समाचार

खोटाङ, ४ फागुन । खोटाङको जन्तेढुंगा गाउँपालिका–६ दिप्लुङस्थित राम्चे बराल थुम्की सामुदायीक वन उपभोक्ता समितिको अध्यक्षमा रामबहादुर राई चुनिएका छन् । राई साविकको दिप्लुङ–३ र ४ मा पर्ने सामुदायीक वन उपभोक्ता समितिको अध्यक्षमा चौथोपल्ट चुनिएका हुन् । नौ सदस्यीय उपभोक्ता समितिको उपाध्यक्षमा जगत मगर, सचिवमा जमिला राई, उप–सचिव चन्द्रबहादुर नेपाली र कोषाध्यक्षमा कल्पनामायाँ राई चयन भएका छन् । २०५३ सालमा स्थापना गरिएको सामुदायीक वन उपभोक्ता समितिले केही वर्षअघि सामुदायीक वन उपभोक्ता समितितर्फ जिल्लामै चौथो पुरस्कार हात पारेको थियो । सो सामुदायीक वन उपभोक्ता समितिले आफ्नै भवन निर्माण गरेको छ । यस्तै, दिप्लुङको सोभे हुँदै खोटाङबजार जाने सडक तथा भगतपुर हुँदै जन्तेढुंगा जाने सडक निर्माण गरेको स्थानीय जगत किरातीले बताए । केही समयअघि मात्रै समितिले भानुमतीमा साँढे चार लाखमा भक्तजन वस्ने प्रतिक्षालय निर...

काठमाडौं, काठमाडौंमा खोटाङ्गेको वनभोज आयोजना गरिएको छ । खोटाङ कलाकार समाज काठमाडौंसँगको सहकार्यमा खोटाङ हलेसी सेवा समाज काठमाडौंले खोटाङ्गेको बृहत वनभोज आयोजना गरेको हो । काठमाडौं बसिरहेका खोटाङ्गे फागुन २ गते काठमाडौं दक्षिणकाली मन्दिरमा वनभोज गएका हुन् । वनभोजमा चर्चित कलाकारको सांगीतिक प्रस्तुती राखिएको थियो । वनभोजमा करिब २५० जनाको उपस्थिति रहेको थियो । वनभोजकै अवसरमा गायक सागर संसार राईलाई ‘द भ्वाइस अफ नेपाल’को उपाधि जिताउनका लागि सहयोग जुटाइएको छ । खोटाङ हलेसी सेवा समाजकोतर्फबाट २५ हजार, खोटाङ कलाकार समाजकोतर्फबाट १० हजार र वनभोजमा सहभागीबाट गरी ९७ हजार २६५ रुपैयाँ बराबरको भोट जुटाइएको खोटाङ हलेसी सेवा समाजका सचिव कुमारबाबु बस्नेतले जानकारी दिए । खोटाङ हलेसी सेवा समाजका अध्यक्ष इन्दा थापा र खोटाङ कलाकार समाजका अध्यक्ष रुपकुमार राईको अध्यक्षतामा भएको कार्यक्रम टंक श्रेष्ठको प्रमुख आ...

काठमाडौं, १ फागुन । नेपाल सरकारले रातो बाँदरलाई पुःन हानिकारक वन्यजन्तु घोषणा गरेको छ । वन तथा वातावरण मन्त्रालयले रातो बाँदरलाई दोस्रो पटक कृषि हानिकारक वन्यजन्तु घोषणा गरेको हो । माघ २९ गते राजपत्रमा प्रकाशित सूचना अनुसार सूचना प्रकाशन भएको मितिले एक वर्षसम्मका लागि रातो बाँदरलाई कृषि हानिकारक वन्यजन्तु घोषणा गरिएको छ । सो घोषणा अनुसार किसानले आफ्नो निजी खेत, खला, बारीमा क्षति पुर्‍याउन आउने बाँदरलाई विनाअनुमति धपाउन, पक्रन र लखेट्न सक्नेछन् । धपाउने वा लखेट्नेक्रममा बाँदर मरेमा किसानलाई कुनै कारबाही नहुने सूचनामा भनिएको छ । पक्रिएको बाँदरलाई राष्ट्रिय निकुञ्ज, वन्यजन्तु आरक्ष कार्यालय, शिकार आरक्ष वा संरक्षण क्षेत्रको कार्यालय, डिभिजन वन कार्यालय वा मातहतको कार्यालयमा बुझाउनुपर्ने छ । धपाउने क्रममा बाँदर मर्न गए सम्बन्धित वडाका कम्तीमा एक जना प्रतिनिधि सहित स्थानीय पाँच व्यक्तिको रोहबर...

खोटाङ, २८ माघ । खोटाङको जन्तेढुंगा गाउँपालिका–६ दिप्लुङमा विहे भोज खाएको निहुमा फैलिएको महामारी नियन्त्रणमा आएको छ । माघ २१ गतेको विवाह भोज खाएपछि बिरामी परेका सबै स्थानीय निको भएका छन् । विवाह भोज खाएकामध्ये बेहुला–बेहलीसहित १७३ जना स्थानीय विरामी परेका थिए । स्वास्थ्यमा समस्या आएपछि उपचारमा राखिएकाकामध्ये बाँकी रहेका चार जना बिरामी निको भएर माघ २७ गते दिउँसो घर फर्किएको जन्तेढुंगा गाउँपालिकाका अध्यक्ष अरुणादेबी राईले बताईन् । उनीहरुलाई प्राथमिक स्वास्थ्य केन्द्र चिसापानीमा उपचारमा राखिएको थियो । गाउँपालिकाका प्रमुख प्रशासकीय अधिकृत सुमन गुरागाईले विज्ञाप्ती जारी गर्दै हाल कुनै पनि बिरामीको स्वास्थ्यमा जटिल समस्या नदेखिएको र नमूना परिक्षणबाट कुनै संक्रमण नदेखिएको जानकारी दिएका छन् । विवाह भोज खाएका स्थानीय माघ २२ गते बेलुकादेखि बिरामी पर्न थालेका हुन् । भोज खाएको करिव १२ घण्टापछि ज्वरो ...

खोटाङ, २७ माघ । कनककुमारी स्मृति प्रतिष्ठानले खोटाङको रावाबेँसी गाउँपालिकाका ६ जना महिला स्वास्थ्य स्वयंसेविकालाई सम्मान गरेको छ । रावाबेँसी गाउँपालिका–२ खार्पाकी स्वर्गीय कनककुमारी पोखरेल र छोरा डोरमणी पोखरेलको स्मृतिमा स्थापना गरिएको प्रतिष्ठानले गाउँपालिकाको ६ वडाका एक/एक जना उत्कृष्ट महिला स्वास्थ्य स्वयंसेविकालाई ‘कनकुमारी पोखरेल उत्कृष्ट महिला स्वास्थ्य स्वयंसेबिका’ सम्मान प्रदान गरेको हो । दुर्गम ठाउँका सर्वसाधारणको स्वास्थ्य सेवामा पुर्‍याएको योगदानको मूल्यांकन गर्दै प्रतिष्ठानले महिला स्वास्थ्य स्वयंसेविका सम्झना थापा मगर, इन्द्र परियार, लङ्कमायाँ मगर, शिवकुमारी पाण्डे, प्रमिला थापा मगर र निर्मला श्रेष्ठलाई सम्मान गरेको छ । माघ २६ गते शारदा मावि, खार्पामा आयोजना गरिएको कार्यक्रममा उत्कृष्ट महिला स्वास्थ्य स्वयंसेविकाहरुलाई जनही सात हजार सहित सम्मान–पत्र प्रदान गरिएको छ । आर्थिक त...

खोटाङ, २५ माघ । खोटाङको दिक्तेलस्थित सरस्वती माविलाई एक पुर्वविद्यार्थीले सरस्वतीको मुर्ती प्रदान गरेका छन् । दिक्तेल रुपाकोट मझुवागढी नगरपालिका–२ सोल्मा निगाले निवासी पुर्वविद्यार्थी लक्ष्मण थापाले सरस्वती माविलाई सरस्वतीको धातुको मुर्ती प्रदान गरेका हुन् । माघ २५ गते विद्यालयमा आयोजित कार्यक्रममा पुर्वविद्यार्थी थापाले विद्यालयलाई सरस्वतीको एक थान मुर्ती हस्तान्तरण गरेका हुन् । सरस्वतीको मुर्ती हस्तान्तरण कार्यक्रममा दिक्तेल रुपाकोट मझुवागढी नगरपालिका–१ दिक्तेलका वडाध्यक्ष नवराज राई, विव्यास अध्यक्ष इन्दिरा बस्नेत, प्रधानाध्यपक शिवहरी ढकाल, विव्यास सदस्य लगायतको उपस्थिति रहेको थियो । सरस्वतीको मुर्ती प्रदान गर्ने थापा २०४९ सालको एसएलसी ‘व्याच’का विद्यार्थी हुन् । हाल बिराटनगर बस्दैआएका थापाले विद्यालयको प्रगतीको कामना सहित सरस्वतीको मुर्ती प्रदान गरेको बताएका छन् । थापा सरस्वती माविको ...

२ माघ, खोटाङ । भारतको मेघालयस्थित कोइलाखानीमा भएको विस्फाेटमा परेर खोटाङका एकाघरका दाजुभाइको मृत्यु भएको छ । बिहीबार मेघालयको उम्साङघाटस्थित कोइलाखानीमा ब्लास्टिङ गर्ने क्रममा लागेको आगलागीमा परी बराहपोखरी गाउँपालिका–१ बराहपोखरी सालघारी २७ वर्षीय दाजु पूर्णबहादुर खपाङ्गी र २४ वर्षीय भाई सुरेन्द्र खपाङ्गीको मृत्यु भएको हो । घटनामा बराहपोखरी भञ्ज्याङका बमबहादुर खपाङ्गी, सालघारीका कर्णबहादुर खपाङ्गी, नरबहादुर खपाङ्गी र उदयपुर साउनेका ललित मगर घाइते भएका छन् । ७ जनाको टोलीमध्ये बराहपोखरी बालम्पाका ताराबल मगर सकुशल छन् । ताराबलले नै फोनमार्फत घटनाको जानकारी गराएको छिमेकी शिवकुमार श्रेष्ठले जानकारी दिए । ताराबलका अनुसार चार जनाको अवस्था गम्भीर छ । घटनाको विस्तृत जानकारी आउन बाँकी छ । उनीहरू रोजगारीका लागि गत पुस ३ गते मेघालय गएका थिए । खोटाङका विभिन्न ठाउँका स्थानीय काम खोज्दै मेघालय जाने गर...

खोटाङ, २१ माघ । जिल्ला प्रहरी कार्यालय खोटाङले प्रहरी जवान मनोज बुढाथोकीलाई पुस महिनाको ‘उत्कृष्ट प्रहरी’ घोषणा गरेको छ । हाल हलेसी तुवाचुङ नगरपालिका–११ राजापानीस्थित अस्थायी प्रहरी पोष्ट राजापानीमा कार्यरत प्रहरी जवान बुढाथोकीलाई पुसभरीको कार्यसम्पादनका आधारमा ‘पोलिस अफ द मन्थ’ घोषणा गरिएको हो । गत भदौ २३ र २४ गतेको जेन–जी आन्दोलनका क्रममा काठमाडौं केन्द्रीय कारागारबाट भागेका उदयपुरका मन्दीप राईलाई पक्राउ गरेर पुःन कारागारमै पुर्‍याउन भूमिका निर्वाह गरेका कारण बुढाथोकीलाई ‘उत्कृष्ट प्रहरी’ घोषणा गरिएको जिल्ला प्रहरी कार्यालय खोटाङका डिएसपी प्रकाश बुढाथोकीले बताए । गम्भीर प्रकृतिको अपराधमा संलग्न प्रतिवादी राईलाई जवान बुढाथोकी सहितको टोलीले गत पुस ६ गते राजापानीको मंसिरेबाट पक्राउ गरेको थियो । विभागीय मूल्य–मान्यता, आदेश–निर्देशनको पालना गर्दै व्यवसायीक, लगनशील र कर्तव्यनिष्ठ तवरले कार्य...

खोटाङ, २० माघ । खोटाङको हलेसी तुवाचुङ नगरपालिका–१ बाहुनीडाँडाको लाकुरीभञ्ज्याङमा सुमो दुर्घटना हुँदा तीन जना घाइते भएका छन् । माघ २० गते केपिलासगढी गाउँपालिका–४ बाक्सिलाबाट हलेसी हुँदै काठमाडौं जाँदै गरेको ना १ ज ८७८१ नम्बरको सुमो दुर्घटनामा भुटानका एकसहित तीन यात्रु घाइते भएका हुन् । मध्यपहाडी लोकमार्गमा अनियन्त्रित भएको सुमो सडकको भित्तातर्फ पल्टिँदा भुटान थिम्बुका ७२ वर्षीय वृद्धा कार्दुङ, डोटीको पुर्वीचौकी गाउँपालिका–४ सानागाउँका ३५ वर्षीय लोकराज जोशी र गोरखाको चुमनुब्री गाउँपालिका–८ का ५८ वर्षीय लोप्साङ लामा घाइते भएका हुन् । घाइतेहरुलाई उपचारका लागि उदयपुरको जनसेवा क्लिनिक घुर्मीमा पठाइएको जिल्ला प्रहरी कार्यालय खोटाङका डिएसपी प्रकाश बुढाथोकीले बताए । भुटानी नागरिक कार्दुङको टाउको र जोशीको काँधमा भित्री चोट लागेको छ । उनीहरु हलेसीमा दर्शन गरेर फर्कनेक्रममा दुर्घटनामा परेका हुन् । हा...

काठमाडौं, १९ माघ । खोटाङका गायक सागर संसार राई ‘द भ्वइस अफ नेपाल सिजन–७ को टप आठमा पुगेका छन् । माघ १६ गतेको लाइभ–शो सँगै दर्शकले दिएको भोटिङको आधारमा सागर संसार उत्कृष्ट आठमा पुग्न सफल भएका हुन् । टप १२ मध्ये सागर संसारले टिम खेम सेञ्चुरीबाट समग्रमा द भ्वइस अफ नेपाल सिजन सातको टप आठ र आफ्नो टिमबाट टप दुईभित्र स्थान सुरक्षित गरेका हुन् । सागर संसारलाई भ्वइस अफ नेपालको फिनालेमा पुर्‍याउनका लागि आगामी माघ २३ गते रातीसम्म खल्ती एप्समार्फत भोट गर्न सकिन्छ । टिम खेम सेञ्चुरी, टिम राजु लामा, टिम प्रमोद खरेल र टिम मेलिना राईबाट उत्कृष्ट दुई दुई जना प्रतिभा प्रतिष्पर्धामा छन् । आगामी शुक्रबार र शनिबार हुने लाइभ शो एवं भोटिङको आधारमा चार जना प्रतिभा ‘आउट’ हुनेछन् भने उत्कृष्ट चार जना प्रतिभा फिनालेमा प्रवेश गर्नेछन् । द भ्वइस अफ नेपालको उपाधिका लागि उनै चार जना प्रतिभाबीचमा प्रतिष्पर्धा हुनेछ ।...