मुख्य खबर

खोटाङ, १९ बैसाख । खोटाङमा भीरबाट लडेर दुई जनाको मृत्यु भएको छ । अग्लो भीरबाट खस्दा बराहपोखरी गाउँपालिका–५ पौवासेराका ५२ वर्षीय बमहादुर राई र ४० वर्षका मनीकुमार राईको मृत्यु भएको हो । बैसाख १९ गते दिउँसो स्थानीय ढकालेखोला भीरबाट खस्दा दुबै जनाको घटनास्थलमै मृत्यु भएको पौवासेराका वडाध्यक्ष फौदराज राईले बताए । बमबहादुरले घाँस गोठालो जाँदा हराएको खुकुरी खोज्नेक्रममा उनीहरुको भीरबाट खसेर मृत्यु भएको हो । बैसाख १८ गते घाँस गोठालो गएकाबेला बमहादुरले खुकुरी हराएका थिए । हराएको खुकुरी खोज्नका लागि बमबहादुरले छिमेकी मनीकुमारलाई साथी लिएर ढकालेखोला भीर पुगेका थिए । खुकुरी खोज्दै जाँदा भीरमा एक जना चिप्लिएपछि एकलेअर्कालाई समाउँदा दुबै जना भीरबाट खसेको अनुमान गरिएको वडाध्यक्ष राईले बताए । दुबै जनाको शवलाई उदयपुरको बेलटार लगेर पोष्टमार्टम गर्ने तयारी भइरहेको प्रहरीले जनाएको छ ।...

- तीर्थराज भट्टराई खोटाङ, १८ बैशाख । प्रत्येक वर्ष मे १ का दिन विश्वभर “अन्तर्राष्ट्रिय श्रमिक दिवस” मनाइन्छ। यो दिवस श्रमिकहरूको अधिकार, सम्मान र योगदानलाई सम्झने तथा उनीहरूको हकहितका लागि आवाज उठाउने महत्वपूर्ण अवसर हो। औद्योगिक क्रान्तिको समयमा श्रमिकहरूले भोगेका कठिन परिस्थितिहरू, लामो कामको समय, न्यून पारिश्रमिक र असुरक्षित कार्यस्थलविरुद्ध गरिएको संघर्षको स्मरणमा यो दिवसको सुरुवात भएको हो। आज पनि यो दिवस केवल उत्सव नभई श्रमिक अधिकारको संरक्षण र प्रवर्द्धनको सन्देश दिने दिनका रूपमा स्थापित छ। नेपालमा श्रमिकहरूको भूमिका र वर्तमान अवस्था  नेपालजस्तो विकासोन्मुख देशमा श्रमिकहरूको भूमिका अत्यन्त महत्वपूर्ण छ। नेपाल कृषि प्रधान देश भएकाले यहाँको ठूलो जनसंख्या प्रत्यक्ष वा अप्रत्यक्ष रूपमा कृषि क्षेत्रमा संलग्न छ। गाउँघरका किसान, मजदुर, निर्माण क्षेत्रमा काम गर्ने श्रमिक, उद्योगधन्दामा क...

खोटाङ, १६ बैसाख । खोटाङको हलेसी तुवाचुङ नगरपालिकाको प्रशासकीय भवन निर्माणका क्रममा मापदण्ड विपरितको इँटा प्रयोग भएको पाइएको छ । नगरपालिकाको प्रशासकीय भवन निर्माणको ठेक्का लिएको आकाश निर्माण सेवा सिन्धुपाल्चोकले मापदण्ड विपरितको इँटा प्रयोग गरेको पाइएको हो । हलेसी तुवाचुङ नगरपालिका–५ दुर्छिमको कोटगैरामा निर्माणाधिन भवनको पर्खालमा सम्झौता विपरितको इँटा प्रयोग भएको पाइएको मेयर बिमला राईले बताईन् । भवनको भुइँ तला र दोश्रो तलाको कोठा पार्टेशन वालमा १ नम्बरको इँटा लगाउनुपर्नेमा ‘छलछाम’ गरेर २ नम्बरको इँटा मिसाएर पाटेशन वाल बनाएको पाइएको हो । २ नम्बर इँटा प्रयोग गरेर बनाइएका ८३२ स्क्वायर फिट पार्टेशन वाल बैसाख १५ गते भत्काएर पुःन १ नम्बरको इँटा प्रयोग गरेर पर्खाल बनाउन निर्माण व्यवसायीलाई निर्देशन दिइएको छ । (भिडियो समाचार Views Of Nepal को पेजमा हेर्न सक्नुहुनेछ ।) ...

खोटाङ, १६ बैसाख । खोटाङको दिक्तेल रुपाकोट मझुवागढी नगरपालिका–१ दिक्तेलका ७७ वर्षीय वृद्ध रामनाथ आचार्य रेबिजविरुद्धको खोप लगाउनका लागि चैत ३० गते जिल्ला अस्पताल दिक्तेल पुगे तर अस्पतालमा खोप पाएनन् । चैत २९ गते कुकरले टोकेपछि वृद्ध आचार्य लट्ठी टेक्दै ‘एन्टी रेबिज भ्याक्सिन’ लगाउन अस्पताल पुगेका थिए । जिल्ला अस्पतालमै ‘एन्टी रेबिज भ्याक्सिन’ नपाएपछि आचार्य हलेसी तुवाचुङ नगरपालिका–५ दुर्छिमस्थित नगर अस्पताल पुगेर एक डोज खोप लगाए । बाँकी दुई डोज खोप दिक्तेलकै क्लिनिकमा किनेर लगाएको आचार्य बताउँछन् । यस्तै, दिक्तेलकै ७ वर्षीय बालकले पनि जिल्ला अस्पतालमा ‘एन्टी रेबिज भ्याक्सिन’ पाएनन् । बजारका क्लिनिकबाट भ्याक्सिन किनेर लगाइएको पीडित परिवारको गुनासो छ । यी केही उदाहरण हुन् । सरकारले जिल्ला अस्पतालमा ‘एन्टी रेबिज भ्याक्सिन’को व्यवस्थापन गर्न नसक्दा जिल्लाका नागरिक मारमा परिरहेका छन् । कुकुर व...

खोटाङ, १४ बैसाख । खोटाङको खोटेहाङ गाउँपालिकामा सञ्चालित कक्षा १२ को परीक्षामा नौ परिक्षार्थी अनुपस्थित भएका छन् । बैसाख १४ गतेदेखि सुरु भएको परिक्षामा ४ छात्रा र ५ छात्र अनुपस्थित भएका हुन् । भगवती दिनानाथ मावि, खोटाङबजार परीक्षा केन्द्रबाट १४६ छात्रामध्ये १४२ र ७९ छात्रमध्ये ७४ छात्र मात्रै सहभागी भएको गाउँपालिकाका विद्यालय श्रोत निरिक्षक मानबहादुर पौडेलले जानकारी दिए । कक्षा १२ को परीक्षा अन्तरगत पहिलो दिन अंग्रेजी विषयको परीक्षा भएको छ । परीक्षा मर्यादित, अनुशासित, शान्त र भयरहित वातावरणमा सञ्चालन भइरहेको गाउँपालिकाका विद्यालय श्रोत निरिक्षक पौडेलले बताए । भगवती दिनानाथ मावि केन्द्रबाट खोटेहाङ, जन्तेढुंगा र दिप्रुङ चुइचुम्मा गाउँपालिकाको ६ वटा माविका परीक्षार्थीले परिक्षा दिइरहेका छन् । खोटेहाङ गाउँपालिकाको सिमपानी मावि र सावाकाली मावि, जन्तेढुंगा गाउँपालिकाको चिसापानी मावि तथा दिप्रुङ...

खोटाङ, १२ बैसाख । सशस्त्र प्रहरी बल, नेपाल नम्बर ७ गुल्म हेड क्वाटर हलेसी, खोटाङको १६ औं स्थापना दिवस मनाइएको छ । दिक्तेल रुपाकोट मझुवागढी नगरपालिका–५ लफ्याङको मझुवागढीमा रहेको गुल्मको बैसाख १२ गते विभिन्न कार्यक्रम गर्दै स्थापना दिवस मनाइएको हो । आफ्नो स्थापना दिवसको अवसरमा गुल्मले विभिन्न क्षेत्रबाट सहयोग पुर्‍याउने व्यक्तिहरुलाई सम्मान गरेको छ । दिक्तेल रुपाकोट मझुवागढी नगरपालिकाका उपमेयर विसन राई, दिप्रुङ चुइचुम्मा गाउँपालिका–३ छोरम्बुका वडाध्यक्ष भूपेन्द्र बस्नेत, साकेला गाउँपालिका–५ मात्तिमका वडाध्यक्ष जीवन खत्री, रावाबेशी गाउँपालिकाका प्रमुख प्रशासकीय अधिकृत राजेश दाहाल, जिल्ला निर्वाचन कार्यालय खोटाङका प्रमुख रविन मगर र पत्रकार महासंघ खोटाङका पूर्वअध्यक्ष दमन राई सम्मानित भएका छन् । उनीहरुलाई प्रमुख अतिथिका रुपमा सशस्त्र प्रहरी वरिष्ठ उपरीक्षक सुधिरजंग थापाले सम्मान–पत्र प्रदान गर...

खोटाङ, ६ बैसाख । खोटाङको दिक्तेलमा आयोजना गरिएको बायो–रेथा (रेडपाण्डा थार) अन्तर्राष्ट्रिय सम्मेलनले जैविक विविधता संरक्षणलाई प्राथमिकतामा राखेर सात बुँदे घोषणा–पत्र जारी गरेको छ । नेपाल सहित भारत, बंगलादेश, अष्ट्रेलिया, जर्मन र अमेरिकामा जैविक विविधता तथा पर्यावरणको क्षेत्रमा काम गरिरहेका विज्ञहरुको सहभागीता रहेको सम्मेलनले परम्परागत अभ्यास, वैज्ञानिक ज्ञान र अन्तर्राष्ट्रिय अनुभवलाई एकीकृत गर्दै जैविक विविधता संरक्षणका सवालमा दिक्तेल घोषणा–पत्र जारी गरेको हो । बैसाख ३ गतेदेखि बैसाख ६ गतेसम्म सञ्चालन भएको सम्मेलनले प्रकृतिमा आधारित जीविकोपार्जन एवं रोजगारी सृजना, दिगो विकास तथा पर्यापर्यटन प्रवद्र्धन, मानव–वन्यजन्तु द्वन्द्र व्यवस्थापन, स्थानीय तथा अन्तर्राष्ट्रिय सहकार्यलाई सुदृढ गर्ने प्रतिबद्धता सहित घोषणा–पत्र जारी गरिएको दिक्तेल रुपाकोट मझुवागढी नगरपालिकाका मेयर तीर्थराज भट्टराईले ब...

खोटाङ, ५ बैसाख । खोटाङमा आयोजना गरिएको वैज्ञानिक अन्वेषण तथा विज्ञान गणित प्रदर्शनीमा आइकार ईभी गाडी प्रदर्शनमा राखिएको छ । दिक्तेल रुपाकोट मझुवागढी नगरपालिका–२ सोल्मास्थित हिमालय माविको आयोजनामा बैसाख ३ गतेदेखि बैसाख ७ गतेसम्म सञ्चालन हुने प्रदर्शनीमा एसपीजी अटोमोबाइल्स प्रालि अन्तर्गत आइकार कम्पनीको भीटुथ्री गाडी प्रदर्शनमा राखिएको हो । सोल्मामै रहेको शुभम फाउण्डेसनको प्रांगणमा आयोजना गरिएको वैज्ञानिक अन्वेषण तथा विज्ञान गणित प्रदर्शनीमा बिराटनगरबाट आइकार गाडी प्रदर्शनमा ल्याइएको हो । विद्युतीय सवारी (ईभी) सम्बन्धी अत्याधुनिक प्रविधि प्रदर्शन गरी स्वच्छ, स्मार्ट र दिगो यातायात बारे जनचेतना फैलाउन गाडी प्रदर्शनमा राखिएको एसपीजी अटोमोबाइल्स प्रालिको बिराटनगर शाखाका सिनियर सेल्स एम्जुकेटिभ धिरेन्द्र प्रधानले बताए । प्रदर्शनीमा ग्राहकलाई एसपीजी अटोमोबाइल्स प्रालि अन्तर्गतका प्रिमियम अटोमोब...

खोटाङ, ५ बैसाख । खोटाङमा अटो दुर्घटना हुँदा आमाछोरा घाइते भएका छन् । दिक्तेल रुपाकोट मझुवागढी नगरपालिका–७ दोर्पाचिउरीडाँडाको बुवालुङदेखि दिक्तेलतर्फ जाँदै गरेको प्र ०१–०२–००४ ह ९५७४ नम्बरको अटो दुर्घटना हुँदा आमा २३ वर्षीय अस्मिता बानीयाँ र ४ वर्षीय छोरा करण बानीयाँ घाइते भएका हुन् । टाउको र अनुहारमा चोट लागेका करणको अवस्था गम्भीर छ । आमा अस्मिताको पनि हात र खुट्टामा चोट लागेको छ । अस्मिताको अवस्था सामान्य रहेको जिल्ला प्रहरी कार्यालय खोटाङले जनाएको छ । घाइतेलाई उपचारका लागि जिल्ला अस्पताल दिक्तेल पठाइएको छ । घाइते आमाछोरा बुवालुङ निवासी हुन् । बुवालुङै चालक चन्द्र बुढाथोकीलाई प्रहरीले नियन्त्रणमा लिएको छ ।...

खोटाङ, १ बैसाख । खोटाङमा बेहोस भएर घरको छतबाट खस्दा गम्भीर घाइते भएका युवाको उपचारमा आर्थिक समस्या भएको छ । चैत २८ गते बेहोस भएर घरको छतबाट खस्दा टाउकोमा गम्भीर चोट लागेका साकेला गाउँपालिका–४ मात्तिम मानेभञ्ज्याङका ३१ वर्षीय सविन सुवेदीको उपचारका लागि आर्थिक समस्या निम्तिएको हो । सुवेदीको काठमाडौं मेडिकल कलेजमा आइसियुमा राखेर उपचार भइरहेको छ । आफन्तका अनुसार गम्भीर अवस्थाका सुवेदीको चैत ३० गते टाउकोको शल्यक्रीया गरिएको छ । सुवेदीलाई उपचारका लागि लामो समयसम्म अस्पतालमा राख्नुपर्ने डाक्टरको सुझाव छ तर आर्थिक अवस्था नाजुक भएकाले परिवारले सहयोगको याचना गरेका छन् । सविनको जीवनरक्षाका लागि पीडित परिवारले क्यूआरमार्फत सहयोग गर्न आव्हान गरेका छन् । सुवेदीको अवस्था गम्भीर छ ।...