मुख्य खबर

खोटाङ, १२ फागुन । खोटाङका चार विद्यार्थी संगठनले छात्रालाई बलात्कार गर्ने शिक्षकलाई कडा कारबाही गर्न माग गरेको छ । नेपाल विद्यार्थी संघ, अनेरास्ववियु, अखिल क्रान्तीकारी र समाजवादी विद्यार्थी यूनियनले फागुन ११ गते जिल्ला प्रशासन कार्यालयमा संयुक्त ज्ञापन–पत्र बुझाउँदै छात्रालाई बलात्कार गर्ने दिक्तेल इंलिस बोर्डिङ स्कुलका शिक्षक टेकबहादुर खत्रीलाई हदैसम्मको कारबाही गर्न माग गरेको हो । सोलुखुम्बु थुलुङ दुधकोसी गाउँपालिका–१ नेले निवासी २४ वर्षीय खत्रीले फागुन ९ गते होमवर्क सिकाइदिने वाहनामा १३ वर्षीय छात्रालाई आफ्नै कोठामा बोलाएर बलात्कार गरेको प्रहरीले जनाएको छ । बलात्कारका घटनाले सम्पूर्ण विद्यार्थी, अविभावक, शिक्षक तथा समाजलाई गहिरो मानसिक आघात पुर्‍याएको उल्लेख गर्दै विद्यार्थी संगठनले पिडितलाई आवश्यक क्षतिपूर्ति सहित शिक्षा, स्वास्थ्य र भौतिक सुरक्षाको माग गरेको छ । विज्ञाप्तीमा पिडकलाई...

खोटाङ, १० फागुन । खोटाङमा छात्रालाई करणी गर्ने शिक्षक पक्राउ परेका छन् । १३ वर्षीय वालिकालाई बलात्कार गर्ने सोलुखुम्बु थुलुङ दुधकोसी गाउँपालिका–१ नेलेका २४ वर्षीय टेकबहादुर खत्री पक्राउ परेका हुन् । शिक्षक खत्रीले फागुन ९ गते होमवर्क सिकाइ दिने बाहनामा छात्रालाई आफ्नै कोठामा बोलाएर जवरजस्ती गरेको प्रहरीले जनाएको छ । आरोपित खत्री दिक्तेल इंलिस बोर्डिङ स्कुलका शिक्षक हुन् । करणीपछि बालिकालाई तीन घण्टासम्म कोठामा थुनेर राखेको पीडित परिवारले बताएका छन् । पिडित बालिका रुँदै कोठामा पुगेपछि मात्रै अभिभावकले घटनाको वारे जानकारी पाएका थिए । घटनाको जानकारीपछि पीडित बालिकाको बुवा र काका पीडकको कोठामा पुगेर प्रहरीको जिम्मा लगाएका हुन् । बालिकाको स्वास्थ्य परीक्षणपछि राती ११ बजे पिडकविरुद्ध जवरजस्ती करणी अन्तरगतको जाहेरी दर्ता भएको जिल्ला प्रहरी कार्यालय खोटाङका डिएसपी प्रकाश बुढाथोकीले बताए । पीडित ब...

खोटाङ, ९ फागुन । मुख्या निर्वाचन अधिकृतको कार्यालय खोटाङले मतदान केन्द्रमा खटिने कर्मचारीको नामावली प्रकाशन गरेको छ । मुुख्या निर्वाचन अधिकृतको कार्यालयले फागुन २१ गते तोकिएको प्रतिनिधिसभा सदस्यको निर्वाचन गराउनकालागि खटिने १ हजार १७६ कर्मचारीको नामावली टुंग्याएको हो । मतदान गराउनका लागि आवश्यक मतदान अधिकृत, सहायक मतदान अधिकृत, सहायक कर्मचारी र सहयोगी कर्मचारीहरुको नामावली र खटिने क्षेत्र टुंग्याइएको सहायक निर्वाचन अधिकृत रामचन्द्र मण्डलले बताए । एक मात्रै निर्वाचन क्षेत्र रहेको खोटाङमा १३६ स्थायी र २ अस्थायी मतदान स्थल तथा १९५ वटा स्थायी र २ अस्थायी गरि १९७ मतदान केन्द्र निर्धारण गरिएको मुख्या निर्वाचन अधिकृतको कार्यालयले जनाएको छ । तोकिएका कर्मचारी निर्वाचन सामग्री बोकेर फागुन १७ गतेदेखि तोकिएको मतदान केन्द्रमा पुग्ने सहायक निर्वाचन अधिकृत मण्डलले बताए । हरेक स्थायी मतदान केन्द्रमा ६/६...

खोटाङ, ६ फागुन । खोटाङको साकेला गाउँपालिकाको स्टोर र क्वाटरको रुपमा प्रयोग हुँदैआएको भवनमा आगलागी भएको छ । साकेला गाउँपालिका–४ मात्तिम मानेभञ्ज्याङस्थित सामुदायीक भवनमा आगलागी भएको हो । स्टोर र क्वाटरको रुपमा प्रयोग हुँदैआएको पक्की भवनमा फागुन ६ गते बिहान आगलागी भएको जिल्ला प्रहरी कार्यालय खोटाङका डिएसपी प्रकाश बुढाथोकीले बताए । अढाइ तले सामुदायीक भवनको भुइँतला स्टोर र माथिल्लो तला क्वाटरको रुपमा प्रयोग हुँदैआएको थियो । त्यसमध्ये स्टोरमा आगलागी भएको हो । आगलागीमा स्टोरमा राखिएका प्लाष्टिकका कुर्सी, इन्डक्सन चुल्हो, डष्टबिन लगायतका जिन्सी जलेको गाउँपालिकाका सुचना अधिकारी डिएम चाम्लिङले बताए । (भिडियो समाचार  Views Of Nepal को पेजमा उपलव्ध छ ।) ...

खोटाङ, ४ फागुन । खोटाङको जन्तेढुंगा गाउँपालिका–६ दिप्लुङस्थित राम्चे बराल थुम्की सामुदायीक वन उपभोक्ता समितिको अध्यक्षमा रामबहादुर राई चुनिएका छन् । राई साविकको दिप्लुङ–३ र ४ मा पर्ने सामुदायीक वन उपभोक्ता समितिको अध्यक्षमा चौथोपल्ट चुनिएका हुन् । नौ सदस्यीय उपभोक्ता समितिको उपाध्यक्षमा जगत मगर, सचिवमा जमिला राई, उप–सचिव चन्द्रबहादुर नेपाली र कोषाध्यक्षमा कल्पनामायाँ राई चयन भएका छन् । २०५३ सालमा स्थापना गरिएको सामुदायीक वन उपभोक्ता समितिले केही वर्षअघि सामुदायीक वन उपभोक्ता समितितर्फ जिल्लामै चौथो पुरस्कार हात पारेको थियो । सो सामुदायीक वन उपभोक्ता समितिले आफ्नै भवन निर्माण गरेको छ । यस्तै, दिप्लुङको सोभे हुँदै खोटाङबजार जाने सडक तथा भगतपुर हुँदै जन्तेढुंगा जाने सडक निर्माण गरेको स्थानीय जगत किरातीले बताए । केही समयअघि मात्रै समितिले भानुमतीमा साँढे चार लाखमा भक्तजन वस्ने प्रतिक्षालय निर...

काठमाडौं, काठमाडौंमा खोटाङ्गेको वनभोज आयोजना गरिएको छ । खोटाङ कलाकार समाज काठमाडौंसँगको सहकार्यमा खोटाङ हलेसी सेवा समाज काठमाडौंले खोटाङ्गेको बृहत वनभोज आयोजना गरेको हो । काठमाडौं बसिरहेका खोटाङ्गे फागुन २ गते काठमाडौं दक्षिणकाली मन्दिरमा वनभोज गएका हुन् । वनभोजमा चर्चित कलाकारको सांगीतिक प्रस्तुती राखिएको थियो । वनभोजमा करिब २५० जनाको उपस्थिति रहेको थियो । वनभोजकै अवसरमा गायक सागर संसार राईलाई ‘द भ्वाइस अफ नेपाल’को उपाधि जिताउनका लागि सहयोग जुटाइएको छ । खोटाङ हलेसी सेवा समाजकोतर्फबाट २५ हजार, खोटाङ कलाकार समाजकोतर्फबाट १० हजार र वनभोजमा सहभागीबाट गरी ९७ हजार २६५ रुपैयाँ बराबरको भोट जुटाइएको खोटाङ हलेसी सेवा समाजका सचिव कुमारबाबु बस्नेतले जानकारी दिए । खोटाङ हलेसी सेवा समाजका अध्यक्ष इन्दा थापा र खोटाङ कलाकार समाजका अध्यक्ष रुपकुमार राईको अध्यक्षतामा भएको कार्यक्रम टंक श्रेष्ठको प्रमुख आ...

काठमाडौं, १ फागुन । नेपाल सरकारले रातो बाँदरलाई पुःन हानिकारक वन्यजन्तु घोषणा गरेको छ । वन तथा वातावरण मन्त्रालयले रातो बाँदरलाई दोस्रो पटक कृषि हानिकारक वन्यजन्तु घोषणा गरेको हो । माघ २९ गते राजपत्रमा प्रकाशित सूचना अनुसार सूचना प्रकाशन भएको मितिले एक वर्षसम्मका लागि रातो बाँदरलाई कृषि हानिकारक वन्यजन्तु घोषणा गरिएको छ । सो घोषणा अनुसार किसानले आफ्नो निजी खेत, खला, बारीमा क्षति पुर्‍याउन आउने बाँदरलाई विनाअनुमति धपाउन, पक्रन र लखेट्न सक्नेछन् । धपाउने वा लखेट्नेक्रममा बाँदर मरेमा किसानलाई कुनै कारबाही नहुने सूचनामा भनिएको छ । पक्रिएको बाँदरलाई राष्ट्रिय निकुञ्ज, वन्यजन्तु आरक्ष कार्यालय, शिकार आरक्ष वा संरक्षण क्षेत्रको कार्यालय, डिभिजन वन कार्यालय वा मातहतको कार्यालयमा बुझाउनुपर्ने छ । धपाउने क्रममा बाँदर मर्न गए सम्बन्धित वडाका कम्तीमा एक जना प्रतिनिधि सहित स्थानीय पाँच व्यक्तिको रोहबर...

खोटाङ, २८ माघ । खोटाङको जन्तेढुंगा गाउँपालिका–६ दिप्लुङमा विहे भोज खाएको निहुमा फैलिएको महामारी नियन्त्रणमा आएको छ । माघ २१ गतेको विवाह भोज खाएपछि बिरामी परेका सबै स्थानीय निको भएका छन् । विवाह भोज खाएकामध्ये बेहुला–बेहलीसहित १७३ जना स्थानीय विरामी परेका थिए । स्वास्थ्यमा समस्या आएपछि उपचारमा राखिएकाकामध्ये बाँकी रहेका चार जना बिरामी निको भएर माघ २७ गते दिउँसो घर फर्किएको जन्तेढुंगा गाउँपालिकाका अध्यक्ष अरुणादेबी राईले बताईन् । उनीहरुलाई प्राथमिक स्वास्थ्य केन्द्र चिसापानीमा उपचारमा राखिएको थियो । गाउँपालिकाका प्रमुख प्रशासकीय अधिकृत सुमन गुरागाईले विज्ञाप्ती जारी गर्दै हाल कुनै पनि बिरामीको स्वास्थ्यमा जटिल समस्या नदेखिएको र नमूना परिक्षणबाट कुनै संक्रमण नदेखिएको जानकारी दिएका छन् । विवाह भोज खाएका स्थानीय माघ २२ गते बेलुकादेखि बिरामी पर्न थालेका हुन् । भोज खाएको करिव १२ घण्टापछि ज्वरो ...

खोटाङ, २७ माघ । कनककुमारी स्मृति प्रतिष्ठानले खोटाङको रावाबेँसी गाउँपालिकाका ६ जना महिला स्वास्थ्य स्वयंसेविकालाई सम्मान गरेको छ । रावाबेँसी गाउँपालिका–२ खार्पाकी स्वर्गीय कनककुमारी पोखरेल र छोरा डोरमणी पोखरेलको स्मृतिमा स्थापना गरिएको प्रतिष्ठानले गाउँपालिकाको ६ वडाका एक/एक जना उत्कृष्ट महिला स्वास्थ्य स्वयंसेविकालाई ‘कनकुमारी पोखरेल उत्कृष्ट महिला स्वास्थ्य स्वयंसेबिका’ सम्मान प्रदान गरेको हो । दुर्गम ठाउँका सर्वसाधारणको स्वास्थ्य सेवामा पुर्‍याएको योगदानको मूल्यांकन गर्दै प्रतिष्ठानले महिला स्वास्थ्य स्वयंसेविका सम्झना थापा मगर, इन्द्र परियार, लङ्कमायाँ मगर, शिवकुमारी पाण्डे, प्रमिला थापा मगर र निर्मला श्रेष्ठलाई सम्मान गरेको छ । माघ २६ गते शारदा मावि, खार्पामा आयोजना गरिएको कार्यक्रममा उत्कृष्ट महिला स्वास्थ्य स्वयंसेविकाहरुलाई जनही सात हजार सहित सम्मान–पत्र प्रदान गरिएको छ । आर्थिक त...

खोटाङ, २५ माघ । खोटाङको दिक्तेलस्थित सरस्वती माविलाई एक पुर्वविद्यार्थीले सरस्वतीको मुर्ती प्रदान गरेका छन् । दिक्तेल रुपाकोट मझुवागढी नगरपालिका–२ सोल्मा निगाले निवासी पुर्वविद्यार्थी लक्ष्मण थापाले सरस्वती माविलाई सरस्वतीको धातुको मुर्ती प्रदान गरेका हुन् । माघ २५ गते विद्यालयमा आयोजित कार्यक्रममा पुर्वविद्यार्थी थापाले विद्यालयलाई सरस्वतीको एक थान मुर्ती हस्तान्तरण गरेका हुन् । सरस्वतीको मुर्ती हस्तान्तरण कार्यक्रममा दिक्तेल रुपाकोट मझुवागढी नगरपालिका–१ दिक्तेलका वडाध्यक्ष नवराज राई, विव्यास अध्यक्ष इन्दिरा बस्नेत, प्रधानाध्यपक शिवहरी ढकाल, विव्यास सदस्य लगायतको उपस्थिति रहेको थियो । सरस्वतीको मुर्ती प्रदान गर्ने थापा २०४९ सालको एसएलसी ‘व्याच’का विद्यार्थी हुन् । हाल बिराटनगर बस्दैआएका थापाले विद्यालयको प्रगतीको कामना सहित सरस्वतीको मुर्ती प्रदान गरेको बताएका छन् । थापा सरस्वती माविको ...