मुख्य खबर

खोटाङ, २० पुस । खोटाङको ऐसेलुखर्क गाउँपालिका–५ महेश्वरीमा श्रम संस्कृति पार्टीको अगुवाईमा विद्यालयको पर्खाल मर्मत गरिएको छ । श्रम संस्कृति पार्टीले श्रमदानबाट स्थानीय शिशु माविको गेटको पर्खाल तथा भवनमुनिको भत्किएको पर्खाल पुःननिर्माण गरेको हो । श्रम संस्कृति पार्टीका ऐसेलुखर्क गाउँपालिका अध्यक्ष रजिन राईको नेतृत्व एवं जिल्ला सह–सचिव भूमिनन्द राई लगायतको उपस्थितिमा पुस १९ गते विद्यालयको पर्खाल मर्मत गरिएको हो । श्रमदानसँगै शिशु मावि र वडा कार्यालय महेश्वरीको कार्यालयमा डस्टविन राखिएको श्रम संस्कृति पार्टीका जिल्ला सदस्य प्रशान्त राईले जानकारी दिए । भेलाले महेश्वरीमा छबिश्वर राईको अध्यक्षतामा श्रम संस्कृति पार्टीको २१ सदस्यीय वडा कमिटि गठन गरेको छ । वडा कमिटिको उपाध्यक्षमा निर्मल राई, अनिता बिक, सचिवमा बिजय राई, सह–सचिवमा लिजा राई र कोषाध्यक्षमा पुष्पा राई चयन भएका छन् । सदस्यमा धनकुमार र...

खोटाङ, १८ पुस । खोटाङको बराहपोखरी गाउँपालिका–१ बराहपोखरीमा साविक वडास्तरिय पुरुष भलिबल प्रतियोगीताको तयारी गरिएको छ । माघे संक्रान्तीको अवसर पारेर जनजागृति युवा क्लवको आयोजनामा पुस २७ गतेदेखि माघ १ गतेसम्म भलिबल प्रतियोगीता गर्न लागिएको हो । भञ्ज्याङ खेलमैदानमा सञ्चालन हुने प्रतियोगीतामा प्रथम, दोश्रो र तेश्रो हुने टिमले क्रमशः नगद १५ हजार, १० हजार र ५ हजारको साथमा ट्रफी, मेडल र प्रमाण–पत्र प्राप्त गर्ने संयोजक प्रकाश खपाङ्गी मगरले जानकारी दिए । एमाले बराहपोखी गाउँपालिका–१ वडा कमिटिको प्रायोजनामा जनजागृति युवा क्लवले प्रतियोगीताको तयारी गरेको हो । प्रतियोगीताका लागि पुस २६ गतेसम्ममा टिम दर्ता गरिसक्नुपर्ने छ । सहभागी हुने खेलाडीहरु साविकको वडाको भएको खुल्ले कागजात पेश गर्नुपर्ने क्लवले जनाएको छ । प्रतियोगीता संविधानसभा सदस्य एबं एमाले केन्द्रीय कमिटि सदस्य बिशाल भट्टराईको प्रमुख आतिथ्यत...

खोटाङ, १८ पुस । खोटाङको दिक्तेल रुपाकोट मझुवागढी नगरपालिकाले लोकसेवा आयोगको तयारी कक्षा सुरु गरेको छ । लोकसेवा सारथी प्रालि, दिक्तेल शाखाको सहजीकणमा नगरपालिकाले खरदार र नासुको लिखित दोश्रो र तेश्रो पत्रको तयारी कक्षा सुरु गरेको हो । ६० दिन सञ्चालन हुने लोकसेवा तयारी कक्षा पुस १७ गते दिक्तेल रुपाकोट मझुवागढी नगरपालिकाका मेयर तीर्थराज भट्टराईले उद्घाटन गरेका छन् । (थप समाचार  Views Of Nepal को पेजमा उपलव्ध छ ।) ...

खोटाङ, १६ पुस । गैर–कानुनी रुपमा बस्दै आएका चिनिया नागरिक खोटाङको हलेसीबाट पक्राउ परेका छन् । हलेसी तुवाचुङ नगरपालिका–७ महादेवस्थानको हलेसी मन्दीर क्षेत्रमा गैर–कानुनी रुपमा बसोबास गर्दैआएका जियायो जियायीन नाम बताउने चिनिया महिला पक्राउ परेकी हुन् । हलेसीमा गैर–कानुनी रुपमा बसोबास गर्दैआएको गोप्य सूचनाको आधारमा चिनिया महिलालाई पुस १५ गते इलाका प्रहरी कार्यालय हलेसीका प्रहरी निरिक्षक आकाश उप्रेतीको कमाण्डमा खटिएको प्रहरी टोलीले पक्राउ गरेको हो । पक्राउ परेका महिलालाई अध्यगमन विभाग कालिकास्थान, काठमाडौं पठाइएको जिल्ला प्रहरी कार्यालय खोटाङले जनाएको छ । प्रहरीका अनुसार चिनिया महिलाले सेन्झेन ग्वाङडोङ प्रदेश नन्याङ रोड जिङसुइ जिल्लाबासी भएको बताएकी छन् ।...

खोटाङ, १४ पुस । राप्रपाको दिक्तेल रुपाकोट मझुवागढी नगर समितिको अध्यक्षमा चन्द्रकुमारी राई ‘तारा’ निर्वाचित भएका छन् । पुस १४ गते सम्पन्न तेश्रो अधिबेसनबाट ताराको अध्यक्षतामा राप्रपाको ७५ सदस्यीय नगर समिति गठन गरिएको हो । नगर समितिको उपाध्यक्षमा सौराज राई, सचिवमा राजकुमार खड्का र कोषाध्यक्षमा भरुमायाँ बिश्वकर्मा चयन भएका छन् । राप्रपाको केन्द्रीय कार्य सम्पादन सदस्य अर्जुन राईको प्रमुख आतिथ्यतामा सम्पन्न कार्यक्रममा केन्द्रीय सदस्य बिजयकला राई, जिल्ला अध्यक्ष ललितकुमार राई, युवा विभागको विभागीय सदस्य गुणराज राजभण्डारी, युवा संगठनका केन्द्रीय सह–संयोजक सर्जु श्रेष्ठ, राप्रपाका जिल्ला सचिव मिनुहाङ राई लगायतको उपस्थिति रहेको थियो ।...

खोटाङ, १२ पुस । श्रम संस्कृति पार्टीमा आवद्ध श्रमदाताले खोटाङको हलेसी तुवाचुङ नगरपालिका–९ सल्लेमा सडक मर्मत गरेका छन् । श्रम संस्कृति पार्टीमा आवद्ध श्रमदाताले साविकको सल्ले–६ निसंखेको टर्निङबाट साविकको सल्ले–९ तल्लोचिचिङ्गा जोड्ने करिब चार किलोमिटर सडकखण्ड मर्मत गरेका हुन् । तल्लो चिचिङ्गा टोल कमिटिको आग्रहमा पुस १२ गते सडक मर्मत गरिएको श्रम संस्कृति पार्टीका जिल्ला सदस्य सन्तोष श्रेष्ठले जानकारी दिए । तल्लोचिचिङ्गा टोल कमिटिका संयोजक देउराज राईको नेतृत्वमा श्रमदानबाट कच्ची सडकको नाली निर्माण गरिएको छ । वर्षाको समयमा सडकको ठाउँठाउँमा खसेको पहिरो पन्छाइएको छ । यस्तै, सडकको साँघुरो भएको ठाउँमा डिलमा पर्खाल हालिएको श्रेष्ठले बताए । श्रमदानमा श्रम संस्कृति पार्टीका जिल्ला कोषाध्यक्ष कौशिला राई, जिल्ला कमिटि सदस्य खगेन्द्र राई, नगर संयोजक महाबीर राई लगायत ५० जनाको सहभागीता रहेको थियो ।...

खोटाङ, १२ पुस । नेपाली कम्यूनिष्ट पार्टी खोटाङले फागुन २१ गते तोकिएको निर्वाचनका लागि उम्मेदवारको नामावली सिफारिस गरेको छ । नेपाली कम्यूनिष्ट पार्टीले प्रतिनिधिसभा निर्वाचनका लागि प्रत्यक्षतर्फ ७ जना र समानुपातिकतर्फ १० जनाको नाम सिफारिस गरेको हो । पुस ११ गतेको बैठकबाट प्रतिनिधिसभा निर्वाचनका लागि प्रत्यक्षतर्फ पुर्वसांसद टंक राई, देवान चाम्लिङ, प्रतीक कार्की, भीम राई, रामकुमार राई, शम्भु घिमिरे र हरि रोकाको नाम सिफारिस गरिएको छ । यस्तै, समानुपातिकतर्फ टंकनाथ तामाङ, तेजमायाँ राई, देवराज राई, दुर्गाजयन्ती राई, पर्शु बिक, मिलन श्रेष्ठ, रमिला गुरुङ, शुभलाल राई, समिता कार्की र हरिश्चन्द्र गिरीलाई सिफारिस गरिएको छ । पार्टी एकीकरणका क्रममा नेपाली कम्यूनिष्ट पार्टीमा भित्रिएका नेताहरु पनि उम्मेदवारका रुपमा सिफारिसमा परेका छन् ।...

खोटाङ, ११ पुस । नेपाल सरकारले खोटाङको दिक्तेल रुपाकोट मझुवागढी नगरपालिकाबाट बाँदरको वन्ध्याकरण कार्यक्रमलाई अघि बढाउने निर्णय गरेको छ । पुस ९ गते कृषि तथा पशुपन्छी विकास मन्त्रालय सिंहदरबारमा बसेको बैठकले दिक्तेल रुपाकोट मझुवागढी नगरपालिकाबाट बाँदरको वन्ध्याकरण गर्ने कार्यक्रमलाई ‘पाइलटिङ’को रुपमा अघि बढाउने निर्णय गरेको हो । नेपालमै पहिलोपल्ट बाँदरको वन्ध्याकरणको पाइलटिङ दिक्तेल रुपाकोट मझुवागढी नगरपालिकाबाट सुरु गर्ने निर्णय भएको मेयर तीर्थराज भट्टराईले बताए । बाँदर नियन्त्रण सम्वन्धी कार्यक्रम, कार्ययोजना र सोसँग सम्वन्धित कार्यविधि तथा एसओपी तयारी वारे छलफल गर्न मन्त्रालयले बैठक बोलाएको थियो । बाँस प्रवद्र्धन गर्नुपर्ने लगायतका माग गर्दै मेयर भट्टराई गत साउन १४ गतेदेखि साउन १८ गतेसम्म माइतीघर मण्डलामा ‘सत्याग्रह’मा बसेका थिए । सरकारसँग १६ बुँदे समझदारी भएपछि मेयर भट्टराईले आमरण अनसन ...

खोटाङ, ७ पुस । आगामी फागुन २१ गते तोकिएको निर्वाचनका लागि राप्रपा खोटाङले उम्मेदवार सिफारिस गरेको छ । राप्रपाले प्रतिनिधिसभाको निर्वाचनका लागि प्रत्यक्ष र समानुपातिक उम्मेदवारको नाम सिफारिस गरेको हो । निर्वाचनका लागि प्रत्यक्षतर्फ गुणराज राजभण्डारी, सर्जु श्रेष्ठ र आदिवासी जनजाती महिलातर्फ कृष्णकुमारी राईलाई सिफारिस गरिएको राप्रपा खोटाङका अध्यक्ष ललितकुमार राईले बताए । यस्तै, समानुपातिकतर्फ आदिवासी जनजाती महिलातर्फ बिजयकला राई, खस आर्यतर्फ शिवकुमार खत्री र दलित महिलातर्फबाट भरुमायाँ बिश्वकर्मालाई सिफारिस गरिएको छ ।...

खोटाङ, ४ पुस । बाईक दुर्घटनामा खोटाङमा एक जनाको मृत्यु भएको छ । मध्यपहाडी लोकमार्ग अन्तरगत दिक्तेल रुपाकोट मझुवागढी नगरपालिका–२ सोल्मामा बाईक दुर्घटना हुँदा गम्भीर घाइते बनेका दिक्तेल रुपाकोट मझुवागढी नगरपालिका–१ दिक्तेलका ५५ वर्षीय पदमबहादुर खड्काको मृत्यु भएको हो । दिक्तेल रुपाकोट मझुवागढी नगरपालिका–७ दोर्पाचिउरीडाँडाका दिनेश आचार्यले चलाएको प्र १०५००१ प १७६४ नम्बरको बाईकको पछाडि बसेका खड्कालाई गम्भीर अवस्थामा उद्धार गरेर जिल्ला अस्पतालमा पुर्‍याइएको थियो । पुस ४ गते साँझ ६ बजे बाईकसँगै सडकबाट करिब १५० मिटर तल खसेका खड्कालाई ८.३४ बजे मृत घोषणा गरिएको जिल्ला प्रहरी कार्यालय खोटाङले जनाएको छ । घटनाको विषयमा आचार्य आफैले प्रहरीलाई जानकारी दिएका थिए । आचार्यले मापसे सेवन गरेको अवस्थामा दुर्घटना भएको प्रहरीले जनाएको छ ।...