समाचार

खोटाङ, ९ जेठ । खोटाङको दिक्तेल इङ्लिस सेकेण्डरी बोर्डिङ स्कुलमा प्राथमिक उपचार तालिम सञ्चालन गरिएको छ । बोर्डिङ स्कुलले शिक्षक र शिक्षिकालाई सहभागी गराएर जेठ ९ गते प्राथमिक उपचार तालिम सञ्चालन गरेको हो । प्रशिक्षणमा सहभागी शिक्षक शिक्षिकालाई आकस्मिक चोटपटक, रक्तश्राव, बेहोस अवस्था, मर्किएको, जलन जस्ता दुर्घटनामा परेका घाइतेलाई गर्नुपर्ने प्राथमिक उपचार सम्वन्धी ज्ञान तथा सीप प्रदान गरिएको छ । तालिममा सहभागीलाई प्रमुख प्रशिक्षकको रूपमा स्वास्थ्य सहायक सन्तोष बजिमयले प्रयोगात्मक विधिबाट प्राथमिक उपचार सम्वन्धी आधारभुत ज्ञान तथा सीप सिकाएका छन् । सामान्य दुर्घटनामा परेका व्यक्तीको उपचार गर्ने/गराउने योग्य जनशक्ती उत्पादनका लागि प्राथमिक उपचार तालिम सञ्चालन गरिएको दिक्तेल इङ्लिस सेकेण्डरी बोर्डिङ स्कुलका प्रिन्सिपल धनकर्ण श्रेष्ठले बताए । कार्यक्रममा विद्यालयकै स्वास्थ्य सहायक अप्सरा खड्का...

खोटाङ, ८ जेठ । सरकारले शाखा अधिकृत पठाउन नसक्दा खोटाङको इलाका प्रशासन कार्यालय खोटाङबजारको नागरिकता वितरण लगायतका सेवा रोकिएको छ । गृह–मन्त्रालयले शाखा अधिकृत वा कायम मुकायम शाखा अधिकृतको व्यवस्था गर्न नसक्दा जेठ ६ गतेदेखि ईलाका प्रशासन कार्यालयबाट नागरिकता वितरण, दलित जनजाती प्रमाणिकरण एवं सिफारिस गर्ने, नावालक परिचय–पत्र प्रदान लगायतका सेवा रोकिएको हो । गृह–मन्त्रालयले ईलाका प्रशासन कार्यालयमा कार्यरत नायब सुब्बा मोहनबहादुर राईलाई ६ महिनाका लागि दिएको कायम मुकायम अवधि सकिएपछि इलाका प्रशासन कार्यालयको सेवा प्रभावित भएको हो । खोटेहाङ गाउँपालिका–७ खोटाङबजारमा रहेको ईलाका प्रशासन कार्यालयको सेवा बन्द हुँदा खोटेहाङ गाउँपालिका, जन्तेढुंगा गाउँपालिका र बराहपोखरी गाउँपालिकाका २१ वडाका सेवाग्राही मारमा परेका छन् ।...

खोटाङ, ३ जेठ । ‘स्वर्गिक मार्ग संघ नेपाल’ले साकेलाको मौलिकता ध्वस्त पार्ने काम गरेको भन्दै किरात अन्तर्राष्ट्रिय साँस्कृतिक (किक) अभियानले ध्यानाकर्षण भएको जनाएको छ । स्वर्गिक मार्ग संघले प्रकृति पुजक राईको साकेला चाडमा पुजा गर्ने साँस्कृतिक परम्परा बिगारिरहेको भन्दै किरात अन्तर्राष्ट्रिय साँस्कृतिक अभियानले आपत्ती जनाएको हो । किक अभियान का संयोजक भद्रगोल किराती (मनोजकुमार राई)ले जेठ १ गते विज्ञाप्ती जारी गर्दै साकेलाको मौलिक संस्कृति, परम्परा र पूजा पद्धतिलाई नक्कल गर्दै विकृत गर्ने, भ्रम फैलाउने तथा सांस्कृतिक अतिक्रमण गर्ने जघन्य कार्य गरिरहेको उल्लेख गरेका छन् । स्वर्गिक मार्ग संघको अगुवा भक्तकुमार राई (सुप्रिम मास्टर गडएञ्जल) हुन् । गडएञ्जल र उनका समर्थले साकेला थानलाई तोडमोड गर्दै त्यस स्थानमा नक्कली रंगीन झिल्के पुतली थान निर्माण गरी पूजा गर्ने जस्ता कार्यहरूले साकेलाको मौलिकतालाई...

काठमाडौं, २ जेठ । खोटाङका गायक मबिन्द्र राईको ‘फूलै पहेँली’ बोलको लोक गीत बजारमा आएको छ । गायक राई र निर्मला घिसिङको स्वर रहेको मौलिक लोकभाका स्वयं राईकै नाममा खोलिएको यु–टुब च्यानलबाट सार्वजनिक गरिएको हो । राई सहितका टिकटक प्रयोगकर्ताले गत असोजमा क्रियट गरेको ‘टिकटक साझा चौतारी’को पहिलो प्रस्तुतीको रुपमा पुरानो लोक लयमा आधारित गीत तयार पारिएको हो । हलेसी तुवाचुङ नगरपालिका–५ दुर्छिमका गायक राईकै लय र शब्द संकलन रहेको गीतका म्युजिक एरेञ्जर कुमार थापा मगर र मिक्स/मास्टर राजु कार्की छन् । सुरेश पायल राई र मनोज साङसोन राई रेकर्डिष्ट रहेको गीतको प्रोडुसर प्रशान राई, पुर्ण भाट र गजेन्द्र राई छन् । राईले दुर्छिमकै साल्तेम्मा, राबु, चुमाखु भञ्ज्याङ, रातमाटे, महादेवस्थान (हलेसी)को कात्तिके लगायतका ठाउँका बुढापाकाले मादल बजाउँदै गाउने पुरानो भाकालाई संकलन गरेर गीत तयार पारेका हुन् । मुन्दुम अध्यता...

इटहरी, २ जेठ । चलचित्र ‘माईतीघर’को हालसम्म ४५ प्रतिशत छायांकन सम्पन्न भएको छ । आगामी दशैँको फूलपातीमा रिलिज गर्ने तयारी सहित निर्माण सुरु गरिएको ‘माईतीघर’को हालसम्म ४५ प्रतिशत छायांकन सम्पन्न भएको हो । हाल म्याग्दीको ताकम भन्ने ठाउँमा ‘माईतीघर’को छायांकन भइरहेको छ । १५ दिनको अवधिमा सोचेकोजस्तै छायांकन भइरहेको फिल्मका निर्माता रोहित अधिकारीले बताए । ‘माईतीघरका लागि हल्लाखल्ला भन्दा पनि निर्माणको गुणस्तरमा ध्यान केन्द्रित गरिएको छ,’ निर्माता अधिकारीले भने, ‘अनाबस्यक तामझाम नगरी फिल्मको उत्कृष्ठ कथा, पटकथा, सम्बाद तथा गीत र मेकिङ सँगै कलाकारहरुमा ठूलो लगानी गरिएको छ ।’ दर्शकलाई भरपूर मनोरञ्जन दिन मेहनत गरिएको निर्माता अधिकारीले स्पष्ट पारे । रोहित अधिकारी फिल्म्सको चौथो प्रस्तुतिको रुपमा ‘माईतीघर’ फिल्म निर्माण सुरु गरिएको हो । माईतीघरमा अभिनेता धीरज मगर, केदार घिमिरे ‘माग्ने बुढा’, प्रकाश ...

खोटाङ, ३१ बैसाख । खोटाङमा रास्वपाका पालिका सभापति एमालेमा प्रवेश गरेका छन् । रास्वपाको रावाबेँसी गाउँपालिका सभापति कृष्ण पाण्डे एमाले प्रवेश गरेका हुन् । बैसाख ३१ गते डुम्रेधारापानीको धैरेनीटारमा आयोजना गरिएको अगुवा कार्यकर्ता भेलाको अवसरमा पाण्डे एमाले प्रवेश गरेका हुन् । नवप्रवेसी पाण्डेलाई एमाले पोलिटव्युरो सदस्य एबं खोटाङ इन्चार्ज बिशाल भट्टराईले अबिर र माला लगाइदिएर पार्टीमा स्वागत गरेका थिए । पाण्डेले रास्वपाको सिंगो पालिका कमिटि एमालेमा समाहित भएको बताएका छन् । नयाँ भनिएकाहरु बिभिन्न ठगीमा संलग्न भएका र राजनीतिमा अपरिपक्व रहेकोले मुलुकको नेतृत्व गर्न असमर्थ रहेको उनको भनाई थियो । कार्यक्रममा पोलिटव्युरो सदस्य भट्टराई सहित एमाले केन्द्रीय सदस्य खगेन्द्र राई, एमाले नेता लिलानाथ निरौला, कौशिला गुरुङ, बाबुराम जोशी, बीरेन्द्र मगर, अनेरास्वबियुका जिल्ला अध्यक्ष बिष्णु उपरकोटी लगायतको ...

खोटाङ, २९ बैसाख । खोटाङ हलेसी सेवा समाज काठमाडौंको अध्यक्षमा इन्दा थापा चयन भएका छन् । काठमाडौं खहरेचोकस्थित सान बैंकुटमा सम्पन्न समाजको आठौं साधारणसभाबाट थापा अध्यक्षमा सर्वसम्मत चयन भएका हुन् । समाजको प्रथम उपाध्यक्षमा अर्जुन गैरापिप्ली, द्धितीय उपाध्यक्षमा पर्शुराम कटुवाल, तृतीय उपाध्यक्षमा रामजी कटुवाल, महासचिवमा सुरेन्द्र कटुवाल, सचिवमा कुमारबाबु बस्नेत (टिबी), कोषाध्यक्षमा सुब्बा कटुवाल र सहकोषाध्यक्षमा प्रेम केुसी चयन भएका छन् । सदस्यमा काजी खडका, प्रकाशराज भण्डारी, लक्ष्मीप्रसाद गिरी, सीता कार्की, अन्जना थापा, दिपक पौडेल र पदम बन्जारा चयन भएका छन् । कोसी प्रदेशका भौतिक पुर्वाधार बिकास एवं स्वास्थ मन्त्री भुपेन्द्र राईको प्रमुख आतिथ्यता एवं ॐ अस्पतालका संरक्षक एवं बरिष्ठ स्त्रीरोग विशेषज्ञ डा. भोला रिजालको विशिष्ट आतिथ्यतामा समाजको साधारणसभा सम्पन्न भएको हो । कार्यक्रममा खोटाङ ज...

खोटाङ, २७ बैसाख । खोटाङका पत्रकार राजकुमार भट्टराई सम्मानित भएका छन् । निष्पक्ष एवं स्वतन्त्र पत्रकारिताको माध्यमबाट समग्र खेलकुद तथा सामाजिक क्षेत्रको विकासमा पुर्‍याएको योगदानको कदर गर्दै नेपाल खेलकुद प्रतिष्ठान, खोटाङले पत्रकार भट्टराईलाई सम्मान गरेको हो । प्रतिष्ठानले पत्रकार भट्टराईलाई दोश्रो बृहत हलेसी खेलकुद, साहित्यिक तथा पर्यटन महोत्सव उद्घाटनको अवसरमा बैसाख २७ गते नगद ११ हजार सहित सम्मान गरेको हो । कार्यक्रमका प्रमुख अतिथि कोशी प्रदेशका सामाजिक विकास मन्त्री पाँचकर्ण राई, संविधानसभा सदस्य दुर्गाजयन्ती राई र दिक्तेल रुपाकोट मझुवागढी नगरपालिकाका मेयर तीर्थराज भट्टराईले पत्रकार मट्टराईलाई दोसल्ला ओढाएर नगद र सम्मान–पत्र हस्तान्तरण गरेका थिए । नेपाल पत्रकार महासंघ शाखा खोटाङका सचिव भट्टराई भ्युज अफ नेपालमा आवद्ध छन् । यस्तै, गोरखापत्र दैनिकको सम्वाददाता र रुपाकोट खबर डटकमका सञ्चालक...

खोटाङ, २६ बैसाख । नेपाली कांग्रेस खोटाङले कोशी प्रदेशका भौतिक पुर्वाधार विकास एबं स्वास्थ्यमन्त्री भूपेन्द्र राई र साकेला गाउँपालिका अध्यक्ष रबिप्रकाश राईको समुहबीच भएको विवादप्रति ध्यानाकर्षण भएको जनाएको छ । कांग्रेस सभापति बिष्णुकुमार राईले बैसाख २६ गते विज्ञाप्ती जारी गर्दै उक्त घटनाले पार्टी पंक्तिको गरिमालाई धुमिल बनाउन सहयोग पुग्ने उल्लेख गरेका छन् । मन्त्री राईले बैसाख २५ गते साकेला गाउँपालिका–३ खिदिमास्थित ढाँडेमा ‘सर्वदलीय, सर्वपक्षीय नागरिकसँग भेटघाट’ कार्यक्रम आयोजना गरेको थिए तर गाउँपालिका अध्यक्ष राईको समुहले असहमती जनाउँदै कार्यक्रममा अवरोधको प्रयास गरेका थिए । दुई पक्षबीचमा झडपको सम्भावनालाई मध्यनजर गर्दै खिदिमामा नेपाल प्रहरी र सशस्त्र प्रहरी परिचालन गरिएको थियो । सुरुमा तनावको अवस्था सिर्जना भए पनि अन्तीममा सहमतीमा कार्यक्रम गरिएको थियो । कांग्रेस सभापति राईले आगामी दिनम...

खोटाङ, २५ बैसाख । खोटाङको बराहपोखरी गाउँपालिकामा ६७ वटा योजना सम्झौता गरिएकोमा ४१ वटा योजना सम्पन्न भएको छ । बैसाख २५ गते सार्वजनिक सुनुवाई गर्दै बराहपोखरी गाउँपालिकाले सम्झौता गरिएकोमध्ये २६ वटा योजना सम्पन्न हुन बाँकी रहेको जानकारी दिएको छ । गाउँपालिकाका लेखा अधिकृत छत्रबहादुर बानियाँका अनुसार आर्थिक २०८१/०८२ मा बराहपोखरी गाउँपालिका–१ बराहपोखरीमा १८ वटा योजना सम्झौता गरिएकोमा ८ वटा योजना सम्पन्न भइसकेको छ । यस्तै, बराहपोखरी गाउँपालिका–२ सुन्तलेमा १० वटा योजना सम्झौता गरिएकोमा ८ वटा सम्पन्न, बराहपोखरी गाउँपालिका–३ साउनेचौंरमा ११ वटा योजना सम्झौता गरिएकोमा ७ वटा योजना सम्पन्न भएको छ । बराहपोखरी गाउँपालिका–४ फाक्टाङमा १२ योजना सम्झौता भएकोमा ८ वटा, बराहपोखरी गाउँपालिका–५ पौवासेरामा ८ योजना सम्झौता गरिएकोमा ४ वटा र बराहपोखरी गाउँपालिका–६ मौवाबोटेमा ८ योजना सम्झौता गरिएकोमा ६ योजना सम्पन्...