समाचार

खोटाङ, १९ चैत । खोटाङको दिक्तेल रुपाकोट मझुवागढी नगरपालिकामा मानसिक तथा मनोसामाजिक अपाङ्गता भएका ९६ जनाको उपचार गरिएको छ । कोशी प्रदेश, नगरपालिका र करुणा फाउण्डेसनको त्रि–पक्षीय लागत साझेदारीमा सञ्चालित अपाङ्गता रोकथाम तथा पुनःस्र्थापना कार्यक्रम अन्तर्गत चैत १७ गतेदेखि चैत १९ गतेसम्म सञ्चालन गरिएको शिविरमार्फत मानसिक तथा मनोसामाजिक अपाङ्गता भएका स्थानीयको उपचार गरिएको हो । जिल्ला आयुर्वेद स्वास्थ्य केन्द्र्र दिक्तेलमा आयोजना गरिएको तीन दिने शिबिरमा मेडिसिटि अस्पताल काठमाडौंमा कार्यरत डा. ऋचा अमात्य र कान्तीबाल अस्पतालमा कार्यरत डा. दिनुजा खड्काले मानसिक तथा मनोसामाजिक अपाङ्गता भएका व्यक्तीको उपचार गरेका थिए । शिबिरका लागि राष्ट्रिय स्वास्थ्य कोष, समाज कल्याण परिषदबाट औषधि प्राप्त भएको नगरपालिकाका महिला विकास शाखाका निर्मला रिजालले बताईन् ।...

खोटाङ, १९ चैत । खोटाङको दिक्तेल इंलिस सेकेण्डरी बोर्डिङ स्कुललाई अन्तर्राष्ट्रिय गुणस्तर प्रमाणित विद्यालय बनाउने कार्यक्रम सुरु गरिएको छ । गुणस्तरिय तथा संस्कार सहितको शिक्षा प्रदान गर्ने लक्ष्यका साथ ग्लोबल क्वालिटी काउन्सिलको समन्वयमा दिक्तेल इंलिस बोर्डिङ स्कुललाई अन्तर्राष्ट्रिय गुणस्तर प्रमाणित विद्यालय बनाउने कार्यक्रम सुरु गरिएको हो । स्कुललाई वर्ष दिनभित्र ‘आइएसओ’को प्रमाण–पत्र प्रदान गर्नेगरि चैत १८ गते ग्लोबल क्वालिटी काउन्सिलका प्रतिनिधि सुदिप शर्मा र दिक्तेल इंलिस सेकेण्डरी बोर्डिङ स्कुलका प्रिन्सीपल धनकर्ण श्रेष्ठबीचमा सम्झौता गरिएको छ । अन्तर्राष्ट्रिय गुणस्तर प्राप्तीका लागि दिक्तेल इंलिस सेकेण्डरी बोर्डिङ स्कुलले ५२ वटा सूचक पुरा गर्नेपर्ने ग्लोबल क्वालिटी काउन्सिलका प्रतिनिधि शर्माले बताए । २०४८ सालमा स्थापना गरिएको विद्यालयलाई अन्तर्राष्ट्रिय गुणस्तर प्रमाणित विद्य...

खोटाङ, १९ चैत । खोटाङको दिक्तेलस्थित रणभीम गण मुढे व्यारेकमा स्वास्थ्य सम्वन्धी जनचेतनामुलक कक्षा, स्वास्थ्य परामर्श तथा स्वास्थ्य परीक्षण कार्यक्रम सञ्चालन गरिएको छ । व्यारेकमा कार्यरत सैनिक, भुपु सैनिक तथा अवकाश प्राप्त सैनिकका परिवारलाई लक्षित गर्दै नेपाली सेनाले चैत १९ गते स्वास्थ्य सम्वन्धी जनचेतनामुलक कक्षा, स्वास्थ्य परामर्श तथा स्वास्थ्य परीक्षण कार्यक्रम सञ्चालन गरेको हो । कार्यक्रममा जनरल मेडिसिन, नाक, कान, घाँटी र अर्थोपेडिकसँग सम्वन्धित बिरामीको स्वास्थ्य जाँच गर्नुका साथै औषधि वितरण गरिएको रणभीम गणले जनाएको छ । स्वास्थ्य सम्वन्धी जनचेतनामुलक कक्षा, स्वास्थ्य परामर्श तथा स्वास्थ्य परीक्षण कार्यक्रमका लागि सैनिक अस्पताल इटहरीबाट डा. अधिकृत सहितको टोली मुढे व्यारेकमा आएका थिए । गणका अनुसार कार्यक्रमबाट ११३ जना लाभान्वित भएका छन् ।...

खोटाङ, १७ चैत । फेसबुकमा गरिएको पोष्टका कारण खोटाङका एक शिक्षक तनावमा परेका छन् । अगाडि बियरको बोत्तल र गिलाससहितको तस्बीर पोष्ट गर्दा केपिलासगढी गाउँपालिका–४ बाक्सिलास्थित पृथ्बी माविका शिक्षक बलबहादुर अधिकारी तनाव झेल्न बाध्य बनेका हुन् । शिक्षक अधिकारीले चैत १६ गते ‘यसो गर्दा पो जनजाति भइन्छ कि ?’ भन्ने स्टाटस सहित अगाडि बियरको बोत्तल र बियर भरिएको गिलास देखिने आफ्नो तस्बीर पोष्ट गरेका थिए । सो स्टाटसप्रति आदिवासी जनजाती संगठनहरुले आपत्ती जनाएपछि अधिकारीले चैत १७ गते पोष्ट डिलेट गरेर माफी नै मागेका छन् । शिक्षक अधिकारीले गत होलीको दिन स्टाफसँग विद्यालयकै क्यान्टिनमा खानपिन गर्नेक्रममा खिचेको तस्बीर पोष्ट गरेका थिए । उनले व्यक्तिगत सम्झनाको लागि भन्दै तस्बीर र स्टाटर पोष्ट गरे पनि जनजाती संगठनले विज्ञाप्ती नै निकालेर विरोध जनाएका छन् । स्टाटसले जनजाती समुदायको संस्कार संस्कृतिलाई होच्...

खोटाङ, १७ चैत । राजावादीको हिंसात्मक आन्दोलनको क्रममा पत्रकार सुरेश रजकको हत्या गरिएको विरोधमा खोटाङका पत्रकारले लगातार दोश्रो दिन हातमा कालोपट्टी बाँधेर काम गरेका छन् । नेपाल पत्रकार महासंघ शाखाको नेतृत्वमा चैत १६ गते नै हातमा कालोपट्टी बाँधेर कर्मक्षेत्रमा खटिएका पत्रकारले दोश्रो दिन पनि कालोपट्टी बाँधेर कामलाई निरन्तरता दिएका हुन् । चैत १७ गते भने केन्द्रीय समितिको निर्देशन अनुसार हातमा कालोपट्टी बाँधेर काम गरिएको नेपाल पत्रकार महासंघ शाखा, खोटाङका अध्यक्ष हरिबोल आचार्यले बताए । आन्दोलनको भिडियो खिचिरहेका पत्रकार रजकलाई एउटा कम्प्लेक्सभित्र थुनेर आगो लगाएर जलाएर हत्या गरिएको भन्दै नेपाल पत्रकार महासंघ शाखाको नेतृत्वमा जिल्लाका पत्रकार बिरोधमा उत्रिएका छन् । चैत १५ गते राजावादी समूहले काठमाडौंमा गरेको आन्दोलनका क्रममा तीनकुनेस्थित एक कम्प्लेक्समा आगजनी गरिएको थियो । त्यही कम्प्लेक्सबाट...

खोटाङ, १७ चैत । राजावादीको हिंसात्मक आन्दोलनको क्रममा पत्रकार सुरेश रजकको हत्या गरिएको भन्दै खोटाङका पत्रकार बिरोधमा उत्रिएका छन् । आन्दोलनको भिडियो खिचिरहेका पत्रकार रजकलाई एउटा कम्प्लेक्सभित्र थुनेर आगो लगाएर जलाएर हत्या गरिएको भन्दै नेपाल पत्रकार महासंघ शाखाको नेतृत्वमा जिल्लाका पत्रकार बिरोधमा उत्रिएका हुन् । पत्रकार हत्याको बिरोधमा खोटाङका पत्रकारले चैत १६ गते हातमा कालोपट्टी बाँधेर काम गरेका छन् । रिपोर्टिङमा हिँडेको पत्रकारले जिउँदै जलेर मर्नुपर्ने अवस्था आउनु र सञ्चार–गृहमाथि आक्रमण हुनु दुःखद भएको नेपाल पत्रकार महासंघ शाखाका अध्यक्ष हरिबोल आचार्यले बताए । महासंघले प्रेस विज्ञाप्ती जारी गर्दै मुलुकको व्यवस्थामाथि नै प्रहार गर्नेगरि सञ्चार–गृह र पत्रकारमाथि भएको हर्कतको कडा शव्दमा भत्र्सना गरेको छ । महासंघका सचिव राजकुमार भट्टराईले जारी गरेको विज्ञाप्तीमा घटनाको निष्पक्ष छानविन गर...

खोटाङ, १४ चैत । डढेलो नियन्त्रणका लागि खोटाङको दिक्तेल रुपाकोट मझुवागढी नगरपालिका–४ खाल्ले र दिक्तेल रुपाकोट मझुवागढी नगरपालिका–५ लफ्याङमा सुरक्षा सावधानीका उपाय अपनाउने निर्णय गरिएको छ । डढेलो नियन्त्रण सञ्जालको चैत १४ गते बसेको बैठकले खाल्ले र लफ्याङमा पर्ने सामुदायीक वन तथा वस्तीलाई डढेलोबाट जोगाउनका लागि पुर्वसावधानीका उपाय अवलम्बन गर्ने निर्णय गरेको हो । बैठकले खाल्लेमा पर्ने चन्द्रमान राई र भाला सिरुवानी सामुदायीक वन तथा लफ्याङमा पर्ने देउले, चालिसे र जोरआँप सामुदायीक वन वरपर अग्नी रेखा निर्माण गर्ने निर्णय गरेको छ । यस्तै, डढेलोबाट जोखिमयुक्त घर पहिचान गरेर डढेलोबाट जोगाउनका लागि ‘नियन्त्रित आगलागी विधि’ अपनाउने, डढेलोबाट बच्न सचेतनामुलक कार्यक्रम गर्ने निर्णय गरिएको डढेलो नियन्त्रण सञ्जालका अध्यक्ष सन्तोष घिमिरेले बताए ।...

काठमाडौं, ८ फागुन । बारबरा फाउण्डेसनले खोजमुलक पत्रकारिता फेलोसिप आव्हान गरेको छ । भ्रष्टाचार, सुशासन, वातावरणीय परिवर्तन, स्वास्थ्य, शिक्षा तथा सामाजिक न्यायजस्ता विषयमा गहिरो अनुसन्धान तथा खोज पत्रकारिता गर्न चाहने पत्रकारलाई लक्षित गर्दै फाउण्डेसनले खोजमुलक पत्रकारिता फेलोसिप आव्हान गरेको हो । फेलोसिपका लागि इच्छुक पत्रकारहरूले आगामी चैत मसान्तभित्र प्रस्ताव पेश गर्नुपर्ने फाउण्डेसनले जनाएको छ । फेलोसिप अन्तर्गत तयार गरिने अनुसन्धान तथा खोजमूलक सामग्री २०८२ चैत मसान्तभित्र प्रकाशित भइसकेको हुनुपर्ने सूचनामा उल्लेख छ । प्रतिस्तर्धामा उक्त सामग्री पत्रपत्रिका, टेलिभिजन, रेडिया वा डिजिटल पोर्टलमा प्रकाशित/प्रसारित भएको हुनुपर्ने छ । फाउन्डेसनले खोजमूलक पत्रकारिताको विकासमा टेवा पुर्‍याउने उद्देश्यले फेलोसिप प्रदान गर्दैआएको छ ।...

खोटाङ, ७ फागुन । कुनैबेला ‘आइरन गेट’ मानिने एसइई परीक्षा सुरु भएको छ । खोटाङको दुई नगरपालिका र आठ गाउँपालिकामा निर्धारण गरिएको २५ वटा परीक्षा केन्द्रबाट एसइई परीक्षा सुरु भएको छ । ठीक बिहान ८ बजेदेखि मर्यादित वातावरणमा परीक्षा सुरु भएको शिक्षा विकास तथा समन्वय इकाईका प्रमुख तिर्थबहादुर बिश्वकर्माले बताए । खोटाङमा साधारणधारतर्फ २ हजार ४८३ र प्राविधिकधारतर्फ नियमित १७२ जनागरि कुल ३ हजार २२६ जना विद्यार्थीले एसइई परीक्षा फर्म भरेका छन् । साधारणधारतर्फ ५७१ विद्यार्थीले ग्रेड वृद्धिको परीक्षा दिँदैछन् । एसइईमा जिल्लाका ९८ वटा सामुदायीक र ६ वटा निजी माविका विद्यार्थी सहभागी छन् ।...

खोटाङ, ६ चैत । खोटाङको हलेसी तुवाचुङ नगरपालिका–१ बडहरेमा एसइईलाई मध्यनजर गर्दै एक महिने निःशुल्क कोचिङ कक्षा सञ्चालन गरिएको छ । आसन्न एसइई परीक्षाको पुर्वतयारीमा नेकपा एमाले वडा कमिटि बडहरेको आयोजनामा कोचिङ कक्षा सञ्चालन गरिएको हो । एसइईको तयारी गरिरहेका लक्ष्मी माविका छात्र/छात्रालाई लक्षित गर्दै अंग्रेजी, विज्ञान र गणित विषयको कोचिङ कक्षा सञ्चालन गरिएको हो । अध्यापन गराउने शिक्षकहरुलाई एमाले वडा कमिटिले पारिश्रमिक प्रदान गरेको छ । कोचिङ कक्षामा लक्ष्मी माबिका १८ जना विद्यार्थीको सहभागीता रहेको एमाले हलेसी–काठमाडौं सम्पर्क मञ्चका अध्यक्ष सुदिप खत्रीले जानकारी दिए । लक्ष्मी माविका विद्यार्थीको एसइई परिक्षाको पुर्वतयारीमा आगामी प्रत्येक बर्ष निःशुल्क कोचिङ कक्षा सञ्चालनका लागि एमाले वडा कमिटि अध्यक्ष लालबहादुर खत्री र प्रधानाध्यपक नयनकुमार राईबिच सम्झौता भएको छ । एमाले जिल्ला कमिटि लेखा ...