मुख्य खबर

खोटाङ, १९ साउन । खोटाङमा तिर्थयात्री बोकेको विङगर गाडी दुर्घटना हुँदा एकको मृत्यु भएको छ । साउन १९ गते बिहान हलेसी दर्शन गरेर सिराहा फर्कँदै गरेको तिर्थयात्री बोकेको प्रदेश २–०१–००१ ज ००५३ नम्बरको गाडी दुर्घटना हुँदा सिराहा नराह गाउँपालिका–५ की ममतादेबी यादवको मृत्यु भएको हो । तिर्थयात्री सवार गाडी हलेसी तुवाचुङ नगरपालिका–१ बाहुनीडाँडाको दौंते खोला नजिकै सडकबाट करिब दुई मिटर तल खस्दा गम्भीर घाइते भएकी यादवलाई उदयपुरको कटारी प्रादेशिक अस्पतालले मृत घोषणा गरेको हो । विङ्गर गाडीमा चालक सहित १८ तिर्थयात्रु सवार थिए । घाइतेमध्ये १० जनालाई ट्रमा सेन्टर, काठमाडौं लगिएको छ । ६ जना घाइते सामान्य उपचारपछि डिस्चार्ज भएका छन् । घटनापछि सिराहा नगरपालिका–१२ निवासी चालक रामनाथ शाह भने फरार छन् । जिल्ला प्रहरी कार्यालय खोटाङका अनुसार नराह गाउँपालिका–५ ठेगाना भएका राजु यादव, सरीतादेवी ठाकुर, सविताकुमारी ...

✍ लोकनाथ घिमिरे काठमाडौं, १७ साउन । सङ्घीय लोकतान्त्रिक गणतन्त्रको एउटा निर्वाचित नगरप्रमुख आफ्ना नागरिकका अधिकार र जैविक सम्पदा संरक्षणकालागि आमरण अनशनमा बस्न बाध्य भएका छन् । यो केवल व्यक्तिगत प्रतिरोध होइन, सिङ्गो राज्य संरचनामाथिको गम्भीर चुनौती हो । संविधानले स्थानीयतहलाई दिएको अधिकारलाई राज्यका विभिन्न अंगहरूले स्वीकार नगर्दा उत्पन्न भएको दुरावस्थाको स्पष्ट चित्रण हो । दिक्तेल रुपाकोट मझुवागढी नगरपालिकाको २०८२ असार ९ गते सम्पन्न नगरसभाबाट स्वीकृत नीति तथा कार्यक्रम कार्यान्वयन गर्नेक्रममा नगरप्रमुख तीर्थराज भट्टराई संघीय राजधानी काठमाडौँको माईतिघर मण्डलामा साउन ११ गतेदेखि १३ गतेसम्म बाँदर लगायतका वन्यजन्तुले कृषि तथा खाद्य बालीमा पुर्‍याएको क्षति, स्थानीय स्रोत साधनको संरक्षण, विश्वव्यापी जलवायु परिवर्तन, भावी पुस्ताको सुरक्षित भविष्य सुनिश्चितता, वातावरणीय संकट, गाँजा, बाँस लगायत ...

खोटाङ, १५ साउन । ‘बाँस सत्याग्रह’ थालेका खोटाङको दिक्तेल रुपाकोट मझुवागढी नगरपालिकाका मेयर तीर्थराज भट्टराईको मागप्रति संस्थागतरुपमा ऐक्यवद्धता जनाउनेको संख्या बढिरहेको छ । बाँस तथा बाँसजन्य उद्योग स्थापना गर्ने नीति बनाउनुपर्ने लगायतका सात सूत्रीय माग सहित मेयर भट्टराई माइतीघर मण्डला पुगेर साउन १४ गतेदेखि आमरण अनसनमा बसेका छन् । बाँस प्रवद्र्धन गर्ने मेयर भट्टराईको मागप्रति जिल्ला समन्वय समिति खोटाङ र बराहपोखरी गाउँपालिकाले ऐक्यवद्धता जनाएका छन् । व्यक्तिगत रुपमा ऐक्यवद्धता जनाएर साथ दिने पनि उत्तिकै छन् । खोटाङबाट निर्वाचित प्रतिनिधिसभा सदस्य रामकुमार राई ‘पासाङ’ले समेत सत्याग्रह स्थलमा पुगेर भट्टराईको मागप्रति ऐक्यवद्धता जनाइसकेका छन् । स्वास्थ्यमा समस्या देखिएपछि भट्टराईलाई साउन १४ गते राती बीर अस्पताल भर्ना गरिएको छ । भट्टराईको स्वास्थ्य अवस्था क्रमशः शिथिल बन्दैगएको छ । साउन ११ गते...

काठमाडौं, १५ साउन । आगामी फूलपातीदेखि प्रदर्शनमा आउने बहुप्रतीक्षित फिल्म ‘माईतीघर’को प्रचार अभियान थालिएको छ । असोज १३ गतेदेखि प्रदर्शनमा ल्याउने तयारी गरिएको ‘माईतीघर’को ठूल–ठूला होर्डिङ बोर्ड राखेर प्रचार अभियान थालिएको हो । निर्माता रोहित अधिकारीले फेसबुकमार्फत होर्डिङ बोर्ड राखेर फिल्मको देशव्यापी प्रचार सुरु गरिएको जानकारी दिएका छन् । ‘कान नसुन्ने र आँखा नदेख्ने समेतलाई पनि यसपाली थाहा हुनेछ कि माइतीघर यहीँ आउदो बडादशैंको फुलपातीमा चल्दैछ भनेर, बाचा भयो,’ निर्माता अधिकारीले लेखेका छन्, ‘यो २०/५० को होर्डिङ बोर्ड काठमाडौंको मुख्य नाका नौबिसेमा ल्याएका छौँ । २०/१०० को होर्डिङ बोर्डहरु पनि लाग्दैछ चोक–चोक, गल्ली–गल्ली, हिमाल, पहाड, तराई सबैतिर प्राणभन्दा प्यारो माइतीघर ।’ माइतीघर फिल्मको अफिसियल फस्टलुक साउन १६ गते सार्वजनिक गर्ने तयारी गरिएको छ ।...

खोटाङ, १३ साउन । एक वर्षका लागि पार्टीबाट निस्काशनमा परेका कांग्रेस खोटाङका सभापति बिष्णुकुमार राईले कारबाही फुकुवाको माग गरेका छन् । पार्टीबाटै निस्काशित सभापति राईले आफुमाथिको कारबाही पुर्वाग्रही भएको दावी गर्दै पुःनर्विचारका लागि साउन १२ गते कांग्रेस केन्द्रीय समितिमा पुनरावेदन दिएका हुन् । पार्टीबाट कारबाहीमा परेका राईले साँत बुँदे आधारसहित आफुमाथिको कारबाही उल्ट्याउन माग गरेका छन् । २०७९ को प्रदेशसभा र प्रतिनिधिसभा निर्वाचनमा आधिकारिक उम्मेदवारलाई असहयोग गरेको भन्दै परेको उजुरीका आधारमा सभापति राई पार्टीबाट निष्कासनमा परेका हुन् । पार्टीको आधिकारिक उम्मेदवारलाई हराउनका लागि भूमिका खेलेको भन्दै कांग्रेस केन्द्रीय अनुशासन समितिको असार १७ गते बसेको बैठकले राईलाई एक वर्षको लागि कांग्रेसको सदस्यबाट निस्काशन गर्ने निर्णय गरेको थियो । (विस्तृत समाचार Views Of Nepal को पेजमा उपलव्ध छ ।) ...

खोटाङ, १३ साउन । गैर–आवासीय नेपाली संघ (एनआरएनए) रसियाको अध्यक्षमा खोटाङका सिताराम कट्टेल ‘मिलन’ निर्वाचित भएका छन् । साउन ११ गते मस्कोमा सम्पन्न १२ औं अधिबेसनबाट कट्टेल एनआरएनए रसियाको अध्यक्षमा सर्वसम्मत चयन भएका हुन् । साकेला गाउँपालिका–४ मात्तिममा जन्मिएका कट्टेल विगत १३ वर्षअघि मस्को पुगेर अध्ययनपछि व्यवसाय सञ्चालन गर्दैआएका छन् । उनले रसिया, दुबई, नेपाल लगायतका देशमा व्यवसाय सञ्चालन गर्दैआएका छन् । आरयुडिएन युनिभर्सिटीबाट एलएलएम उत्तिर्ण गरेका कट्टेल दुई वर्षे कार्यकालका लागि एनआरएनए रसियाको नेतृत्वमा पुगेका हुन् । उनी सन् २०१९ र २०२३ मा एनआरएनए रसियाको युवा संयोजक हुँदै हालसम्म एनआरएनए रसियाको महासचिवका रुपमा कार्यरत थिए । कट्टेलले मात्तिमकै बालबालिका माविमा प्राथमिक तहको अध्यायन गरेका थिए । उनी सन् २०१२ मा छात्रवृत्तिमा उच्च शिक्षा अध्यायनका लागि मस्को पुगेका थिए । उनका बुवाआमाक...

खोटाङ, १२ साउन । खोटाङका प्रमुख जिल्ला अधिकारी कल्पना श्रेष्ठले नागरिकको शान्ति सुरक्षालाई पहिलो प्राथमिकतामा राखेर काम गर्ने बताएकी छन् । प्रमुख जिल्ला अधिकारीको रुपमा खोटाङ आएका श्रेष्ठले साउन १२ गते पत्रकारसँगको परिचयत्मक कार्यक्रममा जिल्लाका नागरिकलाई सुरक्षाको अनुभूति दिलाउने बताएकी हुन् । प्रमुख जिल्ला अधिकारी श्रेष्ठले सबैले आ–आफ्नो पेशा व्यवसाय ढुक्ककासाथ सञ्चालन गर्ने वातावरण निर्माण गर्ने बताएकी छन् । जिल्ला प्रशासन कार्यालय खोटाङले इतिहासमै पहिलोपल्ट महिला सिडियो पाएको हो । गृह–मन्त्रालयले श्रेष्ठलाई खोटाङको ५२ औं सिडियोको रुपमा खटाएको हो । (विस्तृत समाचार Views Of Nepal को पेजमा उपलव्ध छ ।) ...

खोटाङ, १० साउन । बाँसजन्य उद्योग स्थापनाको सन्दर्भमा सरकारसँग छलफल गर्नका लागि खोटाङको दिक्तेल रुपाकोट मझुवागढी नगरपालिकाले वार्ता टोली गठन गरेको छ । बाँसलाई प्रयोग गरेर आर्थिक आम्दानी लिने नीति निर्माणकालागि दवाव सिर्जना गर्न मेयर तीर्थराज भट्टराई हड्तालमा उत्रिएपछि वन तथा वातावरण मन्त्रालयको आव्हानमा वार्ता टोली गठन गरिएको हो । साउन १० गतेको नगर कार्यपालिकाको बैठकले उपमेयर एवं कार्यवाहक मेयर बिसन राईको संयोजकत्वमा सात सदस्यीय वार्ता टोली गठन गरेको हो । वार्ता टोलीको सदस्यमा पुर्व वन सचिव डा. अन्नपूर्ण दास, वडाध्यक्ष दिनेश घिमिरे, दानबहादुर राई, दिनेश राई, बाँसविज्ञ प्रणव प्रधान र एकजना कानूनविज्ञलाई चयन गरिएको छ । मन्त्रालयले छलफलका लागि साउन ८ गते पत्र पठाएपछि नगरपालिकाले वार्ता टोली गठन गरेको हो । मेयर हड्तालमा बसेको बेला सरकारसँग वार्ता गर्नेगरी वार्ता टोली गठन गरिएको कार्यवाहक मेयर...

खोटाङ, ९ साउन । खोटाङमा कुटपिटबाट एक युवा घाइते भएका छन् । दिक्तेल रुपाकोट मझुवागढी नगरपालिका–१० पाथेकाका ६८ वर्षीय हजुरमणि राईको कुटपिटबाट सोही ठाउँका १९ वर्षीय राजन राई घाईते भएका हुन् । सामान्य विवाद हुँदा हजुरमणिले साउन ८ गते राजनलाई कुटपिट गरेर घाइते बनाएको जिल्ला प्रहरी कार्यालय खोटाङले जनाएको छ । घटनाको विषयमा जानकारी आए लगत्तै अस्थायी प्रहरीचौकी तालखर्कबाट प्रसनि किशोरकुमार हजारी थारुको कमाण्डमा खटिएको प्रहरीको टोलीले हजुरमणिलाई साउन ९ गते नियन्त्रणमा लिएको छ । प्रहरीका अनुसार कुटपिटबाट राजनको अनुहार तथा टाउकोमा चोट लागेको र बोल्न नसक्ने अवस्थामा जिल्ला अस्पताल दिक्तेल पुर्‍याइएको थियो । जिल्ला अस्पतालमा उपचारपछि राजनलाई सुविधा सम्पन्न अस्पताल रेफर गरिएको प्रहरीले जानकारी दिएको छ ।...

खोटाङ, ९ साउन । खोटाङको साकेला गाउँपालिकाले पहिरोले क्षतीग्रस्त सडक मर्मत गरेर सञ्चालनमा ल्याएको छ । गाउँपालिकाले ग्याबिन जाली पहिरोले बगाएपछि अवरुद्ध बनेको बाँझेच्यानडाँडा–रतन्छा–मानेभञ्ज्याङ सडक मर्मत गरेर पुःन सञ्चालनमा ल्याएको हो । बाँझेच्यानडाँडा–रतन्छा–मानेभन्ज्याङ सडकको रुपुवा खोला नजिक लगाईएको ग्याविन जाली गत साउन ६ गते राती पहिरोले बगाएको थियो । गाउँपालिकाको ‘आकस्मिक पूर्वाधार सेवा’ अन्तगत साउन ८ गते गाउँपालिका अध्यक्ष रबिप्रकाश राई नेतृत्वको टोलीले सो सडक मर्मत गरेर सञ्चालनमा ल्याएको हो । (विस्तृत समाचार Views Of Nepal को पेजमा उपलव्ध छ ।) ...