समाचार

काठमाडौं, २३ जेठ । अख्तियार दुरूपयोग अनुसन्धान आयोगले खोटाङका तत्कालीन जिल्ला शिक्षा अधिकारी सहित नौ जनाविरुद्ध भ्रष्टाचार मुद्दा दायर गरेको छ । दिप्रुङ चुईचुम्मा गाउँपालिका–७ टेम्मास्थित कृष्ण उच्च माविको भवन निर्माणका क्रममा अनियमितता गरेको आरोपमा तत्कालीन जिल्ला शिक्षा अधिकारी ज्ञानमणि नेपालसहित ९ जनाविरुद्ध विशेष अदालत काठमाडौंमा मुद्दा दायर गरेको हो । अख्तियारले जिशिअ नेपालसहित जिल्ला शिक्षा कार्यालय खोटाङका तत्कालीन इन्जिनियर बृधन यादव र सब इन्जिनियर शिवराज राई, तत्कालीन लेखा अधिकृत भुवनप्रसाद आचार्य र लेखापाल सुरेशकुमार श्रेष्ठ विरुद्ध जेठ २३ गते मुद्दा दायर गरेको हो । यस्तै, कृष्ण उच्च माविका तत्कालीन प्रधानाध्यापक खेमराज मगर, तत्कालीन विद्यालय व्यवस्थापन समितिका अध्यक्ष टिकाराम राई र हरिनारायण राई तथा विद्यालयको भवन निर्माण गर्ने जयप्रसाद राईलाई विपक्षी बनाएर आरोप–पत्र दायर गरिए...

खोटाङ, २२ जेठ । बिश्व वातावरण दिवसको अवसरमा खोटाङको दिक्तेल इंलिस सेकेण्डरी बोर्डिङ स्कुलमा वातावरणीय शिक्षामुलक सचेतना कार्यक्रम सञ्चालन गरिएको छ । डिभिजन वन कार्यालय र दिक्तेल इंलिस सेकेण्डरी बोर्डिङ स्कुलको सहकार्यमा जेठ २२ गते वातावरणीय शिक्षामुलक सचेतना कार्यक्रम सञ्चालन गरिएको हो । सचेतना कार्यक्रममा बोर्डिङ स्कुलका कक्षा ७, कक्षा ८ र कक्षा ९ का छात्र/छात्रालाई सहभागी गराइएको दिक्तेल इंलिस सेकेण्डरी बोर्डिङ स्कुलका प्रिन्सिपल धनकर्ण श्रेष्ठले बताए । बोर्डिङ स्कुलकै सभाहलमा आयोजना गरिएको कार्यक्रममा डिभिजन वन कार्यालय खोटाङका प्रमुख उदिमप्रसाद राईले सहजीकरण गरेका थिए । ‘प्लाष्टिक प्रदुषण न्यूनीकरणः हाम्रो दायित्व’ भन्ने नारासहित जेठ २२ गते मुलुकभर बिश्व वातावरण दिवस मनाइएको छ । बिश्व वातावरण दिवसको अवसरमा डिभिजन वन कार्यालयले दिक्तेल बहुमुखी क्याम्पस परिषरमा बृक्षारोपण गरेको थियो ...

खोटाङ, २१ जेठ । खोटाङमा मुन्धुम अन्तर्राष्ट्रिय कला संग्रहालय भवन निर्माणका लागि सँस्कृती, पर्यटन तथा नागरिक उड्डयन मन्त्रालयले ३ करोड बजेट प्रदान गर्ने भएको छ । २०८० सालमा दिक्तेलमा आयोजना गरिएको मुन्दुम अन्तर्राष्ट्रिय चित्रकला कार्यशाला तथा प्रदर्शनीका क्रममा बनाइएका चित्रलाई राखेर कला संग्रहालय बनाउनका लागि मन्त्रालयले बजेट उपलव्ध गराउने भएको हो । नगरपालिकाले २०८० असोज १७ गतेदेखि असोज २० गतेसम्म दिक्तेलमा मुन्दुम अन्तर्राष्ट्रिय चित्रकला कार्यशाला तथा प्रदर्शनी आयोजना गरेको थियो । त्यही चित्रकला कार्यशाला तथा प्रदर्शनीमा सहभागी कलाकारले बनाएको तथा अन्य चित्रकारले तयार पारेको क्यानभासलाई समावेश गरेर नगरपालिकाले मुन्धुम अन्तर्राष्ट्रिय कला संग्रहालय निर्माण गर्ने तयारी गरेको हो । (भिडियो समाचार Views Of Nepal को फेसबुक पेजमा उपलव्ध छ ।)...

खोटाङ, २० जेठ । संघीय सरकारले आर्थिक वर्ष २०८२/०८३ का लागि खोटाङका १० स्थानीय तहलाई ३ अर्व ८१ करोड ६० लाख अनुदान हस्तान्तरण गर्नेभएको छ । अर्थ मन्त्रालयबाट जेठ १९ गते सार्वजनिक अन्तरसरकारी वित्तीय हस्तान्तरणको विवरणअनुसार जिल्लाका दुई नगरपालिका र आठ गाउँपालिकालाई चालुतर्फ ३ अर्व ४६ करोड ६९ लाख र पुँजीगतमा ३४ करोड ९१ लाख हस्तान्तरण गर्ने भएको हो । आर्थिक वर्ष २०८२/०८३ का लागि दिक्तेल रुपाकोट मझुवागढी नगरपालिकाले संघीय सरकारबाट कुल ६९ करोड २० लाख पाउने छन् । दिक्तेल रुपाकोट मझुवागढीले चालुतर्फ ६६ करोड २३ लाख र पुँजीगततर्फ २ करोड ९७ लाख पाउने अर्थमन्त्रालयले जनाएको छ । यस्तै, हलेसी तुवाचुङ नगरपालिकालाई कुल ४७ करोड ३६ लाख वित्तीय अनुदान हस्तान्तरण हुनेछ । सो नगरपालिकाले चालुतर्फ ४४ करोड ९६ लाख र पुँजीगतमा २ करोड ४० लाख प्राप्त गर्नेछन् । ऐसेलुखर्क गाउँपालिकालाई चालुतर्फ ३५ करोड ६२ लाख र पुँ...

इटहरी, १८ जेठ । एक समयको सुपरहिट गीत ‘यो हो मेरो प्राण भन्दा प्यारो माईतीघर’ अहिले पनि उत्तिकै हिट छ । सबैको मनमा बस्न सफल छ यो गीत । हाल छायांकन भइरहेको फिल्म ‘माईतीघर’मा यही गीतलाई समावेस गरिँदैछ । ‘माईतीघर’मा समावेश गरिएको सो गीतको भिडियो जेठ १८ गतेदेखि छायांकन सुरु गरिएको छ । छायांकन सेटबाट केही तस्विर समेत सार्वजनीक गरिएको छ जहाँ उपासना सिंह ठकुरी र श्यामा श्री शेर्पा देखिन्छिन् । परम्परागत भेषभूषामा सजिएकी दुई अभिनेत्री कोरस डान्सरका साथ गीतको भिडियोमा नाच्नेछन् । निर्माता रोहित अधिकारीका अनुसार गीतको ‘मर्म र भाव जीवन्त रहोस्’ भनेर सुप्रसिद्ध भारतीय गायिका संजीवनीको स्वरमा यो गीतलाई पुनः ‘माईतीघर’ फिल्मका लागि रेकर्ड गराईएको थियो । भिडियोमा पनि ‘कहीँकतै कमजोरी नहोस्’ भन्नका लागि गीत छायांकनको लागि मात्रै चार दिनको सेड्युल तय गरिएको निर्माता अधिकारीले बताए । फिल्मका प्रमुख दुई अभिने...

खोटाङ, १७ जेठ । नेपाली कांग्रेसका वरिष्ठ नेता डा. शेखर कोईरालाले दलका नेतृत्वले नै ‘राजा आइहालेजस्तो’ आभास दिएको बताएका छन् । खोटाङको हलेसीमा जेठ १७ गते आयोजित पत्रकार भेटघाट कार्यक्रममा वरिष्ठ नेता डा. कोईरालाले कांग्रेस, एमाले र माओवादीले नै ‘राजा आइहालेजस्तो’ आभास दिएको बताएका हुन् । ‘हिन्दुराष्ट्र र राजतन्त्रको यो लडाई बेकार लाग्छ । राजा आइहाल्यो कि जस्तो आभास कल्ले–कल्ले दिइराख्याछ भने हाम्रै नेतृत्वहरुले दिइरहनुभएको छ । नेपाली कंग्रेस, एमाले, माओवादीहरुबाटै आइरहेको छ,’ डा. कोईरालाले भने, ‘किनभने उहाँहरुले सुशासन दिनसक्नु भएको छैन । भ्रष्टाचार बढिरहेको छ । सेवा राम्ररी दिन सकेको छैन । रोजगारीको अवसर सिर्जना गर्न सकेको छैन ।’ हलेसी तुवाचुङ नगरपालिका–७ महादेवस्थानमा पर्ने तुवाचुङ जायजुममा किराती पुर्खा तयामा, खियामा र रैछाकुलेको पाउमा पितृ पुजा एवं साकेला सिली प्रदर्शन कार्यक्रम उद्घाट...

काठमाडौं, १७ जेठ । चर्चित गायक राजेश पायल राईले गाएको ‘लेखेको भाबी भेटिदैन’ बोलको गीतको फिमेल भर्सन सार्वजनिक गरिएको छ । दुई वर्षअघि राईले गाएको गीतलाई पुःन पछिल्लो पुस्ताकी लोकप्रीय गायीका सुनिता थेगिमको स्वरमा सार्वजनिक गरिएको हो । गीतको फिमेल भर्सनको भिडियो यूटुवमार्फत सार्वजनिक गरिएको छ । सो गीतलाई गायीका थेगिमले केही फरक शैलीमा गाएकी छन् । गीतकार बिकास संगम राईले लेखेको तथा बिक्रम राईको संगीत रहेको गीतको भिडियोमा बिकास राई, चाहना मगर, चर्चित कलाकार श्याम राई र कबिता आले मगर लगायतको अभिनय रहेको छ । सशक्त अभिनय र उत्कृष्ट निर्देशन रहेको भिडियो मकवानपुरको चित्लाङ्गमा छायाङ्कन गरिएको हो । पहिलो संस्करणमा सबैको मन मुटुमा बस्न सफल गीतको दोश्रो संस्करणले पनि सबैको मन जित्ने अपेक्षा गरिएको छ । कथा निर्देशन कुशुम लत्ता राईको रहेको भिडियो रौरभ लामाले चिखेका हुन् । गीतको एरेञ्जर राजु कार्की छन...

इटहरी, १६ जेठ । फिल्म ‘माइतिघर’को छायांकनका क्रममा एउटा अविस्मरणीय क्षण सिर्जना भएको छ । म्याग्दीको दरवाङमा छायांकन भइरहेको फिल्मको क्लाइमेक्स दृश्य छायांकन ‘यति भावनात्मक बन्यो कि केही समयका लागि छायांकन नै रोक्नुपर्‍यो’ । कथा अनुसार दृश्यमा बेहुली पक्ष मात्रै भावुक देखिनु पर्ने थियो तर, त्यो सीन यति गहिरो र मनछुने बन्यो कि पर्दामा अभिनय गरिरहेका पात्र मात्र होइन, पर्दापछाडि उभिएका सबैको मन भक्कानियो । बेहुला पक्षका केदारप्रसाद घिमिरे ‘माग्नेबुढा’देखि लिएर अन्य कलाकारहरू समेत भावुक भएर रोए । आँखामा आँशु थाम्न सकेनन् । ‘माइतिघर’को सो दृश्यले स्पष्ट पारेको छ कि फिल्मको कथा केवल दृश्यमा मात्र सीमित छैन, यो भावनामा बग्छ र त्यो भावनाले जो–कोहीलाई छुन सफल हुनेछ । बलियो स्क्रिप्ट, सशक्त निर्देशन र मनछुने अभिनयको संगमले सिर्जना गरेको दृश्यले फिल्मप्रतिको उत्साह अझै बढाएको छ । आगामी दशैंको फुलपा...

खोटाङ, १४ जेठ । तराईमा पाइने विषालु सर्प पहाड देखिन थालेका छन् । तराईमा पाइने गोमन, करेत, बाघेजस्ता सर्प पछिल्लो समय पहाडमा देखिन थालेका हुन् । तराईमा तातो हावा बढेसँगै विभिन्न प्रजातिका विषालु सर्प पहाडी जिल्लामा उक्लिन थालेका हुन् । स्वास्थ्य मन्त्रालयका प्रवक्ता डा. प्रकाश बुढाथोकीका अनुसार पहाडी क्षेत्रमा समेत गर्मी बढ्न थालेपछि तराईका सर्प पहाडमा निस्किएका हुन् । उपचारका क्रममा अस्पताल पुगेका बिरामीको ठेगानाको आधारमा पहाडी जिल्लामा तराईका सर्प उक्लिएको पत्ता लागेको हो । विषालु सर्प पहाडतिर समेत उक्लिन थालेकाले सचेत हुनुपर्ने प्रवक्ता बुढाथोकीको भनाई छ । डब्लुएचओका अनुसार सर्पको टोकाइबाट नेपालमा वार्षिक तीन हजारको मृत्यु हुन्छ  तर, स्वास्थ्य मन्त्रालयको तथ्यांक अनुसार एक वर्षमा सरदर १५० जनाको मृत्यु भएको देखिन्छ । गत वर्ष सर्पको टोकाइबाट १४६ जनाको मृत्यु भएको मन्त्रालयसँग रेकर्ड छ । ...

इटहरी, १२ जेठ । छायांकन भइरहेको नेपाली फिल्म ‘माइतीघर’का चर्चित अभिनेता केदारप्रसाद घिमिरे ‘माग्ने बुढा’को दोश्रो लुक्स सार्वजनिक भएको छ । हाल म्याग्दीको दरबाङ क्षेत्रमा छायांकन भइरहेको ‘माइतीघर’का चर्चित कलाकार घिमिरेको दोश्रो नयाँ लुक्स सार्वजनिक भएको हो । सार्वजनिक भएको लुक्समा ‘माग्ने बुढा’ त्रिशुल र डमरु बोकेको, रुद्राक्षको माला र जटाधारी स्वरूपमा शिवभक्त बाबाको भूमिकामा देखिएका छन् । यसअघि उनको खाटमा बसेर हँसिलो मुहारमा मोबाईल चलाउदै गरेको लुक्स सार्वजनिक भएको थियो । ‘माग्ने बुढा’को फरक अवतार दर्शकमाझ चर्चा र कौतूहलताको विषय बनेको छ । एउटै फिल्मबाट उनको दुई लुक्स सार्वजनिक हुँदा उनको ‘कस्तो चरित्र छ’ भन्ने विषय प्रतिक्षित बनेको छ । फिल्मको छायांकन हिमाली गाउँ ताकम र धारापानीमा सकिएपछि अहिले म्याग्दीको दरबाङस्थित खोला किनारमा भइरहेको निर्माता रोहित अधिकारीले बताए । निर्माता अधिकारी...