मुख्य खबर

खोटाङ, ४ बैसाख । खोटाङको केपिलासगढी गाउँपालिका–१ फेदीस्थित चिलिम लाहुरे सामुदायीक वनमा पुःन रेडपाण्डा देखिएको छ । यसअघि पनि रेडपाण्डा देखिएको चिलिम लाहुरे सामुदायीक वनमा बैसाख २ गते पुःन रेडपाण्डा भेटिएको हो । रेडपाण्डा नेटवर्कको आर्थिक सहयोगमा जनकल्याण समाज नेपाल खोटाङद्धारा सञ्चालित पुर्वी नेपालमा समुदायमा आधारित रेडपाण्डा (हाब्रे) संरक्षण परियोजना अन्तरगत समेटिएको सामुदायीक वनमा स्थानीय मनोज राईले रेडपाण्डा भेट्टाएका हुन् । राई रेडपाण्डाको तस्बीर र भिडियो कैंद गर्न सफल भएका छन् । जनकल्याण समाजका कार्यक्रम अधिकृत तेजबिनोद पोखरेलका अनुसार रेडपाण्डाको संरक्षणका लागि चिलिम लाहुरे सामुदायीक वनमा चिलिम–लाहुरे रेडपाण्डा ब्लक बनाइएको छ । परियोजनाले सो ब्लकमा धनकुमार राई र कुमारजङ राईलाई हेरालुको रुपमा राखेको छ । गत वर्ष सर्भेक्षणका क्रममा पनि रेडपाण्डा देखिएको जनकल्याण समाज नेपाल खोटाङका अध्...

लोकनाथ घिमिरे काठमाडौं, २९ चैत । यस वर्षको प्रजातन्त्र दिवसको पूर्वसन्ध्यामा पूर्वराजा ज्ञानेन्द्र शाहले देशवासीका नाममा एक सन्देश जारी गर्दै राष्ट्र जोगाउने हो भने आफूलाई साथ दिन सबैलाई आह्वान गरे । उनले जारी गरेको संदेशमा देश र राष्ट्रका खातिर हाम्रो समर्पण निष्ठा सधैँ रहरिहने, राष्ट्रको रक्षाका निम्ति सबैको अनुशासन र इमानदार प्रयत्न हुनु पर्ने उल्लेख थियो । उनले आफूले पहिले पनि राष्ट्रिय समस्या सुल्झियोस् भन्ने उद्देश्यले त्याग गर्नु परेको उल्लेख गरेका थिए । उनको संदेशमा नेपालको उन्नतिको लागि हामीबाट अरु के–के त्याग गर्नुपर्ने हो आफू तयार रहेको भनी एउटा भिडियो सन्देशमा भनेका थिए । ‘अब समय आयो, राष्ट्र जोगाउने हो भने, राष्ट्रिय एकता कामय राख्ने हो भने, देशको समृद्धि र उन्नतिका निमित्त हामीलाई साथ दिन सबै देशबासीलाई साथ दिन आह्वान गर्दछौँ।’ ‘हाम्रो यो नेपाल देशभक्त पूर्खाहरूले फलाएको र...

काठमाडौं, २६ चैत । गायीका मेनुका राईको स्वरमा ‘हेलो हाई नमस्कार’ बोलको गीत सार्वजनिक गरिएको छ । गीतकार चन्द्रजयपाल राईको शब्द तथा डि आर अटुको संगीत रहेको डान्सिङ गीत सार्वजनिक गरिएको हो । यु–टुवमार्फत सार्वजनिक गरिएको म्युजिक भिडियोमा मायाँ र प्रेमका भावहरुलाई समेटिएको छ । ज्ञानेन्द्र शर्मा हुमागाईँको छायाँकन, राकेश दाहालको सम्पादन तथा जसबहादुर याक्खाको निर्देशन रहेको गीतमा पुनम श्रेष्ठको कोरियोग्राफी रहेको छ । गीतमा सोनम तामाङ र सन्जना गुरुङको फिचरिङ रहेको छ । भिडियो-...

खोटाङ, २३ चैत । खोटाङको दिक्तेल रुपाकोट मझुवागढी नगरपालिकाले गठन गरेको शैक्षिक सुधार कार्यदलले आफ्नो प्रतिबेदन बुझाएको छ । २०८० माघ १८ गतेको नगर कार्यपालिका बैठकबाट शैक्षिक अभियान्ता सुर्य राईको संयोजकत्वमा गठन गरिएको कार्यदलले १२६ पृष्ठको प्रतिबेदन बुझाएको हो । चैत २१ गते दिक्तेल रुपाकोट मझुवागढी नगरपालिकाका मेयर तीर्थराज भट्टराईलाई प्रतिबेदन बुझाइएको कार्यदलका संयोजक सुर्य राईले बताए । भिडियो-...

खोटाङ, २३ चैत । बाईक दुर्घटनामा गम्भीर घाइते भएका युवाको उपचारका लागि १२ लाखभन्दा बढी सहयोग संकलन गरिएको छ । खोटाङको खोटेहाङ गाउँपालिका–९ लिच्कीराम्चे कालापानी घर भइ हाल मोरङ सुन्दरहरैंचा–१ बस्दै आएका विकास कार्कीको उपचारका लागि २१२ जनाबाट १२ लाख ३४ हजार ३६९ रुपैयाँ सहयोग जुटाइएको हो । हाल दोहा, कतारमा रहेका अभियान्ता दिलीप श्रेष्ठ र नेपालमै रहेका भूपिन अधिकारीको पहलमा घाइते कार्कीको उपचारका लागि सहयोग जुटाइएको हो । कार्की गत फागुन २९ गते गच्छाको पुलबाट बाईकसँगै खसेका थिए । उनको विराट मेडिकल कलेज टिचिङ अस्पतालमा उपचार भइरहेको छ । दुर्घटनामा घाइतेको कलेको फुटेको, दायाँ पाटो खुस्किएको, दायाँ मिर्गौला फेल भएको, कम्मरको हाड फुटेको अस्पतालले जनाएको छ । कार्कीको उपचारका लागि घरको आर्थिक अवस्थाले धान्ने अवस्था नभएपछि अभियान्ता श्रेष्ठ र अधिकारीले गत चैत ५ गतेदेखि ‘विकास कार्की बचाऔं’ अभियान सु...

खोटाङ, १९ चैत । खोटाङको दिक्तेल रुपाकोट मझुवागढी नगरपालिकामा मानसिक तथा मनोसामाजिक अपाङ्गता भएका ९६ जनाको उपचार गरिएको छ । कोशी प्रदेश, नगरपालिका र करुणा फाउण्डेसनको त्रि–पक्षीय लागत साझेदारीमा सञ्चालित अपाङ्गता रोकथाम तथा पुनःस्र्थापना कार्यक्रम अन्तर्गत चैत १७ गतेदेखि चैत १९ गतेसम्म सञ्चालन गरिएको शिविरमार्फत मानसिक तथा मनोसामाजिक अपाङ्गता भएका स्थानीयको उपचार गरिएको हो । जिल्ला आयुर्वेद स्वास्थ्य केन्द्र्र दिक्तेलमा आयोजना गरिएको तीन दिने शिबिरमा मेडिसिटि अस्पताल काठमाडौंमा कार्यरत डा. ऋचा अमात्य र कान्तीबाल अस्पतालमा कार्यरत डा. दिनुजा खड्काले मानसिक तथा मनोसामाजिक अपाङ्गता भएका व्यक्तीको उपचार गरेका थिए । शिबिरका लागि राष्ट्रिय स्वास्थ्य कोष, समाज कल्याण परिषदबाट औषधि प्राप्त भएको नगरपालिकाका महिला विकास शाखाका निर्मला रिजालले बताईन् ।...

खोटाङ, १९ चैत । खोटाङको दिक्तेल इंलिस सेकेण्डरी बोर्डिङ स्कुललाई अन्तर्राष्ट्रिय गुणस्तर प्रमाणित विद्यालय बनाउने कार्यक्रम सुरु गरिएको छ । गुणस्तरिय तथा संस्कार सहितको शिक्षा प्रदान गर्ने लक्ष्यका साथ ग्लोबल क्वालिटी काउन्सिलको समन्वयमा दिक्तेल इंलिस बोर्डिङ स्कुललाई अन्तर्राष्ट्रिय गुणस्तर प्रमाणित विद्यालय बनाउने कार्यक्रम सुरु गरिएको हो । स्कुललाई वर्ष दिनभित्र ‘आइएसओ’को प्रमाण–पत्र प्रदान गर्नेगरि चैत १८ गते ग्लोबल क्वालिटी काउन्सिलका प्रतिनिधि सुदिप शर्मा र दिक्तेल इंलिस सेकेण्डरी बोर्डिङ स्कुलका प्रिन्सीपल धनकर्ण श्रेष्ठबीचमा सम्झौता गरिएको छ । अन्तर्राष्ट्रिय गुणस्तर प्राप्तीका लागि दिक्तेल इंलिस सेकेण्डरी बोर्डिङ स्कुलले ५२ वटा सूचक पुरा गर्नेपर्ने ग्लोबल क्वालिटी काउन्सिलका प्रतिनिधि शर्माले बताए । २०४८ सालमा स्थापना गरिएको विद्यालयलाई अन्तर्राष्ट्रिय गुणस्तर प्रमाणित विद्य...

खोटाङ, १९ चैत । खोटाङको दिक्तेलस्थित रणभीम गण मुढे व्यारेकमा स्वास्थ्य सम्वन्धी जनचेतनामुलक कक्षा, स्वास्थ्य परामर्श तथा स्वास्थ्य परीक्षण कार्यक्रम सञ्चालन गरिएको छ । व्यारेकमा कार्यरत सैनिक, भुपु सैनिक तथा अवकाश प्राप्त सैनिकका परिवारलाई लक्षित गर्दै नेपाली सेनाले चैत १९ गते स्वास्थ्य सम्वन्धी जनचेतनामुलक कक्षा, स्वास्थ्य परामर्श तथा स्वास्थ्य परीक्षण कार्यक्रम सञ्चालन गरेको हो । कार्यक्रममा जनरल मेडिसिन, नाक, कान, घाँटी र अर्थोपेडिकसँग सम्वन्धित बिरामीको स्वास्थ्य जाँच गर्नुका साथै औषधि वितरण गरिएको रणभीम गणले जनाएको छ । स्वास्थ्य सम्वन्धी जनचेतनामुलक कक्षा, स्वास्थ्य परामर्श तथा स्वास्थ्य परीक्षण कार्यक्रमका लागि सैनिक अस्पताल इटहरीबाट डा. अधिकृत सहितको टोली मुढे व्यारेकमा आएका थिए । गणका अनुसार कार्यक्रमबाट ११३ जना लाभान्वित भएका छन् ।...

खोटाङ, १७ चैत । फेसबुकमा गरिएको पोष्टका कारण खोटाङका एक शिक्षक तनावमा परेका छन् । अगाडि बियरको बोत्तल र गिलाससहितको तस्बीर पोष्ट गर्दा केपिलासगढी गाउँपालिका–४ बाक्सिलास्थित पृथ्बी माविका शिक्षक बलबहादुर अधिकारी तनाव झेल्न बाध्य बनेका हुन् । शिक्षक अधिकारीले चैत १६ गते ‘यसो गर्दा पो जनजाति भइन्छ कि ?’ भन्ने स्टाटस सहित अगाडि बियरको बोत्तल र बियर भरिएको गिलास देखिने आफ्नो तस्बीर पोष्ट गरेका थिए । सो स्टाटसप्रति आदिवासी जनजाती संगठनहरुले आपत्ती जनाएपछि अधिकारीले चैत १७ गते पोष्ट डिलेट गरेर माफी नै मागेका छन् । शिक्षक अधिकारीले गत होलीको दिन स्टाफसँग विद्यालयकै क्यान्टिनमा खानपिन गर्नेक्रममा खिचेको तस्बीर पोष्ट गरेका थिए । उनले व्यक्तिगत सम्झनाको लागि भन्दै तस्बीर र स्टाटर पोष्ट गरे पनि जनजाती संगठनले विज्ञाप्ती नै निकालेर विरोध जनाएका छन् । स्टाटसले जनजाती समुदायको संस्कार संस्कृतिलाई होच्...

खोटाङ, १७ चैत । राजावादीको हिंसात्मक आन्दोलनको क्रममा पत्रकार सुरेश रजकको हत्या गरिएको विरोधमा खोटाङका पत्रकारले लगातार दोश्रो दिन हातमा कालोपट्टी बाँधेर काम गरेका छन् । नेपाल पत्रकार महासंघ शाखाको नेतृत्वमा चैत १६ गते नै हातमा कालोपट्टी बाँधेर कर्मक्षेत्रमा खटिएका पत्रकारले दोश्रो दिन पनि कालोपट्टी बाँधेर कामलाई निरन्तरता दिएका हुन् । चैत १७ गते भने केन्द्रीय समितिको निर्देशन अनुसार हातमा कालोपट्टी बाँधेर काम गरिएको नेपाल पत्रकार महासंघ शाखा, खोटाङका अध्यक्ष हरिबोल आचार्यले बताए । आन्दोलनको भिडियो खिचिरहेका पत्रकार रजकलाई एउटा कम्प्लेक्सभित्र थुनेर आगो लगाएर जलाएर हत्या गरिएको भन्दै नेपाल पत्रकार महासंघ शाखाको नेतृत्वमा जिल्लाका पत्रकार बिरोधमा उत्रिएका छन् । चैत १५ गते राजावादी समूहले काठमाडौंमा गरेको आन्दोलनका क्रममा तीनकुनेस्थित एक कम्प्लेक्समा आगजनी गरिएको थियो । त्यही कम्प्लेक्सबाट...