मुख्य खबर

खोटाङ, १० साउन । बाँसजन्य उद्योग स्थापनाको सन्दर्भमा सरकारसँग छलफल गर्नका लागि खोटाङको दिक्तेल रुपाकोट मझुवागढी नगरपालिकाले वार्ता टोली गठन गरेको छ । बाँसलाई प्रयोग गरेर आर्थिक आम्दानी लिने नीति निर्माणकालागि दवाव सिर्जना गर्न मेयर तीर्थराज भट्टराई हड्तालमा उत्रिएपछि वन तथा वातावरण मन्त्रालयको आव्हानमा वार्ता टोली गठन गरिएको हो । साउन १० गतेको नगर कार्यपालिकाको बैठकले उपमेयर एवं कार्यवाहक मेयर बिसन राईको संयोजकत्वमा सात सदस्यीय वार्ता टोली गठन गरेको हो । वार्ता टोलीको सदस्यमा पुर्व वन सचिव डा. अन्नपूर्ण दास, वडाध्यक्ष दिनेश घिमिरे, दानबहादुर राई, दिनेश राई, बाँसविज्ञ प्रणव प्रधान र एकजना कानूनविज्ञलाई चयन गरिएको छ । मन्त्रालयले छलफलका लागि साउन ८ गते पत्र पठाएपछि नगरपालिकाले वार्ता टोली गठन गरेको हो । मेयर हड्तालमा बसेको बेला सरकारसँग वार्ता गर्नेगरी वार्ता टोली गठन गरिएको कार्यवाहक मेयर...

खोटाङ, ९ साउन । खोटाङमा कुटपिटबाट एक युवा घाइते भएका छन् । दिक्तेल रुपाकोट मझुवागढी नगरपालिका–१० पाथेकाका ६८ वर्षीय हजुरमणि राईको कुटपिटबाट सोही ठाउँका १९ वर्षीय राजन राई घाईते भएका हुन् । सामान्य विवाद हुँदा हजुरमणिले साउन ८ गते राजनलाई कुटपिट गरेर घाइते बनाएको जिल्ला प्रहरी कार्यालय खोटाङले जनाएको छ । घटनाको विषयमा जानकारी आए लगत्तै अस्थायी प्रहरीचौकी तालखर्कबाट प्रसनि किशोरकुमार हजारी थारुको कमाण्डमा खटिएको प्रहरीको टोलीले हजुरमणिलाई साउन ९ गते नियन्त्रणमा लिएको छ । प्रहरीका अनुसार कुटपिटबाट राजनको अनुहार तथा टाउकोमा चोट लागेको र बोल्न नसक्ने अवस्थामा जिल्ला अस्पताल दिक्तेल पुर्‍याइएको थियो । जिल्ला अस्पतालमा उपचारपछि राजनलाई सुविधा सम्पन्न अस्पताल रेफर गरिएको प्रहरीले जानकारी दिएको छ ।...

खोटाङ, ९ साउन । खोटाङको साकेला गाउँपालिकाले पहिरोले क्षतीग्रस्त सडक मर्मत गरेर सञ्चालनमा ल्याएको छ । गाउँपालिकाले ग्याबिन जाली पहिरोले बगाएपछि अवरुद्ध बनेको बाँझेच्यानडाँडा–रतन्छा–मानेभञ्ज्याङ सडक मर्मत गरेर पुःन सञ्चालनमा ल्याएको हो । बाँझेच्यानडाँडा–रतन्छा–मानेभन्ज्याङ सडकको रुपुवा खोला नजिक लगाईएको ग्याविन जाली गत साउन ६ गते राती पहिरोले बगाएको थियो । गाउँपालिकाको ‘आकस्मिक पूर्वाधार सेवा’ अन्तगत साउन ८ गते गाउँपालिका अध्यक्ष रबिप्रकाश राई नेतृत्वको टोलीले सो सडक मर्मत गरेर सञ्चालनमा ल्याएको हो । (विस्तृत समाचार Views Of Nepal को पेजमा उपलव्ध छ ।) ...

खोटाङ, ६ साउन । नेपाल विद्यार्थी संघ, जिल्ला समिति खोटाङको अगुवाईमा दिक्तेल बहुमुखी क्याम्पस जाने बाटो मर्मत गरिएको छ । बीपी कोईरालाको ४३ औं स्मृति दिवसको अवसर पारेर नेबिसंघको नेतृत्वमा साउन ६ गते दिक्तेल बहुमुखकी क्याम्पस परिषर आसपासको बाटो मर्मत गरिएको हो । क्याम्पसको गेट नजिकै श्रमदानमार्फत बाटो मर्मत गरिएको नेपाल विद्यार्थी संघ, जिल्ला समिति खोटाङका सभापति मोतीचन्द्र राईले बताए । श्रमदानमा क्याम्पसका प्राध्यपक तथा अन्य विद्यार्थी संगठनका नेता तथा कार्यकर्ताको पनि सहभागीता रहेको थियो । बीपी स्मृति दिवसकै अवसरमा साँझ त्रिबेणीचोकमा दिप प्रज्वलन गर्ने नेबिसंघले जनाएको छ । बीपी स्मृति दिवसको दिन जिल्लामा कांग्रेस चुपचाप बसेको अवस्थामा नेविसंघले गतिविधि देखाएको हो ।...

खोटाङ, ६ साउन । वर्षाका कारण घर भत्किएपछि खोटाङको दिप्रुङ चुइचुम्मा गाउँपालिका–५ सछितापोखरी वातिखुमका रामकुमार राईको परिवार विस्थापित भएका छन् । वर्षाका कारण बस्नै नमिल्नेगरि घर भत्किएपछि राई परिवार विस्थापित भएका हुन् । घर भत्किएपछि रामकुमार श्रीमती र एक छोरीसहित छिमेकी धनबहादुर राईको आश्रयमा बसिरहेको स्थानीय युवा नेता हरि थापा ‘उमेश’ले जानकारी दिए । मुनिबाट चर भासिँदैगएपछि घरको तल्लोपट्टीको गारो भत्किएको हो । वर्षाका कारण केही दिनअघि घरको चर दबिएको थियो । साउन ५ गते दिउँसो भने घरको गारो ढलेर क्षतीग्रस्त बनेको थापाले बताए ।...

काठमाडौं, ३ साउन । नयाँ हास्य शृंखला ‘गावैं रमाइलो’लाई पछिल्लो समय दर्शकले निकै रुचाएका छन् । सात हप्ता अघिको बिहिबारदेखि सुरु भएको सो सिरियल सातौं भागसम्म आउदा धेरै दर्शकले मन पराउन थालेका हुन् । हरेक बिहीबार साँझ आउने उक्त सिरियल हेर्नेको ग्राफ बढ्दै गइरहेको निर्देशक नेत्र राउतले बताए । सातौं भागमा ट्विस्ट आएपछि दर्शकहरुलाई आठौं भाग कस्तो होला भनेर प्रतिक्षा गर्न उत्साहित बनाएको छ । सातौं भागमा भर्खरै जेलबाट छुटेका सुवास घिसिङ ‘सुनपहेंले’सँग नवीना सिलवाल ‘खुइली’ बिहे गर्न राजी हुन्छिन् । तर, जब खुइलीको साथीको भूमिकामा पत्रकारको इन्ट्रि हुन्छ । त्यसपछि बिहेको लागि तयार भएको खुइलीलाई धोका दिन्छिन् । ‘सुनपहेंले’ खराब हुन् भन्दै खुइलीलाई भड्काउछन् । लास्टमा पत्रकारले नै ‘सुनपहेंले’सँग बिहे गर्छिन् । अनि तनावमा हुन्छिन् खुइली । यो सिरियल सामाजिक कथा तथा राजनीतिक विषयवस्तुमाथि तीखो व्यंग्य ग...

खोटाङ, ३१ असार । खोटाङको दिक्तेल रुपाकोट मझुवागढी नगरपालिकाले विद्यालयमा एआई सम्वन्धी पाठ्यक्रम कार्यान्वयन गर्ने योजना बनाएको छ । १५ वडा रहेको नगरपालिकाले २०८३ सालदेखि प्राथमिक तहबाटै एआई सम्वन्धी पाठ्यक्रम कार्यान्वयन गर्ने लक्ष्य लिएको हो । २०८२ सालभित्र विद्यालयमा एआई तथा आइसिटी बेस्ड लर्निङ, वैज्ञानिक खोज तथा अनुसन्धानमा आधारित प्रोग्रेसिभ एजुकोसनको अभ्यास गर्ने र २०८३ सालमा ‘एक वडा एक रोबोटिक्स तथा एआई ल्याव’ स्थापना सँगै एआई सम्वन्धी पाठ्यक्रम कार्यान्वयन लक्ष्य तय गरेको हो । रोबोटिक्स, एआई तथा इन्जिनियरिङ परामर्श सेवामा प्राविधिक सहकार्यकालागि नगरपालिका र त्रिभुवन विश्वविद्यालय, इन्जिनियरिङ अध्ययन संस्थान, थापाथली क्याम्पसबीच गत असार १२ गते समझदारी कायम गरिसकिएको छ । नगरपालिकाले असार २१ गते आयोजना गरेको वृहत शैक्षिक सम्मेलनले पनि सो समझदारी अनुसार २०८३ सालमा रोबोटिक्स तथा एआई ल्...

खोटाङ, ३१ असार । खोटाङका सिडियो नरहरि घिमिरेको सरुवा भएको छ । गृह–मन्त्रालयले हाल प्रमुख जिल्ला अधिकारीकोरुपमा कार्यरत घिमिरेको सरुवा गर्दै सह–सचिव कल्पना श्रेष्ठलाई नयाँ प्रमुख जिल्ला अधिकारीको रुपमा खटाउने निर्णय गरेको छ । मन्त्रालयले असार ३१ गते घिमिरेलाई अध्यगमन कार्यालय, त्रिभुवन अन्तर्राष्ट्रिय विमान विमानस्थलमा सरुवा गर्ने निर्णय गरेको छ । गृह–मन्त्रालयमै कार्यरत सह–सचिव श्रेष्ठलाई नयाँ प्रमुख जिल्ला अधिकारीकोरुपमा खोटाङ पठाउने निर्णय गरिएको मन्त्रालयले जनाएको छ । अख्तियार दुरुपयोग अनुसन्धान आयोगको कार्यालयमा कार्यरत रहेको अवस्थामा घिमिरे खोटाङको प्रमुख जिल्ला अधिकारीकोरुपमा खटाइएका थिए ।...

काठमाडौं, २९ असार । गायक दिलिप तामाङको ‘क्या मिठो बोली मैच्याङ्ग’ बोलको गीतको म्युजिक भिडियो सार्वजनिक गरिएको छ । खोटाङको दिक्तेल स्थायी घर भई हाल बेलायत बस्दै आएका गायक तामाङको अफिसिलय युट्ब च्यानलमार्फत गीत तथा म्युजिक भिडियो सार्वजनिक गरिएको हो । स्टेजमा आफ्नो सांगीतिक प्रस्तुती दिँदैआएका तामाङ ‘क्या मिठो बोली मैच्याङ्ग’मार्फत औपचारिकरुपमा नेपाली संगीत जगतमा प्रवेश गरेका छन् । प्रवासबाट औपचारिकरुपमा संगीतमा ‘डेव्यु’ गरेका तामाङलार्ई गायिका लिला गोम्देनले साथ दिएकी छिन् । श्रुतीमा श्रेष्ठ तामाङको प्रस्तुति रहेको गीतमा डिल्लीराम राईको शब्द र आशुसेन लामाको संगीत रहेको छ । सेलो विटमा रहेको गीतले नेपाली संगीतको परम्परागत मिठासलाई आधुनिक शैलीमा प्रस्तुत गरिएको गायक तामाङले बताए । ‘क्या मिठो बोली मैच्याङ्ग’ को म्युजिक भिडियोमा मोडल डोना थापा र याङजी दोङलगायतले अभिनय गरेका छन् । भिडियोले गीतक...

खोटाङ, २८ असार । खोटाङको जन्तेढुंगा गाउँपालिकाले करिब ६ हजार केजी आलु उत्पादन गरेको छ । आलु खेती प्रवद्र्धन अन्तरगत कोशी प्रदेश सरकारको उद्योग, कृषि तथा सहकारी मन्त्रालयले आर्थिक वर्ष २०८१/०८२ मा उपलव्ध गराएको सशर्त बजेटबाट गाउँपालिकाले अनुमानित ६ हजार केजी आलु फलाएको हो । जन्तेढुंगा गाउँपालिका–४ डम्बर्खुशिवालयको भञ्ज्याङखर्कमा गत फागुनमा करिब ६१ रोपनी सार्वजनिक जग्गामा आलु खेती लगाइएको थियो । गत असार १२ गतेदेखि असार २७ गतेसम्म लगाएर आलु खनिएको गाउँपालिकाका सूचना अधिकारी प्रवेश निरौलाले बताए । उत्पादित आलुलाई गाउँपालिकाले चिसापानीबजारमा निर्माण गरेको कोसेली घरमा भण्डार गरिएको छ । कोसेलीघरबाटै प्रतिकेजी ५५ रुपैयाँका दरले आलु बिक्री भइरहेको जन्तेढुंगा गाउँपालिकाका उपाध्यक्ष खेम खड्काले बताए । कृषि शाखाबाट कुपन लिएर कुपनको आधारमा आलु किन्ने व्यवस्था मिलाइएको छ । हालसम्म १ हजार १०६ केजी आलु ...