अगुवाईमा भदौ २० गतेदेखि सडक मर्मत सुरु गरिएको हो । साकेला गाउँपालिका–१ बाँझेच्यानडाँडाभित्र पर्ने चखेवा–सेखुवा खण्ड गाउँपालिका अध्यक्ष रबिप्रकाश राईको नेतृत्वमा मर्मत सुरु गरिएको हो । पहिलो दिन जनप्रतिनिधि, शिक्षक, कर्मचारी, स्थानीयबासी लगायत ७० जनाको सहभागीतामा श्रमदानमार्फत करीव एक किलोमिटर सडक मर्मत गरिएको छ । दशैंतिहार जस्ता चाडवाडमा सहज आवत–जावत गर्ने वातावरण निर्माणका लागि सडक मर्मत सुरु गरिएको गाउँपालिका अध्यक्ष राईले बताए । सो सडकबाट भोजपुरका नागरिक बढी मात्रामा काठमाडौं जाने–आउने गरिरहेका छन् । वर्षा याममा सडक मर्मतमा ध्यान नपुग्दा सयौं यात्रुले सास्ती खेपिरहेका छन् । भदौ १८ गते प्रमुख जिल्ल...

खोटाङ, १८ भदौ । खोटाङको केपिलासगढी गाउँपालिकाले घुम्ती शिबिरमार्फत २०७ लाभग्राहीलाई सेवा दिएको छ । गाउँपालिकाले काठमाडौं र धरानमा घुम्ती शिबिर सञ्चालन गर्दै २०७ लाभग्राहीलाई सेवा दिएको हो । शिविरबाट १२८ लाभग्राहीको सामाजिक सुरक्षा भत्ता नवीकरण, ५५ जनालाई राष्ट्रिय परिचय–पत्र वितरण र २४ जनाबाट मालपोत कर संकलन गरिएको प्रमुख प्रशासकीय अधिकृत सौधन राईले जानकारी दिए । चाहेर पनि वडा कार्यालय वा गाउँपालिका पुगेर सेवा लिन नसकिरहेका नागरिकलाई लक्षित गर्दै काठमाडौं र धरानमा पुगेर शिबिर सञ्चालन गरिएको हो । विशेषगरी बिरामी, वृद्धावस्था र शारीरिक रुपमा अशक्त सेवाग्राहीका लागि तत्तत् स्थानमा सेवा उपलव्ध गराइएको हो । पालिकाको श्रोतलाई मितव्यायी बनाउन निःशुल्क प्राप्त हुने सार्वजनिक, सामुदायिक, संस्थागत तथा निजी व्यवसायिक प्रतिष्ठानको हलमा शिबिर सञ्चालन गरिएको प्रमुख प्रशासकीय अधिकृत राईले बताए । यस्तै,...

इटहरी, १७ भदौ । फिल्म ‘माइतीघर’ रिलिज मितिभन्दा अघिदेखि नै दर्शकमाझ चर्चामा आएको छ । असोज १३ गते फूलपातीका दिनबाट प्रदर्शनमा आउने यो फिल्मको शिर्ष गीतसँग जोडिएको नृत्य प्रतियोगिताले पनि दर्शकमाझ उत्साह सिर्जना गरेको छ । सोमबारबाट सुरु भएको प्रतियोगितामा दर्शकहरुले अप्रत्याशित सहभागीता जनाएका छन् । निर्माता रोहित अधिकारीका अनुसार सुरु भएको २४ घन्टाभित्रै हजारौँ भिडियो निर्माण पक्षसम्म पुगेको छ भने ओएसआर डिजिटलका सामाजिक सञ्जालमार्फत १५–२० लाख भ्यूज आइसकेका छन् । उनले दर्शकको यो उत्साहले टिमलाई अझै ऊर्जा थपेको बताए । प्रतियोगिताको विजेताले ५ लाख रुपैयाँ नगद पुरस्कार पाउनेछन् । सुरुमा प्रथम हुनेलाई मात्रै पुरस्कार दिने घोषणा गरिएको थियो तर निर्माण पक्षले दोस्रो र तेस्रो हुनेलाई समेत पुरस्कार दिने निर्णय गरेको छ । सहभागीता जनाउने कतिपयलाई खाली हात नपार्ने प्रतिबद्धता गरिएको छ । सञ्जिवनीको स्...

खोटाङ, १७ भदौ । खोटाङमा ट्रकका सह–चालकको रगत उल्टी गरे लगत्तै मृत्यु भएको छ । भदौ १७ गते मिरचैयाबाट दिक्तेल जाँदै गरेको प्रदेश १–०२–००२ ख ०८०२ नम्बरको ट्रकका सह–चालक ३२ वर्षीय जीवन बरुवालको मृत्यु भएको हो । उदयपुरको कटारी नगरपालिका–३ सिम्ले ठेगाना भएका सह–चालक बरुवाल हलेसी तुवाचुङ नगरपालिका–७ महादेवस्थानको ऐसेलुखर्क पुगेपछि अचानक ‘गार्‍हो भयो’ भन्दै ट्रकबाट ओर्लिएका थिए । ओर्लिएपछि सडकको नालीमा रगत उल्टी गरे लगत्तै बरुवालको मृत्यु भएको प्रहरीले जनाएको छ । लासको कानूनी प्रकृया पुरा गरेपछि पोष्टमार्टमका लागि कटारी अस्पताल पठाइएको जिल्ला प्रहरी कार्यालय खोटाङले जनाएको छ ।...

खोटाङ, १६ भदौ । खोटाङको दिप्रुङ चुइचुम्मा गाउँपालिका–७ टेम्मामा दोश्रो अन्तर वडा स्तरीय पुरुष तथा महिला भलिबल प्रतियोगीताको तयारी गरिएको छ । ज्यामिरे युवा क्लव र सूर्योद्धय वाल क्लवको आयोजनामा आगामी असोज २७ गतेदेखि भलिबल प्रतियोगीता गर्न लागिएको हो । ज्यामिरे खेलमैदानमा सञ्चालन गरिने भलिबल प्रतियोगीतामा पुरुषतर्फ बिजेता र उपविजेता टिमले क्रमशः १ लाख १११ र ७० हजार १११ को साथमा ट्रफी, मेडल र प्रमाण–पत्र पाउने छन् । यस्तै, दुई सेमीफाइनलिष्ट टिमलाई २०/२० हजारको साथमा मेडल र प्रमाण–पत्र प्रदान गरिने प्रतियागीताका संयोजक खेमराज राईले बताए । यस्तै, महिलातर्फ विजेता र उपविजेता टिमलाई क्रमशः ५० हजार १११ र ३० हजार १११ को साथमा ट्रफी, मेडल र प्रमाण–पत्र प्रदान गरिने छ । दुई सेमीफाइनलिष्ट टिमले १०/१० हजारको साथमा मेडल र प्रमाण–पत्र पाउनेछन् । प्रतियोगीताका उत्कृष्ट खेलाडी, उत्कृष्ट स्पाइकर, उत्कृष्ट...

खोटाङ, १२ भदौ । नेपाल राष्ट्रिय व्यवसायी महासंघका संस्थापक अध्यक्ष नरेश कट्वालले खोटाङमा सुविधा सम्पन्न अस्पताल बन्न नसकेकोमा नेतृत्वमाथि औंला ठड्याएका छन् । बिरामी परेको अवस्थामा हेलीकोप्टर चार्टर गरेर अस्पताल जानुपर्ने वाध्यता अन्त्या नभएको भन्दै कट्वालले सामाजिक सञ्जालमार्फत जिल्लाका नेतृत्वमाथि प्रश्न गरेका हुन् । दिक्तेल रुपाकोट मझुवागढी नगरपालिका–५ लफ्याङ घर भएका कट्वालले सुविधा सम्पन्न अस्पताल बनाउने नेता, कर्मचारी र व्यवसायी जन्मिन नसकेको भन्दै दुःख व्यक्त गरेका छन् । भदौ १२ गते दिक्तेल रुपाकोट मझुवागढी नगरपालिका–३ बाम्राङका ९३ वर्षीय पर्शुराज राईलाई हेलीकोप्टर चार्टर गरेर काठमाडौं लगिएको थियो । सोही हेलीकोप्टरको तस्बीर पोष्ट गर्दै कटवालले पैसा नभएका जनताले अकालमै मरिरहनुपरेको उल्लेख गरेका छन् । ‘खोटाङ्गे जनताले कहिलेसम्म भोग्छन् यो दुःख ? यो माटोले के नजन्माएकै हो त सही नेता वा ...

इटहरी, १२ भदौ । फिल्म ‘माइतीघर’को ‘बसन्त नै बस्न खोज्छ यहाँ लोलाएर’ बोलको शीर्ष गीत सार्वजनिक गरिएको छ । आगामी दशैंको फुलपाती अर्थात असोज १३ गतेदेखि प्रदर्शनमा ल्याउने तयारी गरिएको फिल्मको गीत भदौ १२ गते ओएसआर डिजिटलमार्फत सार्वजनिक गरिएको हो । निर्माण यूनिटले लामो प्रतिक्षापछि दर्शकलाई एकपटक पुरानो स्मृतिसँगै नयाँ स्वाद दिने जमर्को गरेको छ । किरण खरेलको शव्द र दिवंगत जयदेवको संगीत रहेको सो गीतमा गायिका सञ्जिवनीको स्वर रहेको छ । यसअघि चर्चित गायिका आशा भोस्लेले गाएको पुरानो गीतलाई नयाँ रूप दिएर पुनः दर्शकमाझ ल्याइएको निर्माता रोहित अधिकारीले बताए । भिडियोमा उपासना सिंह ठकुरी र श्यामाश्री शेर्पाको आकर्षक नृत्य देख्न सकिन्छ । आकर्षक लोकेशन, दर्जनौं कोरस डान्सर र मानकृष्ण महर्जन, सुशन प्रजापतिको सुन्दर छायांकन कलाले भिडियोलाई उत्कृष्ट बनाएको छ । भिडियोको अर्को आकर्षक पाटो भनेको यसमा नेपालको...

खोटाङ, ११ भदौ । रुसी सेनामा भर्ती भएर रुस–युक्रेन युद्धमा ज्यान गुमाएका खोटाङका ३४ वर्षीय क्षितिज बस्नेतको काज किरिया थालिएको छ । रुस–युक्रेन युद्धमा दुई वर्षअघि ज्यान गुमाएका दिप्रुङ चुइचुम्मा गाउँपालिका–३ छोरम्बु सापातेलका क्षितिजको भदौ ११ गतेदेखि काज किरिया सुरु गरिएको हो । रुसी सेनामा भर्ती हुने भन्दै दुबईबाट २०८० असोज १५ गते रुस गएका क्षितिजको रुस–युक्रेन युद्धमा २०८० कात्तिक ६ गते मृत्यु भएको थियो । दुबईमा सेक्युरिटी गार्डको काम गरिरहेका क्षितिज आकर्षक तलव पाइने आशामा रुसी सेनामा भर्ती हुन रुस गएका थिए । रुसी सेनामा भर्ती भएको करिब तीन हप्तामै क्षितिजले ज्यान गुमाएको छोरम्बुका वडाध्यक्ष भूपेन्द्र बस्नेतले बताए । क्षितिजकी श्रीमती भीमकला आचार्य र ११ वर्षका छोरा आदित बस्नेत सामाजिक परम्परा अनुसार काज किरियामा बसेका छन् । भीमकला रुस पुगेर काठमाडौं हुँदै भदौ १० गते घर आइपुगे लगत्तै काज...

खोटाङ, ९ भदौ । जनता समाजवादी पार्टी नेपाल, खोटाङ भूमि सम्बन्धी विधेयकको विरोधमा उत्रिएको छ । सरकारले संसदको कृषि, सहकारी तथा प्राकृतिक स्रोत समितिबाट भदौ ५ गते भूमि विधेयकको प्रक्रिया अगाडि बढाएपछि जनता समाजवादी पार्टी, नेपाल बिरोधमा उत्रिएको हो । भदौ ९ गते जिल्ला प्रशासन कार्यालयलाई ज्ञापन–पत्र बुझाउँदै जनता समाजवादी पार्टी नेपालले भूमी विधेयक मुलुक र जनताको हितमा नभै भू–माफिया र जग्गा दलालको हितमा ल्याउन लागिएको दावी गरेको छ । भूमि सम्वन्धी विधेयकले वन जङ्गल विनाश गराउने र तराई/मधेश मरुभूमिकरण हुने जनता समाजवादी पार्टी नेपाल, खोटाङका अध्यक्ष सुनिल चाम्लिङले बताए । जनता समाजवादी पार्टी नेपालले भूमि विधेयकको बिरुद्ध भदौ ९ देखि भदौ १५ गतेसम्म देशका विभिन्न शहरहरूमा आयोजना हुने विरोध प्रदर्शनमा सहभागी हुन अपिल गरेको छ । वन क्षेत्रको जग्गामा हुने अतिक्रमण रोक्न एवं जैविक विविधता र पर्यावरणक...

काठमाडौं, ७ भदौ । प्रतीक्षित फिल्म ‘माइतीघर’को शीर्ष गीतलाई लिएर निर्माणपक्षले दर्शकमाझ ‘सरप्राइज’ ल्याउन लागेको छ । निर्माता रोहित अधिकारीका अनुसार ‘प्राणभन्दा प्यारो माईतीघर’ बोलको शीर्ष गीतलाई आउँदो साताभित्र सार्वजनिक गर्ने तयारी गरिएको छ । भारतीय गायिका सञ्जिवनीको स्वरमा रि-रेकर्ड गरिएको गीतको दृश्यालाई ५० लाख बढीको लगानीमा ११ दिन लगाएर छायांकन गरिएको छ । कविराज गहतराजको कोरियोग्राफी रहेको गीतमा मुख्य कलाकार उपासना सिंह ठकुरी र श्यामाश्री शेर्पासँगै ठूलो कोरस टोलीको नृत्य देख्न पाइनेछन् । निर्माता अधिकारीका अनुसार बाग्लुङमा खिचिएका पुराना दृश्यलाई प्रयोग नगरी सम्पूर्ण भिडियो नयाँ रुपमा खिचिएको छ । आगामी असोज १३ गते रिलिज हुने फिल्म माईतीघरको प्रचारलाई थप सशक्त बनाउन यही गीत महत्वपूर्ण हतियार हुने विश्वास निर्माणपक्षले लिएको छ । निर्माणपक्षले यही गीतमा आधारित भिडियो प्रतियोगिता समेत ...