समाज

खोटाङ, ३० चैत । कोरिया पठाउने वाहनामा ठगी गर्ने गोरखाको गोरखा नगरपालिका–७ का सुजन उपरकोटी विरुद्ध प्रहरीमा जाहेरी परेको छ । भिजिट भिसामा कोरिया पठाउने भन्दै धरानकी अनुसा तामाङलाई एक लाख ठगी गर्ने उपरकोटी विरुद्ध प्रहरीमा जाहेरी परेको हो । भनेको समयमा कोरिया नपठाएपछि पैसा फिर्ता माग्दा ‘दिन्छु–दिन्छु’ भन्दै झुलाएपछि पीडितले उपरकोटी विरुद्ध इलाका प्रहरी कार्यालय धरानमा जाहेरी दिएका हुन् । ठगी गर्ने उपरकोटीलाई पक्राउ गरी आवश्यक कारवाही गर्न र रकम फिर्ता दिलाइदिन माग गर्दै जाहेरी दिइएको अनुशाका बुवा पहलमान तामाङले बताए । खोटाङको बाक्सिला पुर्खौली थलो भएका अनुशाबाट उपरकोटीले कोरिया पठाइदिने भन्दै गत साउनमा एक लाख लिएका थिए । हाल मनमैजु बस्दैआएका उपरकोटीले भिजिट भिषामा महिना दिनभित्र कोरिया पठाउने भन्दै पैसा मागेको तर कोरिया नपठाएको तथा पैसा पनि फिर्ता नदिएको अनुशाले गुनासो गरिन् । कोरिया जान...

योगीन राई  खोटाङ, २५ चैत । खोटाङको दिक्तेल रुपाकोट मझुवागढी नगरपालिका–३ बाम्राङमा तीन महिने सिलाइकटाइ तालिम आयोजना गरिएको छ । उद्यमशीलताको विकासका लागि स्थानीय सिर्जना महिला कल्याण कोषको आयोजनामा सिलाइकटाइ तालिम आयोजना गरिएको हो । गत पुस १५ गते सुरु गरिएको तालिम चैत २४ गते समापन गरिएको छ । व्यवसायीक सीप सिकाएर महिलालाई आर्थिक रुपमा आत्मनिर्भर बनाउने लक्ष्यका साथ आयोजना गरिएको तालिममा १० महिलाको सहभागीता रहेको थियो । बाम्राङकै स्थानीय एवं कांग्रेस नेता राजेन्द्र राई र मंगीता राईको पहलमा जनसुधार युवा उत्थान तथा युकेमा रहेका जयकला राई र हरि राईको प्रायोजनमा सिलाइकटाइ तालिम आयोजना गरिएको हो । तालिममा कान्छी टेलर्स एण्ड ट्रेनिङ सेन्टर, दिक्तेलका नवमती तामाङले प्रशिक्षकको भूमिका निर्वाह गरेकी थिईन् । जनसुधार युवा उत्थानका उपाध्यक्ष शंकर राईको सभापतित्वमा भएको समापन कार्यक्रममा सहभागीलाई बाम्र...

खोटाङ, २१ चैत । गुण्डागर्दीमा संलग्न भएको आरोपमा प्रहरीले खोटाङका तीन युवालाई काठमाडौंबाट पक्राउ गरेको छ । राजधानीका विभिन्न क्षेत्रमा भएको गुण्डागर्दीमा संलग्न भएको भन्दै प्रहरीले खोटाङका तीन सहित १८ युवालाई पक्राउ गरेको हो । पक्राउ पर्नेमा खोटाङको ऐसेलुखर्क गाउँपालिका–१ राखाबाङ्देलका ‘किमजोङ’ भनिने सुरेश गुरुङ, ऐसेलुखर्क गाउँपालिका–२ बाकाचोलका संजिव राई र केपिलासगढी गाउँपालिका–४ बाक्सिलाका राहुल राई लगायत छन् । प्रहरीले चलाएको ‘अपरेशन सेफ्टी काठमाडौं’ अन्तरगत उनीहरुलाई अपराध अनुसन्धान कार्यालय र प्रहरी परिसर काठमाडौंले चैत २० गते राती पक्राउ गरेको हो । अपराध अनुसन्धान कार्यालयले १३ जना र जिल्ला प्रहरी परिसले ५ जनालाई नियन्त्रणमा लिएको हो । प्रहरीले गुण्डागर्दीमा संलग्नहरूलाई नियन्त्रणमा लिएर अनुसन्धान थालेको जनाएको छ ।...

खोटाङ, १४ चैत । पैसा कमाउनका लागि भारतको हैदरावाद पुगेकाबेला गाडीको ठक्करबाट ज्यान गुमाएका खोटाङका एक युवाको घरबाट खर्च पठाएर दाहसंस्कार गरिएको छ । रोजगारी खोज्दै हैदरावाद पुगेकाबेला गाडीको ठक्करबाट ज्यान गुमाएका खोटेहाङ गाउँपालिका–७ खोटाङबजार भँडारेका २५ वर्षीय तिलक परियारको हैदरावादमै दाहसंस्कार गरिएको हो । रोजगारीका लागि हैदरावाद पुगेको हप्ता दिन नवित्दै गाडीले ठक्कर दिँदा गम्भीर घाइते भएका परियारको चैत ११ गते मृत्यु भएको थियो । घरबाट दुई पटकगरि २८ हजार खर्च पठाएपछि परियारको विद्युतीय शवगृहमा दाहसंस्कार गरिएको स्थानीय अगुवा अमरसिं बस्नेतले बताए । हैदरावादमै रहेका आफन्तहरु भेला भएर १६ हजार भारतीय रुपैयाँ खर्च गरेर परियारको दाहसंस्कार गरेका हुन् । चैत ५ गते हैदरावाद पुगेका तिलक चैत ६ गते गाडीको ठक्करबाट गम्भीर घाइते भएका थिए । गान्धी अस्पताल, सेकन्दरावादमा उपचारका क्रममा तिलकको मृत्यु भ...

खोटाङ, ११ चैत । रोजगारीका लागि भारतको हैदरावाद पुगेका खोटाङका एक युवाले गाडीको ठक्करबाट ज्यान गुमाएका छन् । होटलमा काम गर्नका लागि साथीहरुसँगै हैदरावाद पुगेका खोटेहाङ गाउँपालिका–७ खोटाङबजार भँडारेका २५ वर्षीय तिलक परियारको मृत्यु भएको हो । पैसा कमाउने सपना बोकेर हैदरावाद पुगेको हप्ता दिन नबित्दै परियारले ज्यान गुमाएको स्थानीय अगुवा अमरसिं बस्नेतले बताए । होटलमा काम गर्ने भन्दै तिलक गाउँकै सन्तोष परियार र कृष्ण परियारको साथमा चैत २ गते हैदरावादतर्फ हिँडेका थिए । चैत ५ गते हैदरावाद पुगेका तिलक चैत ६ गते गाडीको ठक्करबाट गम्भीर घाइते भएका थिए । उनलाई सडक पार गर्नेक्रममा गाडीले ठक्कर दिएको थियो । गान्धी अस्पताल, सेकन्दरावादमा उपचारका क्रममा चैत ११ गते बिहान तिलकको मृत्यु भएको हैदरावादमा रहेका आफन्तले जानकारी दिएका छन् । विपन्न आर्थिक अवस्थाका तिलक र सन्तोष निर्वाचन प्रहरीको रुपमा काम गरेर फर्...

खोटाङ, ४ चैत । महिना दिनअघि युकेमा खोटाङको केपिलासगढी गाउँपालिका–२ खार्ताम्छा बालाबेँसीकी मनलक्षी राईको मृत्यु भयो । मनलक्षीको शवलाई युकेबाट गाउँमा लैजाने र सदगद गर्ने पारिवारिक योजना बन्यो । चैत ३ गते शवलाई काठमाडौं ल्याइयो र चैत ४ गते हेलीकोप्टरमार्फत गाउँ लैजाने तयारी गरिए तर हेलीकोप्टरमा कफन बक्स अटेन । चार्टर गरिएको हेलीकोप्टरमा नअटेको कफनलाई एम्बूलेन्समार्फत गाउँ पुर्‍याउने व्यवस्था मिलाइयो । त्यसपछि मृतक परिवार सहित पाँच जनाको टोली हेलीकोप्टरमा चढे । शवलाई काठमाडौंमै छाडेर उँडेको तिनै एयर डाइनेष्टि हेलीकोप्टर बिहान ११ बजेर ५१ मिनेटमा बालाबेँसीमा दुर्घटनामा परेको छ । हेलीकोप्टरमा सवार मनलक्षीका श्रीमान डाकमणी राई, छोरा बालकुमार राई, छोरी लक्ष्मी राई र आफन्त समला राई सशुकल रहेको खार्ताम्छाका वडाध्यक्ष मिलन राईले बताए । पाइलट सविन थापा पनि सकुशल छन् । डाकमणी पुर्व यूके लाहुरे हुन् । ...

खोटाङ, २६ फागुन । गोरखाको गोरखा नगरपालिका–७ का सुजन उपरकोटीले कोरिया पठाउने वाहनामा एक लाख ठगी गरेका छन् । धार्मिक सेमीनारकालागि भिजिट भिसामा कोरिया पठाउने वाहनामा उपरकोटीले धरान उपमहानगरपालिका–१५ निवासी अनुशा तामाङलाई ठगेका हुन् । खोटाङको केपिलासगढी गाउँपालिका–४ बाक्सिला पुर्खौली थलो भएका अनुशाबाट उपरकोटीले कोरिया पठाइदिने भन्दै गत साउनमा एक लाख लिएका थिए । हाल मनमैजु बस्दैआएका उपरकोटीले भिजिट भिषामा महिना दिनभित्र कोरिया पठाउने भन्दै पैसा मागेको तर कोरिया नपठाएको तथा पैसा पनि फिर्ता नदिएको अनुशाले गुनासो गरिन् । कोरिया जान तत्काल एक लाख जम्मा गर्न भनेपछि अनुशाले ऋण खोजेर उपरकोटीको खातामा क्यूआर गरिदिएकी थिईन् । कोरिया पुग्ने सपनामा अनुशाले उपरकोटीलाई गत साउन १४ गते ५० हजार र साउन १९ गते ५० हजार पठाइदिएको स्टेटमेन्टमा देखिन्छ । अनुशाको खाताबाट साउन १४ गते २५/२५ हजारका दरले दुई पटक र साउन...

खोटाङ, १२ फागुन । खोटाङका चार विद्यार्थी संगठनले छात्रालाई बलात्कार गर्ने शिक्षकलाई कडा कारबाही गर्न माग गरेको छ । नेपाल विद्यार्थी संघ, अनेरास्ववियु, अखिल क्रान्तीकारी र समाजवादी विद्यार्थी यूनियनले फागुन ११ गते जिल्ला प्रशासन कार्यालयमा संयुक्त ज्ञापन–पत्र बुझाउँदै छात्रालाई बलात्कार गर्ने दिक्तेल इंलिस बोर्डिङ स्कुलका शिक्षक टेकबहादुर खत्रीलाई हदैसम्मको कारबाही गर्न माग गरेको हो । सोलुखुम्बु थुलुङ दुधकोसी गाउँपालिका–१ नेले निवासी २४ वर्षीय खत्रीले फागुन ९ गते होमवर्क सिकाइदिने वाहनामा १३ वर्षीय छात्रालाई आफ्नै कोठामा बोलाएर बलात्कार गरेको प्रहरीले जनाएको छ । बलात्कारका घटनाले सम्पूर्ण विद्यार्थी, अविभावक, शिक्षक तथा समाजलाई गहिरो मानसिक आघात पुर्‍याएको उल्लेख गर्दै विद्यार्थी संगठनले पिडितलाई आवश्यक क्षतिपूर्ति सहित शिक्षा, स्वास्थ्य र भौतिक सुरक्षाको माग गरेको छ । विज्ञाप्तीमा पिडकलाई...

खोटाङ, १० फागुन । खोटाङमा छात्रालाई करणी गर्ने शिक्षक पक्राउ परेका छन् । १३ वर्षीय वालिकालाई बलात्कार गर्ने सोलुखुम्बु थुलुङ दुधकोसी गाउँपालिका–१ नेलेका २४ वर्षीय टेकबहादुर खत्री पक्राउ परेका हुन् । शिक्षक खत्रीले फागुन ९ गते होमवर्क सिकाइ दिने बाहनामा छात्रालाई आफ्नै कोठामा बोलाएर जवरजस्ती गरेको प्रहरीले जनाएको छ । आरोपित खत्री दिक्तेल इंलिस बोर्डिङ स्कुलका शिक्षक हुन् । करणीपछि बालिकालाई तीन घण्टासम्म कोठामा थुनेर राखेको पीडित परिवारले बताएका छन् । पिडित बालिका रुँदै कोठामा पुगेपछि मात्रै अभिभावकले घटनाको वारे जानकारी पाएका थिए । घटनाको जानकारीपछि पीडित बालिकाको बुवा र काका पीडकको कोठामा पुगेर प्रहरीको जिम्मा लगाएका हुन् । बालिकाको स्वास्थ्य परीक्षणपछि राती ११ बजे पिडकविरुद्ध जवरजस्ती करणी अन्तरगतको जाहेरी दर्ता भएको जिल्ला प्रहरी कार्यालय खोटाङका डिएसपी प्रकाश बुढाथोकीले बताए । पीडित ब...

खोटाङ, ६ फागुन । खोटाङको साकेला गाउँपालिकाको स्टोर र क्वाटरको रुपमा प्रयोग हुँदैआएको भवनमा आगलागी भएको छ । साकेला गाउँपालिका–४ मात्तिम मानेभञ्ज्याङस्थित सामुदायीक भवनमा आगलागी भएको हो । स्टोर र क्वाटरको रुपमा प्रयोग हुँदैआएको पक्की भवनमा फागुन ६ गते बिहान आगलागी भएको जिल्ला प्रहरी कार्यालय खोटाङका डिएसपी प्रकाश बुढाथोकीले बताए । अढाइ तले सामुदायीक भवनको भुइँतला स्टोर र माथिल्लो तला क्वाटरको रुपमा प्रयोग हुँदैआएको थियो । त्यसमध्ये स्टोरमा आगलागी भएको हो । आगलागीमा स्टोरमा राखिएका प्लाष्टिकका कुर्सी, इन्डक्सन चुल्हो, डष्टबिन लगायतका जिन्सी जलेको गाउँपालिकाका सुचना अधिकारी डिएम चाम्लिङले बताए । (भिडियो समाचार  Views Of Nepal को पेजमा उपलव्ध छ ।) ...