मुख्य खबर

खोटाङ, ११ पुस । नेपाल सरकारले खोटाङको दिक्तेल रुपाकोट मझुवागढी नगरपालिकाबाट बाँदरको वन्ध्याकरण कार्यक्रमलाई अघि बढाउने निर्णय गरेको छ । पुस ९ गते कृषि तथा पशुपन्छी विकास मन्त्रालय सिंहदरबारमा बसेको बैठकले दिक्तेल रुपाकोट मझुवागढी नगरपालिकाबाट बाँदरको वन्ध्याकरण गर्ने कार्यक्रमलाई ‘पाइलटिङ’को रुपमा अघि बढाउने निर्णय गरेको हो । नेपालमै पहिलोपल्ट बाँदरको वन्ध्याकरणको पाइलटिङ दिक्तेल रुपाकोट मझुवागढी नगरपालिकाबाट सुरु गर्ने निर्णय भएको मेयर तीर्थराज भट्टराईले बताए । बाँदर नियन्त्रण सम्वन्धी कार्यक्रम, कार्ययोजना र सोसँग सम्वन्धित कार्यविधि तथा एसओपी तयारी वारे छलफल गर्न मन्त्रालयले बैठक बोलाएको थियो । बाँस प्रवद्र्धन गर्नुपर्ने लगायतका माग गर्दै मेयर भट्टराई गत साउन १४ गतेदेखि साउन १८ गतेसम्म माइतीघर मण्डलामा ‘सत्याग्रह’मा बसेका थिए । सरकारसँग १६ बुँदे समझदारी भएपछि मेयर भट्टराईले आमरण अनसन ...

खोटाङ, ७ पुस । आगामी फागुन २१ गते तोकिएको निर्वाचनका लागि राप्रपा खोटाङले उम्मेदवार सिफारिस गरेको छ । राप्रपाले प्रतिनिधिसभाको निर्वाचनका लागि प्रत्यक्ष र समानुपातिक उम्मेदवारको नाम सिफारिस गरेको हो । निर्वाचनका लागि प्रत्यक्षतर्फ गुणराज राजभण्डारी, सर्जु श्रेष्ठ र आदिवासी जनजाती महिलातर्फ कृष्णकुमारी राईलाई सिफारिस गरिएको राप्रपा खोटाङका अध्यक्ष ललितकुमार राईले बताए । यस्तै, समानुपातिकतर्फ आदिवासी जनजाती महिलातर्फ बिजयकला राई, खस आर्यतर्फ शिवकुमार खत्री र दलित महिलातर्फबाट भरुमायाँ बिश्वकर्मालाई सिफारिस गरिएको छ ।...

खोटाङ, ४ पुस । बाईक दुर्घटनामा खोटाङमा एक जनाको मृत्यु भएको छ । मध्यपहाडी लोकमार्ग अन्तरगत दिक्तेल रुपाकोट मझुवागढी नगरपालिका–२ सोल्मामा बाईक दुर्घटना हुँदा गम्भीर घाइते बनेका दिक्तेल रुपाकोट मझुवागढी नगरपालिका–१ दिक्तेलका ५५ वर्षीय पदमबहादुर खड्काको मृत्यु भएको हो । दिक्तेल रुपाकोट मझुवागढी नगरपालिका–७ दोर्पाचिउरीडाँडाका दिनेश आचार्यले चलाएको प्र १०५००१ प १७६४ नम्बरको बाईकको पछाडि बसेका खड्कालाई गम्भीर अवस्थामा उद्धार गरेर जिल्ला अस्पतालमा पुर्‍याइएको थियो । पुस ४ गते साँझ ६ बजे बाईकसँगै सडकबाट करिब १५० मिटर तल खसेका खड्कालाई ८.३४ बजे मृत घोषणा गरिएको जिल्ला प्रहरी कार्यालय खोटाङले जनाएको छ । घटनाको विषयमा आचार्य आफैले प्रहरीलाई जानकारी दिएका थिए । आचार्यले मापसे सेवन गरेको अवस्थामा दुर्घटना भएको प्रहरीले जनाएको छ ।...

खोटाङ, १ पुस । केन्द्रमा भएको एकता अनुसार खोटाङमा नेपाली कम्यूनिष्ट पार्टीले ‘एकताको’ सन्देश प्रवाह गरेको छ । कात्तिक १९ गते केन्द्रमा भएको एकता अनुसार जिल्लामा नेकपा माओवादी केन्द्र, नेकपा एकीकृत समाजवादी र जसपाको विद्रोही समुहबीच एकता भएको सन्देश प्रवाह गरेको हो । नेपाली कम्यूनिष्ट पार्टीले पुस १ गते दिक्तेलमा ‘एकता सन्देश सम्प्रेषण कार्यक्रम’ गर्दै जिल्लामा हालसम्म फरक–फरक दलमा रहेका नेता कार्यकर्ताहरु एक भएको सन्देश दिएको जनाएका छ । नेकपा माओवादी केन्द्र, नेकपा एकीकृत समाजवादी र जसपाको विद्रोही समुहका नेताहरु एउटा मञ्चमा देखिएका थिए । जिल्ला समन्वय समितिको समिक्षालय हलमा आयोजित कार्यक्रममा प्रमुख अथितिको रुपमा नेता हरिबोल गजुरेल र विशेष अथितिको रुपमा कोशी प्रदेशका पुर्व मुख्यामन्त्री राजेन्द्र राईले सम्बोधन गरेका थिए । यस्तै, नेपाली कम्यूनिष्ट पार्टीका नेताहरु सनबहादुर राई, रामकुमार...

खोटाङ, १ पुस । खोटाङमा १६ औं जिल्ला स्तरिय कराते तथा चौथो जिल्ला स्तरीय तेक्वान्दो प्रतियोगिता सम्पन्न भएको छ । जिल्ला स्तरिय कराते प्रतियोगितामा दिक्तेल डोजोले प्रथम र हलेसी कराते डोजोले दोश्रो स्थान प्राप्त गरेको छ । दिक्तेल डोजोले ८ स्वर्ण, ६ रजत र १५ कास्य सहित प्रथम स्थान प्राप्त गरेको हो । यस्तै, ३ स्वर्ण, ५ रजत र ७ कास्य सहित हलेसी कराते डोजो दोश्रो स्थान प्राप्त गरेको हो । जिल्ला स्तरिय तेक्वान्दो प्रतियोगितामा खोटाङ तेक्वान्दो डोजाङ प्रथम, बाक्सिला तेक्वान्दो डोजाङ दोश्रो र ऐसेलुखर्क तेक्वान्दो डोजाङ तेश्रो भएको छ । ८ स्वर्ण, १० रजत र १५ कास्य सहित खोटाङ तेक्वान्दो डोजाङले प्रथम, २ स्वर्ण, १ रजत र ३ कास्य सहित बाक्सिला तेक्वान्दो डोजाङले दोश्रो र २ स्वर्ण, १ रजत र २ कास्य सहित ऐसेलुखर्क तेक्वान्दो डोजाङले तेश्रो स्थान प्राप्त गरेको हो । दिक्तेल रुपाकोट मझुवागढी नगरपालिकाको आयोजन...

खोटाङ, २८ मंसिर । आउँदो निर्वाचनका लागि उम्मेदवार सिफारिसमा पुराना दलभन्दा नयाँ दल अगाडि देखिएका छन् । खोटाङमा पुरानो पार्टीहरु चुपचाप बसिरहेकोबेला नयाँ पार्टीले भने धमाधम उम्मेदवार सिफारिस गर्न थालेका छन् । आगामी फागुन २१ गतेका लागि तोकिएको प्रतिनिधिसभा निर्वाचनका लागि हर्क साम्पाङ नेतृत्वको श्रम संस्कृति पार्टीले खोटाङमा स्वयं हर्क साम्पाङलाई उम्मेदवार बनाउने घोषणा गरेको छ । मंसिर २७ गते दिक्तेलमा आयोजित सभामा श्रम संस्कृति पार्टीका केन्द्रीय उपाध्यक्ष देवराज लामाले खोटाङ र सुनसरीबाट हर्क साम्पाङलाई उम्मेदवारको रुपमा सिफारिस गर्ने घोषणा गरेका हुन् । जेनजी आन्दोलनपछि खुलेको राष्ट्रिय परिवर्तन पार्टीले पनि २५ वर्षे युवा मिरेस राईलाई उम्मेदवार सिफारिस गरिसकेको छ ।...

खोटाङ, २७ मंसिर । खोटाङका दलित समुदायले श्रीमद भागवत सप्ताह ज्ञान महायज्ञ आयोजना गरेको छ । सदियौंदेखि समाजमा जातीय विभेद खेप्दै आएका हिङमाङ समुदायले सहयोग उठाएर महायज्ञ आयोजना गरेको हो । हिङमाङ एकता समाज खोटाङले कौशिक गोत्रीय हिङमाङ बन्धुहरुको उद्धार तथा पुर्वज पितृको सम्झना गर्दै महायज्ञ गरेको जनाएको छ । यसलाई खोटाङमै पहिलोपल्ट दलित समुदायले आयोजना गरेको महायज्ञ मानिएको छ । मंसिर २७ गते समापन गरिएको महायज्ञ मंसिर २१ गते कोशी प्रदेशका सामाजिक विकास मन्त्री पाँचकर्ण राईले उद्घाटन गरेका थिए । हालसम्म जातीय विभेद खेप्दैआएका दलित समुदायको मनोवल उच्च बनाउनका लागि महायज्ञ आयोजना गरिएको हिङमाङ एकता समाज खोटाङका सहसचिव दिनेश हिङमाङले बताए ।...

खोटाङ, २४ मंसिर । खोटाङको दिप्रुङ चुइचुम्मा गाउँपालिकामा सञ्चालित अजम्बरी साना किसान कृषि सहकारी संस्थाले २४ लाख बढी ऋण लगानी गरेको छ । स्थापनाको वर्ष दिनमै कुल पुँजी २५ लाख २८ हजार ७९९ रुपैयाँ पुर्‍याएको कृषि सहकारी संस्थाले २४ लाख १० हजार २५० रुपैयाँ ऋण लगानी गरेको हो । सहकारीको प्रारम्भिक साधारणसभामा लेखा संयोजक खगेन्द्र राईले शेयरवापत ६ लाख ३ हजार, जगेडा कोषमा ५ हजार ९०३, सम्पूर्ण बचतमा १८ लाख ५६ हजार ७०७, अन्य दायित्वमा ५ हजार ६५० र आम्दानी ५६ हजार ५३९ रुपैयाँ भएको जानकारी दिएका छन् । सहकारीसँग हाल १ लाख १८ हजार ५४९ रुपैयाँ बाँकी रकम रहेको छ । बाँकी रकमबाट विभिन्न शिर्षकमा खर्च भएको लेखा संयोजक राईले जानकारी दिए । २०८१ पुस ४ गते सागर तामाङको अध्यक्षतामा गठन गरिएको सहकारीको कार्यक्षेत्र गाउँपालिकाबा सबै वडामा रहेको छ । साधारणसभाले तामाङ अध्यक्ष रहेको पुरानो समितिलाई यथावत राख्दै भ...

काठमाडौं, २१ मंसिर । गीतकार श्रीराम राईको ‘छैन क्यारे मेरो लागि दुख्ने मुटु पनि’ बोलको गीत सार्वजनिक भएको छ । खोटाङ घर भइ हाल काठमाडौंमा संघर्षरत राईको गीतको अडियो ओसियन म्यूजिक नेपालको युट्युब च्यानलबाट सार्वजनिक गरिएको हो । सो गीतमा गायिका पेमा शेर्पा राईको स्वर र संगीतकार ओमप्रकाश राईको संगीत रहेको छ । गीतको एरेञ्ज सन्तोष प्रगाढ राई, इडिट वीरेन्द्र भाट, विपिन र मिक्सिङ गोविन्द सोनीले गरेका छन् । गीतमा मायाँले पारेको चोट र टाढिए पनि ‘फूल जस्तै हाँसीखुसी रहनु’ भन्ने आत्मीय भाव प्रस्तुत गरिएको गीतकार राईले बताए । गीतकार राईको यो तेस्रो गीत हो । यसअघि राईका दुई गीत वटा बजारमा आइसकेको छ । २०७५ सालमा शिला खनालको स्वरमा ‘मधुमासमै मिठो साथ छुटेपछि रोएँ’ र २०७९ सालमा मनमा बी राईको स्वरमा ‘सञ्चो छौ बिसञ्चो’ बोलको गीत रेकर्ड भएको थियो । ‘सञ्चो छौ बिसञ्चो’लाई २०८१ सालमा नवराज पराजुलीले पनि गाएका ...

खोटाङ, २० मंसिर । खोटाङको हलेसी तुवाचुङ नगरपालिकाले शिक्षकलाई स्थानीय भत्ता दिने निर्णय गरेको छ । शिक्षक तथा कर्मचारीको लागि नेपाल सरकारको कार्यक्रम कार्यान्वयन कार्यविधि पुस्तिका अनुसार नगरपालिकाले चालु आर्थिक वर्षदेखि शिक्षकलाई स्थानीय भत्ता दिने निर्णय गरेको हो । मंसिर २० गतेको कार्यपालिका बैठकबाट स्थायी, स्वीकृत दरबन्दीमा कार्यरत अस्थायी/करार र प्राविधिक धारमा कार्यरत प्रशिक्षक तथा सहायक प्रशिक्षकलाई स्थानीय भत्ता दिने निर्णय गरिएको हलेसी तुवाचुङ नगरपालिकाका मेयर बिमला राईले बताईन् । (विस्तृत समाचार Views Of Nepal को पेजमा उपलव्ध छ ।) ...