मुख्य खबर

खोटाङ, ११ पुस । खोटाङको केपिलासगढी गाउँपालिकाको कार्यपालिका बैठक ऐतिहासिक स्थल केपिलासगढीमा आयोजना गरिएको छ । गाउँपालिकाको सभाहलमा सञ्चालन हुँदै आएको बैठक यसपटक भने ऐतिहासिक स्थल केपिलासगढीमा आयोजना गरिएको हो । जलवायु परिवर्तनको असर न्यूनिकरण गर्नुपर्ने सांकेतिक अभियान तथा प्रयासको सन्देश प्रवाहका लागि प्रकृतिमा गएर कार्यपालिकाको बैठक सञ्चालन गरिएको हो । कंक्रिट सिमेन्टको बन्द कोठाभित्र सोफाको सट्टा प्रकृतिको काखमा बसेर गाउँपालिकाको बैठक सञ्चालन गरिएको प्रमुख प्रशासकीय अधिकृत सौधन राई (युनिक)ले जानकारी दिए । ऐतिहासिक गढी केपिलासगढी गाउँपालिका–४ मा पर्छ । गाउँपालिकाको नाम नै यही गढीको नामबाट राखिएको हो । तर अधिकांश कार्यपालिका सदस्य हालसम्म केपिलासगढी पुगेका थिएनन् । बैठकको माध्यमबाट कार्यपालिका सदस्यलाई ऐतिहासिक केपिलासगढी भ्रमण पनि गराइएको प्रमुख प्रशासकीय अधिकृत राईले बताए । कार्यपालि...

खोटाङ, ११ पुस । खोटाङको दिक्तेलमा सञ्चालित फेमिली केयर अस्पतालले डेण्टल सेवा थप गर्ने तयारी गरेको छ । अस्पतालको पुस १० गते दिक्तेलमा सम्पन्न १३ औं साधारणसभामा केही समयपछि डेण्टल सेवा थप गर्ने तयारी गरेको अस्पताल सञ्चालक समितिका अध्यक्ष जेपी राईले जानकारी दिए । अस्पतालको डेण्टल दिक्तेल, संगमटोलका पेशल श्रेष्ठको घरमा सञ्चालन गर्ने तयारी गरिएको छ । डेण्टलका लागि आवश्यक उपकरणहरु राखिसकिएको अध्यक्ष राईले बताए । जिल्लावासीलाई आफ्नै गाउँठाउँमा इमरजेन्सी स्वास्थ्य सेवा उपलव्ध गराउने लक्ष्यका साथ काठ्माण्डौं धुम्बाराहीमा रहेको अस्पताललाई २०६७ सालमा दिक्तेल स्थानान्तरण गरिएको हो । फेमिली हेल्थ केयर इन्टरनेशनल एण्ड रिसर्च सेन्टर प्रालिको नामबाट दर्ता भएको अस्पतालले ५० शैयाको स्वीकृति पाए पनि हाल १५ शैयाको वार्ड सञ्चालन गरिरहेको छ । अस्पतालको साधारणसभा रुपाकोट होटलमा आयोजना गरिएको थियो । साधारणसभाम...

खोटाङ, ११ पुस । खोटाङमा भएको जीप दुर्घटनामा गम्भीर घाइते भएका बृद्धको मृत्यु भएको छ । पुस १० गते काठमाडौंबाट खोटाङको केपिलासगढी गाउँपालिका–१ फेदी जाँदै गरेको ना १ ज ७१८१ नम्बरको सुमो पल्टिँदा गम्भीर घाइते भएका फेदीका ७३ वर्षीय दुर्गाप्रसाद राईको मृत्यु भएको हो । केपिलासगढी गाउँपालिकाको एम्बूलेन्समार्फत जिल्ला अस्पताल दिक्तेल पुर्‍याइएका राईको उपचारको क्रममा पुस १० गते राती मृत्यु भएको प्रहरीले जनाएको छ । बेलैमा सुविधा सम्पन्न अस्पताल पुर्‍याउन सकिएको भए घाइतेलाई बचाउन सकिने सम्भावना थियो । एक जना मात्रै यात्रु बोकेको सुमो केपिलासगढी गाउँपालिका–३ बासपानीको राँटीस्थित भदौरेडाँडाबाट तापखोला किनारमा झरेको स्थानीय प्रताप राईले बताए । सडकबाट गुल्टिँदै झरेको सुमो क्षतबिक्षत बनेको छ । घाइतेलाई इलाका प्रहरी कार्यालय बाक्सिला, गाउँपालिकाका जनप्रतिनिधि, कर्मचारी र स्थानीयले उद्धार गरेका थिए । स...

खोटाङ, १० पुस । खोटाङमा सुमो दुर्घटना हुँदा एक गम्भीर घाइते भएका छन् । पुस १० गते काठमाडौंबाट खोटाङको केपिलासगढी गाउँपालिका–१ फेदी जाँदै गरेको ना १ ज ७१८१ नम्बरको सुमो पल्टिँदा फेदीका दुर्गाप्रसाद राई गम्भीर घाइते भएका हुन् । एक जना मात्रै यात्रु बोकेको सुमो केपिलासगढी गाउँपालिका–३ बासपानीको राँटीस्थित भदौरेडाँडाबाट तापखोला किनारमा झरेको स्थानीय प्रताप राईले बताए । गुल्टिँदै करिब पाँच सय मिटर तल झरेको सुमो क्षतबिक्षत बनेको छ । घाइतेलाई प्राथमिक उपचारपछि थप उपचारका लागि जिल्ला अस्पताल दिक्तेल पठाइएको छ । घाइतेलाई ईलाका प्रहरी कार्यालय बाक्सिला, केपिलासगढी गाउँपालिकाका जनप्रतिनिधि, कर्मचारी एबं स्थानीयले उद्धार गरेका थिए । सुमो चालक ऐसेलुखर्क गाउँपालिका–१ राखाबाङ्देलका सत्रुधन राईलाई प्रहरीले नियन्त्रणमा लिएको छ । जिल्ला प्रहरी कार्यालय खोटाङका डिएसपी प्रतिक बिष्टका अनुसार आफै सम्पर...

खोटाङ, ८ पुस । जिल्ला हुलाक कार्यालय खोटाङका निमित्त प्रमुख कुलप्रसाद आचार्य छोरासहित मृत फेला परेका छन् । खोटाङको दिक्तेल रुपाकोट मझुवागढी नगरपालिका–१ दिक्तेल निवासी ५६ वर्षीय आचार्य र उनका कान्छो छोरा २२ वर्षका प्रविण आचार्य भक्तपुरको सुर्यबिनायक नगरपालिका–२ बालकोटमा कोठामा मृत फेला परेका हुन् । आचार्य खोटाङबाट केही दिनअघि मात्रै जेठो छोरो मिलन आचार्य र कान्छो छोरो प्रविण बसिरहेको बालकोट पुगेका थिए । पुस ८ गते बिहान बाहिरबाट चाँबी लगाएको कोठाभित्र बाबु छोरा हत्या गरेको अवस्थामा मृत फेला परेको प्रहरीले जनाएको छ । बाबुछोराको मृत्युको अपुष्ट खबर आएको खोटाङका प्रमुख जिल्ला अधिकारी शिवकुमार कार्कीले बताए । आफन्तहरुले भने आचार्य बाबुछोराको मृत्यु भएको पुष्टी गरेका छन् । बाबु छोराको शरीरमा चोट देखिएको छ । सँगै बसिरहेका जेठो छोरो भने सम्पर्क बिहिन छन् ।...

खोटाङ, ६ पुस । खोटाङमा अपाङ्गता रोकथाम तथा पुनःस्थापना कार्यक्रम सञ्चालन प्रक्रिया विषयक अन्तरक्रिया गरिएको छ । कोशी प्रदेश अन्तरगत सामाजिक विकास मन्त्रालय, स्थानीय तह र करुणा फाउण्डेशन नेपालको साझेदारीमा सञ्चालन भइरहेको अपाङ्गता रोकथाम तथा पुनःस्थापना कार्यक्रमका बारेमा अन्तरक्रिया गरिएको हो । खोटाङ र उदयपुरका सबै स्थानीय तहका उपप्रमुख र महिला शाखा प्रमुखहरुसँग हलेसीमा पुस ६ गते अन्तरक्रिया गरिएको हो । सामाजिक विकास मन्त्री पाँचकर्ण राई (पिके)को प्रमुख आतिथ्यता तथा सामाजिक विकास मन्त्रालयको महाशाखाकी प्रमुख दुर्गा भण्डारी बरालको अध्यक्षतामा कार्यक्रम गरिएको हो । कार्यक्रममा करुणा फाउण्डेसनको संयुक्त जिल्ला कार्यलयको संयोजक मनोज पौडेलले जन्मजात हुने अपाङ्गता रोकथाम गर्न अपाङ्गता भएको व्यक्तिसहितको समावेशी समाज निर्माण गर्न करुणा फाउण्डेसनले विभिन्न कार्यक्रमहरु गरिरहेको जानकारी दिए । सा...

खोटाङ, ६ पुस । खोटाङको दिक्तेल रुपाकोट मझुवागढी नगरपालिकाले आगामी शैक्षिक–सत्रलाई शैक्षिक जागरण वर्षको रूपमा मनाउने तयारी थालेको छ । शैक्षिक जागरण वर्षको पुर्व तयारीमा नगरपालिकाले काठमाडौंमा पुगेर शैक्षिक क्षेत्रमा कार्यरत विज्ञहरुबाट सुझाव संकलन गरेको छ । शैक्षिक जागरण वर्षलाई थप प्रभावकारी बनाउन पुस ६ गते नयाँ बानेश्वरमा शैक्षिक सुझाव अभियान कार्यक्रम गरेको दिक्तेल रुपाकोट मझुवागढी नगरपालिकाका मेयर तीर्थराज भट्टराईले बताए । शैक्षिक जागरण वर्षको खाकालाई परिस्कृत र फलदायी बनाउन विज्ञहरुको सुझाव संकलन गरिएको नगरपालिकाले जनाएको छ । नगरको शैक्षिक सुझाव अभियान कार्यक्रममा मावधप्रसाद अधिकारी, डा. तोयानाथ खनाल, डा. बिष्णु राई, डा. धनप्रसाद सुबेदी, जयकुमार राई, डा. राजकुमार राई, कुमारीकमला राई लगायतको सहभागीता रहेको थियो ।...

खोटाङ, ५ पुस । खोटाङको दिक्तेल रुपाकोट मझुवागढी नगरपालिका–५ लफ्याङस्थित श्रीमाबि बाँसबोटेमा जस–मैयाँ किरात राई चाम्लिङ लाफेहँछा अक्षयकोष स्थापना गरिएको छ । स्वर्गीय जसबहादुर राईको स्मृतिमा उनका श्रीमती मैयाँकुमारी राई, छोरी रिनादेबी राई, छोरा सञ्जयकुमार राई र छोरी रबिना राईले १ लाख ११ हजार १११ रुपैयाँ राशीको अक्षयकोष स्थापना गरेका हुन् । भुपु भारतीय सेना जसबहादुरको निधन भएको प्रथम वार्षिक पुण्यतिथिको अवसर पारेर पुस ५ गते श्रीमती मैयाँकुमारी र नाती सौहाद्र राईले अक्षयकोष स्थापनार्थ विद्यालयका अक्षयकोष परिचालक समितिका संयोजक ज्ञानेन्द्र राईलाई नगद हस्तान्तरण गरेका छन् । श्रीमाबिमा अध्ययन गर्ने दलित तथा अभिभावकबिहिन छात्र÷छात्रालाई वार्षिक रुपमा आउने व्याजबाट छात्रबृत्ति दिनेगरि बुवाआमाको नाममा अक्षयकोष स्थापना गरेको संस्थापक सन्जयकुमार राईले बताए । २०१६ साल साउन १६ गते जन्मिएका राईको २०८० प...

खोटाङ, २ पुस । खोटाङको दिप्रुङ चुइचुम्मा गाउँपालिका–७ टेम्मा र दिक्तेल रुपाकोट मझुवागढी नगरपालिका–५ लफ्याङ जोड्ने तावाखोला दोभानमा पक्की पुल बनाउन डिपिआरको काम सुरु गरिएको छ । दिप्रुङ चुइचुम्मा गाउँपालिकालाई दिक्तेलसँग जोड्ने छोटो दुरीको बाटो खोल्नेगरि तावाखोला दोभानमा पक्की पुल बनाउन डिपिआरको काम सुरु गरिएको हो । तावादोभानबाट दिप्रुङ चुइचुम्मा गाउँपालिकातर्फ र दिक्तेल रुपाकोट मझुवागढी नगरपालिकातर्फ कच्ची सडक बनिसकेको अवस्थामा पक्की पुल बनाउने योजना अघि सारिएको हो । दिप्रुङ चुइचुम्मा गाउँपालिका, दिक्तेल रुपाकोट मझुवागढी नगरपालिका र साकेला गाउँपालिकाको संगमस्थलको रुपमा रहेको तावा दोभानमा हाल झोलुङ्गे पुलबाट वारपार गर्नेगरिएको छ । पुल बनाउनका लागि दिप्रुङ चुइचुम्मा गाउँपालिकाको बजेटबाट डिपिआरको काम थालिएको पहलकर्ता कांग्रेसका युवा नेता नइन्द्र राईले बताए । बिआई इन्जिनियरिङ कन्सल्टेन्सी टोखा...